Mkutano Mkuu wa 39 wa ALAT wafanyika Dodoma

By Halmashauri ya Jiji la Dodoma

Na. Aisha Ibrahim, DODOMA

Mkutano mkuu wa 39 wa Mwaka wa Mamlaka ya Jumuiya ya Tawala za Mitaa Tanzania (ALAT) umefanyika katika Ukumbi wa Mikutano wa Jakaya Kikwete Convention Center jijini Dodoma, uliofunguliwa na mgeni rasmi ambaye ni Rais wa Jamhuri ya Muungano wa Tanzania, Dkt. Samia Suluhu Hassan, kwa lengo la kujadili na kufanya tathmini ya mipango ya ALAT na mambo mbalimbali yanayoendelea katika serikali za mitaa.



Akitoa taarifa wakati wa mkutano huo, Mwenyekiti wa ALAT Taifa, Murshid Ngeze, alisema kuwa katika mkutano wa mwaka huo wamejitahidi kualika viongozi mbalimbali wakiwemo wenyeviti wa mitaa ili kupata maarifa mbalimbali yanayohusiana na uendeshaji wa serikali za mitaa. Hivyo, kwenda kuwa viongozi bora katika mitaa yao. “Mkutano huu tunafanya kila mwaka, lakini mwaka huu tumeenda mbali zaidi kwa kuwaalika wenyeviti wa serikali za mitaa ili watakapofika hapa waweze kupata ujumbe wa moja kwa moja na kujifunza namna ya uendeshaji na utekelezaji wa shughuli zote zinazohusiana na serikali za mitaa” alisema Ngeze.

Katika hatua nyingine, aliishukuru Benki ya NMB kwa kuwa mdau mkubwa wa ALAT na kujitoa katika kuhakikisha shughuli za serikali za mitaa zinazidi kusonga mbele na kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan za kutekeleza miradi mbalimbali nchini. “Tunaishukuru sana Benki ya NMB kwa kuwa mdau wetu mkubwa na kwa mwaka huu ametuunga sana mkono na ifikapo tarehe 13 Machi, 2025 wajumbe wote wa mkutano huu tutakuwa tunasafiri na SGR kutoka Dodoma kwenda Dar es Salaam kwa ufadhiri wa NMB” alishukuru.

Aidha, aliongeza kuwa ALAT imeimalika na kuwa bora kuliko miaka iliyopita kwasababu taarifa za ukaguzi zinawasilishwa mbele ya hadhara na kutolewa ufafanuzi unaojitosheleza. “Mheshimiwa Rais, kwa sasa ALAT imeimarika, mikutano iliyopita taarifa za ukaguzi zilikuwa haziwasilishwi, lakini hivi sasa taarifa hizi zinakuwa wazi na kuwasilishwa vizuri sana” aliongeza Ngeze.

Sambamba na hayo, alifafanua kuwa wamejitahidi kufuata maelekezo ya Rais. Dkt. Samia Suluhu Hassan ya kuimarisha ushirikiano mzuri kati ya viongozi wa ALAT na taasisi mbalimbali duniani kote. “Mheshimiwa Rais, Dkt. Samia Suluhu Hassan kwanza ulisema tuimarishe ushirikiano wa ALAT na taasisi nyingine ikiwemo; Umoja wa Serikali za Mitaa Afrika Mashariki na duniani kote. Hivyo, nikuthibitishie kwamba kauli yako tumeitekeleza kama unavyoona hapa wapo viongozi wa ALAT kutoka Zanzibar na Afrika Mashariki” alifafanua.

Pia alieleza kuwa wamejitahidi kuimarisha ukusanyaji wa mapato kwenye Mamlaka ya Serikali za Mitaa. “Hapo nyuma tulikusanya kiasi cha shilingi bilioni 848 kwa mwaka wa fedha 2024/2025 ikiwa ni sawa na asilimia 60 ndani ya halmashauri zetu nchini, na hii yote ni kutekeleza maelekezo ya Rais, Dkt. Samia Suluhu Hassan” alieleza Ngeze.

Alimaliza kwa kusema kuwa “tunafanya kazi kwa kuzingatia sheria, kanuni na miongozo ya ALAT, na hivi sasa tumeenda mbali zaidi kupitia mkutano huu tunakwenda kuhuisha sheria ya uanzishaji wa ALAT na iendelee kuimarika chini ya ushirikiano mkubwa kuhakikisha maendeleo ya wananchi yanatekelezeka” alisema Ngeze.

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more