Msalato Sekondari wamshukuru Rais, Dkt. Samia ujenzi wa mabweni

By Halmashauri ya Jiji la Dodoma

 Na. Dennis Gondwe, MSALATO

SHULE ya Sekondari ya Wasichana Msalato inamshukuru Rais wa Jamhuri ya Muungano wa Tanzania, Dkt. Samia Suluhu Hassan kwa kutoa fedha nyingi za ujenzi wa miundombinu na kuwatengenezea mazingira bora ya kufundishia na kujifunzia wanafunzi kwa lengo la kukuza viwango vya taaluma nchini.

Mkuu wa Shule ya Sekondari ya Wasichana, Msalato, Mwl. Mwasiti Msokola alipokuwa akiongelea juhudi za serikali katika ujenzi wa miundombinu


Shukrani hizo zilitolewa na Mkuu wa Shule ya Sekondari ya Wasichana, Msalato, Mwl. Mwasiti Msokola alipokuwa akiongelea juhudi za serikali katika ujenzi wa miundombinu mbele ya ugeni kutoka Wizara ya Elimu na Mafunzo ya Amali Zanzibar uliotembelea shule hiyo.

“Tunamshukuru sana Rais, Dkt. Samia Suluhu Hassan kwa upande wa elimu Shule ya Sekondari ya wasichana Msalato ametuona kwa sababu mwaka jana ametuletea fedha shilingi 428,000,000 kutuwezesha kujenga mabweni mawili ya maadalizi ya kupokea wanafunzi wa kidato cha tano. Vilevile, tukapewa vyumba saba vya madarasa na matundu 10 ya vyoo. Haikutosha tukapewa tena shilingi 260,000,000 kwa ajili ya kujenga mabweni mengine mawili. Kukamilika kwa miundombinu hiyo kumepunguza msongamano wa wanafunzi darasani na katika mabweni kila mwanafunzi ana kitanda chake. Tunamshukuru sana rais wetu” alisema Mwl. Msokola kwa sauti ya shukrani.

Wakati huohuo, Mkuu wa Divisheni ya Elimu ya Sekondari Halmashauri ya Jiji la Dodoma, Mwl. Zainab Abdallah alisema kuwa motisha kwa walimu imesaidia kuinua hali ya taaluma. “Motisha ni kila kitu katika elimu kama hakuna motisha ni kazi ngumu sana. Tarehe 17 Februari, 2024 tulifanya kikao cha wadau wa elimu pamoja na utoaji tuzo kwa walimu waliofanya vizuri katika masomo yao ili tujadiliane jinsi ya kuboresha elimu. Halmashauri tuliipatia shule hii tuzo na tuna utaratibu wa kununua alama ‘A’ kwa kila mwalimu anayezalisha ‘A’ tunailipa shilingi 10,000. Kwa hiyo hapa walinimalizia kibubu changu hapa Msalato. Hapa kulikuwa na mwalimu ana ‘A’ 86 za Kiswahili, mwalimu ana ‘A’ 78 Baiolojia na mwalimu ana ‘A’ 74 za Kemia na wote tuliwazawadia” alisema Mwl. Zainab.

Mkuu wa Divisheni ya Elimu ya Sekondari Halmashauri ya Jiji la Dodoma, Mwl. Zainab Abdallah akifuatilia majaribio katika Maabara ya Kemia 


Wakiwa shuleni hapo, timu ya wageni kutoka Wizara ya Elimu na Mafunzo ya Amali Zanzibar walielezwa usimamiaji wa nidhamu ya walimu na wanafunzi, jitihada za shule kumaliza mada kwa wakati na wanafunzi kufanya majaribio ya sayansi kwa vitendo.





MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more