Tamisemi yajivumia taaluma Bunge Sekondari

By Halmashauri ya Jiji la Dodoma

Na. Dennis Gondwe, DODOMA

OFISI ya Rais, Tawala za Mikoa na Serikali za Mitaa inajivunia maendeleo ya kitaaluma katika Shule ya Sekondari ya wasichana Bunge kufuatia uwekezaji waliofanya na serikali shuleni hapo.

Mkurugenzi Msaidizi wa Elimu Ofisi ya Rais, Tamisemi, Mwl. Ernest Hinju (katikati) akisisitiza jambo


Kauli hiyo ilitolewa na Mkurugenzi Msaidizi wa Elimu Ofisi ya Rais, Tamisemi, Mwl. Ernest Hinju alipoongoza ujumbe kutoka Wizara ya Elimu na Mafunzo ya Amali Zanzibar kutembelea shule hiyo.

Mwl. Hinju alisema “leo tulikuwa katika ziara ya kuwakaribisha na kuwatembeza wageni wetu kutoka Zanzibar ambao ni Mkurugenzi wa Elimu Maandalizi na Msingi na Mkurugenzi wa Elimu ya Sekondari pamoja na wasaidizi wao. Lengo ni kuja kujifunza kwa pande mbili jinsi wanavyoendesha elimu. Katika shule ya sekondari ya wasichana Bunge pamoja na mambo mengine tumeweza kuongea na wanafunzi na tumewakuta wanafunzi wanapendeza na wanahari ya kujifunza. Shule ya Sekondari ya wasichana Bunge imejengwa kwa hisani ya wabunge wa Tanzania na imethibitika jitihada ya Rais, Dkt. Samia Suluhu Hassan alivyoweza kuongeza majengo mengine mengi kwa haraka. Leo shule ina wanafunzi wa kidato cha tano na sita; na tumeshuhudia matokeo yanapanda kwa kasi na walimu wanajituma sana. Tumetembelea maabara na wanafunzi wanaweza kuonesha kazi wanazofanya vizuri sana.

Akisoma taarifa ya shule, Mkuu wa Shule hiyo, Mwl. Salome Mkombola alisema kuwa shule yake ina mikakati ya kukuza taaluma. “Mikakati hiyo ni kuzingatia ratiba ya vipindi vyote kufundishwa. Pia tumekuwa na mitihani ya mara kwa mara inayosahihishwa na kufanyiwa tathimini. Mkakati mwingine tumekuwa tukiwatambua na kuwasaidia wanafunzi ambao hawafanyi vizuri kwenye mitihani yao na kuendesha madarasa rekebishi pamoja na kutumia vipindi vya ziada ili kumaliza mihtasari mapema na kupata muda mzuri wa kufanya mapitio ya maeneo ambayo yamekuwa yakiwatatiza wanafunzi” alisema Mwl. Mkombola.

Mkuu wa Shule ya Sekondari ya Wasichana Bunge, Mwl. Salome Mkombola akisoma mikakati ya kukuza taaluma


Akiongelea kupanda kwa taaluma, mwalimu wa taaluma msaidizi, Mwl. Stephano Chipuza alisema kuwa taaluma imekuwa ikipanda kila mwaka. “Kidato cha sita awamu ya kwanza tulikuwa na Daraja la kwanza wanafunzi 17, daraja na pili wanafunzi 92 na daraja la tatu wanafunzi 38. Hatukuwa na daraja la nne wala sifuri. GPA ile hatukuridhika nayo. Mwaka jana daraja la kwanza walikuwa wanafunzi 54 maana yake walipanda kutoka wanafunzi 17 mapaka 54. Daraja la pili wanafunzi 86 na daraja la tatu wanafunzi 33. Hivyo, GPA ikawa inasogea kutoka 3.6 mpaka 2.8” alisema Mwl. Chipuza.



Mwl. Stephano Chipuza, Mtaaluma msaidizi


MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more