Ujenzi Shule za Sekondari za ziada Suluhu Changamoto ya Umbali

By Halmashauri ya Jiji la Dodoma

Na. Faraja Mbise, DODOMA

Kata 41 za Halmashauri ya Jiji la Dodoma zinatarajiwa kunufaika na ujenzi wa shule za sekondari za ziada kwa ajili ya kuhakikisha mtoto anapata elimu katika mazingira mazuri na kutatua changamoto ya umbali wa kupata huduma ya elimu.



Hayo yalisemwa na Mbunge wa Dodoma Mjini, Anthony Mavunde, alipokuwa akitoa hotuba kwa madiwani, wakuu wa divisheni na vitengo, walimu, watendaji wa kata na wanafunzi waliohudhuria katika hafla ya Ugawaji Kompyuta na Printa kwa Shule za Sekondari na maafisa watendaji wa kata jijini Dodoma.

Mbunge wa Jimbo la Dodoma, Anthony Mavunde alisema “moja kati ya mipango yangu mikubwa nayoendelea nayo ni kuendelea kuhakikisha kata zote za Dodoma zina sekondari, tukimaliza hayo tuongeze sekondari za ziada hasa zile ambazo watoto wanatembea umbali mrefu. Mheshimiwa mkuu wa wilaya ukienda pembezoni mwa Jiji la Dodoma, kuna maeneo ambayo watoto walikuwa wanatembea mpaka kilomita 16 kufuata shule. Ukienda Kata ya Chahwa eneo la Mahoma Makulu watoto walikuwa wanatembea umbali mrefu kwenda Ipala Sekondari”.

Kwa upande wake Mkuu wa Shule ya Sekondari Anthony Mavunde, Mwl. Emmanuel Magumba, alimshukuru Mbunge wa Dodoma Mjini kwa ugawaji wa Printa na Kompyuta kwasababu itaenda kutatua changamoto waliyokuwa wanaipata awali katika uandaaji wa mitihani.

“Zoezi hili la ugawaji Kompyuta na Printa nimelipokea kwa mikono miwili na linakwenda kuongeza hali ya utoaji wa mitihani shuleni kwetu kwasababu tulikuwa hatuna vifaa kwa ajili ya kuandalia mitihani na uchapishaji. Hili linakwenda kusaidia wanafunzi wetu kupata elimu bora hasa katika upataji wa mitihani, utoaji wa notisi pamoja na vifaa ambavyo vimewekwa humu kwa ajili ya kusaidia watoto” alisema Mwl. Magumba.



Nae, mwanafunzi wa Shule ya Sekondari Umonga, Angelina Masikini alimshukuru Mbunge wa Jimbo la Dodoma Mjini kwa ujio wake na kugawa kompyuta na printa kwa shule zilizopo jijini Dodoma. “Tunamshukuru Mbunge wa Jimbo la Dodoma Mjini, Anthony Mavunde kwa kufanya Hafla hii ya Ugawaji wa Kompyuta na Printa kwa Shule za Sekondari jijini Dodoma, tunaamini vifaa hivi vitaenda kuongeza ujuzi wetu darasani na kutupa uwezo mkubwa wa kuendena na mabadiliko ya kiteknolojia yanayoendelea hivi sasa” alishukuru Masikini.

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Halmashauri ya Jiji la Dodoma Kuhudumia Majimbo Mawili ya Uchaguzi

By Halmashauri ya Jiji la Dodoma
Image
Na. Faraja Mbise, DODOMA Halmashauri ya Jiji la Dodoma imejipanga vema kutoa huduma kwa wananchi wote kwa kuzingatia mgawanyo wa Jimbo la Dodoma Mjini wenye mapendekezo ya kuligawa jimbo hilo kuwa Jimbo la Mtumba lenye jumla ya kata 20 na Jimbo la Dodoma Mjini lenye kata 21. Kauli hiyo ilitolewa na Mkurugenzi wa Jiji la Dodoma, Dkt. Frederick Sagamiko, mara baada ya majadiliano kutoka kwa Madiwani kuhusu taarifa iliyowasilishwa na Afisa Uchaguzi Halmashauri ya Jiji la Dodoma, Albert Kasoga ya kuwasilisha mapendekezo ya mgawanyo wa Jimbo la Dodoma Mjini, katika Mkutano maalum wa Baraza la Madiwani lililofanyika tarehe 12 Machi, 2025 katika Ukumbi wa Mikutano wa Halmashauri ya Jiji la Dodoma. Dkt. Sagamiko alisema “mgawanyo huu kwa sasa unalenga mgawanyo wa jimbo kuwa majimbo mawili, bado tutaendelea kuwa na halmashauri moja kwa maana ya utoaji huduma kwa ngazi ya Halmashauri ya Jiji la Dodoma. Jiji litaendelea kuwajibika katika utoaji wa huduma katika majimbo yote mawili”. Akizung...
Read more

DC Shekimweri apongeza Jiji la Dodoma kupandisha ufaulu

By Halmashauri ya Jiji la Dodoma
Image
Na. Aisha Ibrahim, DODOMA Mkuu wa Wilaya ya Dodoma, Alhaj Jabir Shekimweri, amewapongeza wadau na waratibu wa elimu kwa kazi nzuri wanayoifanya ya kuhakikisha ufaulu wa wanafunzi ngazi ya msingi na sekondari unazidi kupanda kila siku katika Jiji la Dodoma. Alitoa pongezi hizo katika kikao cha wadau wa elimu na kuutambulisha mfuko wa lishe shuleni wa mwaka 2025, kilichofanyika ukumbi wa Vijana uliopo Kata ya Kiwanja cha Ndege, jijini Dodoma. Akizungumza katika kikao hicho alisema kuwa, lengo la Rais wa awamu ya sita, Dkt. Samia Suluhu Hassan, kuanzisha mpango wa lishe bora shuleni ni kukuza ufaulu wa wanafunzi na kuenzi kauli za Baba wa Taifa, Mwalimu Julius Kambarage Nyerere, isemayo “Elimu tunayohitaji siyo tu ya kujua kusoma na kuandika bali ni elimu ya kujenga jamii yetu ya kufanya tuwe na uwezo wa kufanya kazi na kuleta maendeleo kwa wengine”. Aliongeza kuwa, chini ya utawala wa Rais wa awamu ya sita, Dkt. Samia Suluhu Hassan, serikali imejitahidi kuboresha na kutekeleza kw...
Read more