Dkt. Sagamiko amshukuru Rais Dkt. Samia, Jiji la Dodoma kuwa la mfano

By Halmashauri ya Jiji la Dodoma

Na. Nancy Kivuyo, DODOMA

Mkurugenzi wa Jiji la Dodoma, Dkt. Frederick Sagamiko, amshukuru Rais, Dkt. Samia kwa kulifanya jiji hilo kuwa la mfano nchini na kuahidi utoaji wa huduma bora kwa wananchi alipotembelea banda hilo kwenye maonesho ya shughuli zinazotekelezwa na Mamlaka za Serikali za Mitaa nchini.

 


Aliyasema hayo wakati Rais wa Jamhuri ya Muungano wa Tanzania, Dkt. Samia Suluhu Hassan, alipotembelea banda la Halmashauri ya Jiji la Dodoma katika ukumbi wa Jakaya Kikwete Convention Center kabla ya ufunguzi wa Mkutanao wa 39 wa Jumuiya ya Tawala za Mitaa Tanzania (ALAT).

“Mheshimiwa Rais, Halmashauri ya Jiji la Dodoma ndiyo halmashauri pekee yenye muundo wa kipekee katika halmashauri zote 184 zilizopo Tanzania. Moja ya upekee huo ni Divisheni ya Uendelezaji Makao Makuu. Baada ya Dodoma kuwa makao makuu mwaka 1976 iliweza kuandaliwa Mpango Kabambe wa kuuendeleza Mji wa Dodoma ikiwemo Uwanja wa Ndege wa Msalato pamoja na Chuo Kikuu cha Dodoma (UDOM)” alisema Dkt. Sagamiko.

Aliongeza kuwa miongoni mwa mipango mingine iliyowekwa ilikuwa ni kutengwa maeneo mengine kwaajili ya makao makuu ya serikali. Baada ya nguvu kazi kuongezeka mwaka 2010 mpango wa kuhamisha makao makuu ya serikali kwenda Mtumba ulifanyika. Pia utekelezaji wa miradi mingine kama ujenzi wa Chuo Kikuu cha Dodoma (UDOM) ulifanyika.

 


“Mheshimiwa Rais, ulipofika mwaka 2019 ambapo serikali baada ya kuhamia Dodoma, ilifanyika. Pia maboresho kwenye Mpango Kabambe wa makao makuu ya nchi ambapo Dodoma Jiji ndio tupo, na miongoni mwa mambo ambayo tunakushuru ni kwamba ile mikakati na mipango iliyowekwa ikiwemo ujenzi wa ‘outer ring road’, ‘middle ring road’ ambayo bado inaendelea na ‘inner ring road’ ambayo inaendelea ipo kwenye Mpango Kabambe wa Jiji” alisema Dkt. Sagamiko.

Aliendelea kumueleza Rais kuwa, katika muda mfupi wa mwaka 2019-2024 na 2024-2039 ipo mipango iliyokuwa imepangwa kutekelezwa kuanzia 2025 lakini kwenye Mpango Kabambe chini ya serikali imeshatekelezwa kati ya 2019-2024. 

“Sisi Jiji la Dodoma ni miongoni mwa watekelezaji ikiwemo ujenzi wa hoteli, shule, vituo vya afya na hospitali. Mheshimiwa Rais, katika mpango huu kabambe wa 2019 eneo hili hapa linaonesha eneo hili (alionesha kwenye ramani) ni Bwawa la Hombolo na mpango huu umeelekeza eneo hili kuwa eneo mahsusi kwaajili ya uwekezaji. Mheshimiwa Rais Jiji la Dodoma katika picha hii unayoiona imekua na Mpango Kabambe ambao umeshaanza kufanya kazi, tunahitaji kuwa na mji wa mfano ‘Thematic satellite City’. Mji huu utaanzia eneo lile la Mtumba, ‘Adjacent’ na mji wa serikali inaenda moja kwa moja mpaka eneo la Hombolo. Katika mkoa wetu wa Dodoma, eneo la Hombolo ndio pekee lina bwawa ambalo halikauki maji kwa mwaka mzima. Kwahiyo, tunataka kutumia eneo hili kuwa mji wa kipekee kabisa wa mfano ili tuwe na mji mmoja unaotokea katika eneo letu” alimalizia Dkt. Sagamiko.

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more