Mradi wa maji Matumbulu, wananchi wanafurahia kilimo cha umwagiliaji

By Halmashauri ya Jiji la Dodoma

Na. Nancy Kivuyo, MATUMBULU

Shilingi 360,746,830 zimetumika kuboresha tanki la maji la lita 90,000 na kuweza kuwahudumia wakazi wa mitaa ya Kata ya Matumbulu huduma ya maji kwa saa 24.



Akizungumza na waandishi wa habari waliotembelea eneo la tanki hilo likiwa moja ya miradi ya maendeleo iliyotekelezwa kuanzia mwaka 2020 hadi sasa katika Kata ya Matumbulu, Mhasibu wa Maji, Colleta Kapinga alisema kuwa mradi huo ni mkubwa na unatosheleza mahitaji ya wakazi wa mitaa mitatu ya Nyerere, Mwongozo na Kawawa. “Maji haya yanapatikana masaa 24 na kuna baadhi ya watu wanayatumia kumwagilia kilimo cha mbogamboga. Huduma hii imemtua mama ndoo kichwani. Kwahiyo, ni msaada mkubwa kwa wananchi” alisema Kapinga.

 

Nae Afisa Kilimo Kata ya Matumbulu, Aneth Mnana alisema kuwa upatikanaji wa maji umewashawishi wananchi kushiriki kilimo cha muda mfupi kama mbogamboga ili kujihakikishia mahitaji ya vyakula muhimu. “Tunaishukuru serikali inayoongozwa na Rais, Dkt. Samia Suluhu Hassan kwa kuboresha huu mradi wa maji kwasababu ni mkombozi wa kilimo na unafanya kazi yetu sisi wataalam kufanyika vizuri kwasababu elimu ya vitendo inafanyika katika kuiboresha sekta ya kilimo cha kisasa” alisema Mnana.

 

Kwa upande mwingine mkulima wa Alizeti, Mussa Mlilima, aliishukuru serikali kwa kuwawekea mradi wa maji wenye tija na unaokidhi mahitaji. “Tunaishukuru sana serikali inayoongozwa na Rais, Dkt. Samia Suluhu Hassan, tunamshukuru pia Mbunge wa Dodoma mjini, Anthony Mavunde na Diwani wa Kata yetu, Emmanuel Chibago kwa maendeleo wanayotuletea, tunawaombea kheri na afya njema ili waendelee kuchagua miradi mingine ya kugusa wananchi moja kwa moja ili kuzidisha maendeleo katika kata yetu” alishukuru Mlilima.

MWISHO

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

RC Senyamule azipongeza Club za Jogging Dodoma

By Halmashauri ya Jiji la Dodoma
Image
Na. John Masanja   Vikundi vya 'Jogging C lub s ' Mkoa wa Dodoma vimepongezwa kwa kuendelea kuwa na mshikamano na kuwa vinara wa kuhamasisha watu kufanya mazoezi kwa kuboresha afya zao na kuepukana na magonjwa yasiyoambukiza, pamoja na kuelimisha jamii kupitia kampeni mbalimbali.    Pongezi hizo zilitolewa na Mkuu wa Mkoa wa Dodoma, Rosemary Senyamule baada ya kumalizika kwa mazoezi na mbio fupi zilizofanyika kwa kuratibiwa na Ofisi ya Mkuu wa Mkoa wa Dodoma k wa kushirikiana na “ Friends of Mavunde ” na “ Dodoma City L egends Family” .    “ Katika makundi tuliyonayo kwa mkoa wetu hivi vilabu vya Jogging wamekuwa kinara wa kuimarisha m shikamano wao wenyewe na wafuasi sisi tunaoungana nao kufanya mazoezi, ni makundi ambayo hayana uvivu wa kufuatilia jambo lao wakiamua nawapongeza sana.    " Kupitia mchango wao wa kuhamasisha unatupa sisi fursa ya kufikisha ujumbee mbalimbali . Kwa jamii, jambo kubwa nimefurahi leo k wa sababu mazoezi haya...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more