Mwenge wa Uhuru 2024 kutembelea miradi ya Bil. 7 Wilaya ya Dodoma

By Halmashauri ya Jiji la Dodoma

 

Na. Dennis Gondwe, DODOMA

MWENGE wa Uhuru mwaka 2024 utatembelea, kuzindua na kuweka jiwe la msingi jumla ya miradi saba yenye thamani ya shilingi 7,096,668,714.32 wilayani Dodoma.

Mkuu wa Wilaya ya Dodoma, Alhaj Jabi Shekimweri (kushoto) akipokea Mwenge wa Uhuru kutoka kwa Mkuu wa Wilaya ya Chemba, Gerald Mongela (kulia) leo katika uwanja wa michezo wa shule ya sekondari John Merlin


Kauli hiyo ilitolewa na Mkuu wa Wilaya ya Dodoma, Alhaj Jabir Shekimweri alipokuwa akipokea Mwenge wa Uhuru kutoka kwa Mkuu wa Wilaya ya Chemba, Gerald Mongela mapema leo katika uwanja wa michezo wa Shule ya Sekondari John Merlin iliyopo Halmashauri ya Jiji la Dodoma.

Alhaj Shekimweri alisema “ninakiri kwa dhati ya moyo wangu kuupokea Mwenge wa Uhuru kutoka kwako Mkuu wa Wilaya ya Chemba, Gerald Mongela. Aidha, ninakiri kumpokea Kiongozi wa mbio za Mwenge wa Uhuru kitaifa ndugu Godfrey Mnzava pamoja na wenzake watano. Mwenge wa Uhuru ukiwa wilayani Dodoma utatembelea miradi saba yenye jumla ya shilingi 7,096,668,714.32. Vilevile, Mwenge wa Uhuru utapata nafasi ya kusalimia kongamano la vijana. Nikuhakikishie kwamba Mwenge wa Uhuru katika Wilaya ya Dodoma tutautendea haki kwa kukimbia nao kama ratiba ilivyopangwa”.

Awali akikabidhi Mwenge wa Uhuru, Mkuu wa Wilaya ya Chemba, Gerald Mongela alisema “nakukabidhi Mwenge wa Uhuru Mkuu wa Wilaya ya Dodoma, Jabir Shekimweri, Mwenge huu ukiwa unawake, unameremeta na unapendeza sana. Aidha, ninakukabidhi na itifaki ya wakimbiza Mwenge wa Uhuru kitaifa sita wakiwa na afya njema wakiongozwa na Godfrey Mnzava”.

Alisema kuwa Mwenge wa Uhuru ukiwa ndani ya Wilaya ya chemba, ulikimbizwa bila kusimama umbali wa kilometa 163 ukitembelea, kukagua na kuweka jiwe la msingi kwenye miradi sita yenye thamani ya shilingi 1,293,815,620. Mwenge wa Uhuru katika Wilaya ya Chemba umeacha alama kubwa, aliongeza.


Mkurugenzi wa Jiji la Dodoma, John Kayombo akiendelea na itifaki ya Mwenge wa Uhuru mwaka 2024


Diwani wa Kata ya Chamwino, Jumanne Ngede akiendelea na itifaki ya Mwenge wa Uhuru mwaka 2024

Mstahiki Meya wa Jiji la Dodoma, Prof. Davis Mwamfupe akiendelea na itifaki ya Mwenge wa Uhuru mwaka 2024


MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more