TAKUKURU yapewa rai kuboresha mikakati ya kutokomeza rushwa

By Halmashauri ya Jiji la Dodoma

Na. Nancy Kivuyo, DODOMA

Taasisi ya Kuzuia na Kupambana na Rushwa nchini (TAKUKURU) imeeleza kuwa katika kipindi cha kuelekea Uchaguzi Mkuu wa Tanzania imejipanga kutoa elimu na kusisitiza wananchi kuepuka kupokea rushwa kwaajili ya kuchagua viongozi.



Hayo yalielezwa na Mratibu wa Banda la TAKUKURU, Suzana Raymond wakati akizungumza na Mkuu wa Wilaya ya Dodoma aliyetembelea banda hilo katika maonesho ya wakulima Nanenane yanayoendelea Nzuguni jijini Dodoma.

Alisema kuwa banda la TAKUKURU limejikita katika kutoa elimu na kupokea taarifa zinazohusu masuala ya rushwa. “Pamoja na majukumu yote, wakati mwingine tunapokea ushauri mbalimbali kwasababu sisi tunaweza tusione tunachokifanya lakini walio nje ndio wanaona nini tunakifanya na huwa tunapeleka ngazi za juu na wao wanazifanyia kazi kwa kadri inavyotakikana” alisema Raymond.

Alisema kuwa lengo la kuwepo katika maonesho ya Nanenane ni kuhakikisha wanatoa elimu ya kutosha kwa jamii hasa kuelekea uchaguzi mkuu. “Lakini katika kipindi hiki cha kuelekea uchaguzi mkuu tunatumia fursa hii kuwaelimisha wananchi juu ya athari za kuchagua viongozi baada ya kupokea rushwa. Kupitia maonesho haya tuna uelimishaji wa nje ambao wenzetu wapo wanazunguka sehemu mbalimbali huko nje ili kuendelea kutoa elimu na kuhakikisha suala la rushwa linatokomezwa” alimalizia Raymond.



Kwa upande wake Mkuu wa Wilaya ya Dodoma, Alhaj. Jabir Shekimweri alianza kwa kuipongeza TAKUKURU kwa kazi nzuri wanayoifanya katika kuhakikisha mapambano ya kutokomeza rushwa yanafanikiwa. “Rushwa ipo kwenye historia ya dunia, lakini ninyi mnapaswa kuendelea na mapambano na kuhakikisha rushwa inatokomezwa kwa kubadilisha mbinu za ufanyaji kazi. Mapambano hayo yasiishie kwenye watu wazima walio makazini tu bali mbinu nyingine mbadala zitumike ili kuhakikisha suala hili linabaki historia” alisema Alhaj. Shekimweri.

Alimalizia kwa kutoa rai kwa TAKUKURU kuhakikisha wanabadilisha mbinu na mazingira ya ufanyaji kazi. “Jambo la kwanza, nashauri kuwa ni muhimu kuhakikisha rika dogo wanapewa elimu ya kutosha ili wakue na mkakati huo utakaowajengea mzizi wa uzalendo mapema. Jambo la pili kuhakikisha kuwa rika la utegemezi ambalo baada ya muda wanaingia kwenye mazingira ya elimu ya juu na ajira wanajengewa uwezo wa nidhamu katika fedha, katika kujitegemea na kuwajibika ili wanapoingia kazini suala la rushwa lisiwe tatizo tena. Kwenye uchaguzi tunawategemea sana kuwa mtafanya vizuri zaidi ili kuepusha makovu yatakayoachwa baada ya uchaguzi” alimaliza Alhaj. Shekimweri.

Maonesho ya Nanenane kitaifa yapo katika siku yake ya sita katika viwanja vya Nanenane, Nzuguni yakiongozwa na kaulimbiu isemayo “Chagua viongozi bora kwa maendeleo ya Kilimo, Mifugo na Uvuvi”

MWISHO

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more