Sura mpya ya kilimo cha vitunguu yaonesha mafanikio

By Halmashauri ya Jiji la Dodoma

Na. Husna Rajabu, DODOMA

Kitunguu kimekuwa ni miongoni mwa zao la biashara chenye faida kubwa na hulimwa karibu maeneo yote nchini hasa maeneo ya miinuko ya kaskazini mwa Tanzania.



Katika maonesho ya wakulima Nanenane yanayoendelea katika viwanja vya Nzuguni jijini Dodoma vipando bustani vya Halmashauri ya Jiji la Dodoma vimejumuisha teknolojia ya ulimaji vitunguu kwa njia ya asili katika eneo dogo na kupata mazao mengi.

Afisa Kilimo katika Halmashauri ya Jiji la Dodoma, Madei Kidai alieleza mchakato wa kilimo hicho chenye tija kibiashara. “Ili kufanikisha kilimo cha vitunguu, ni lazima uanze na maandalizi ya shamba. Pia, tunawahimiza wakulima kutafuta mbegu bora, kuandaa matuta vizuri, na kuhamisha miche kutoka kwenye kitalu baada ya muda muafaka. Hapa kwetu tumetumia mbinu hizi, na matokeo yanaonekana kama hivi mnavyoona” alieleza Kidai.

Kwa mujibu wa Kidai, baada ya kupanda, hatua muhimu zinazofuata ni umwagiliaji na udhibiti wa wadudu na magonjwa. Alisisitiza kuwa wametumia viwatilifu vinavyosaidia kudhibiti wadudu kama vidudu mafuta na viducali na magonjwa kama fangasi ambayo kwa kawaida hushambulia vitunguu.

Kwa upande mwingine, Afisa Kilimo katika Halmashauri ya Jiji la Dodoma, Nkunde Kimweri alieleza mbinu za kilimo hai ‘organic’ walizotumia. “Hapa katika shamba letu la mfano, tulianza kwa kuandaa matuta na kuchanganya mbolea ya samadi. Kwa kila tuta tulitumia ndoo tatu za mbolea ya samadi, baada ya kuchanganya mbolea na udongo, tulimwagilia maji na kuacha ardhi ipoe kwa siku mbili kabla ya kupanda vitunguu” alisema Kimweri.

Alimalizia kusema kuwa mbegu wanazichagua kwa umakini mkubwa sana kwenye maduka ya pembejeo za kilimo. “Mbegu yetu, inaitwa Red Planet F1, tuliipanda tarehe 20 Mei, 2025. Muhimu zaidi ni kwamba kilimo hiki chote tumetumia mbolea na dawa za asili kama mnavyoona matokeo ni mazuri na vitunguu vimestawi vizuri. Alimaliza Kimweri.

Vitunguu ni zao la kibiashara lenye tija kubwa na linafanya vizuri mkoani Dodoma, linapaswa kupewa kipaumbele na wakulima wengi kwa lengo la kukuza biashara ya vitunguu na kuongeza pato la uchumi wa mkoa na wananchi wote kwa ujumla.




MWISHO

Imehaririwa na Nancy Kivuyo 

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more