Baraza la Madiwani Jiji la Dodoma lapitisha rasimu ya Sheria ndogo tano

By Halmashauri ya Jiji la Dodoma

Na. Dennis Gondwe, DODOMA

NAIBU Meya wa Halmashauri ya Jiji la Dodoma, Fadhili Chibago amesema kuwa mchakato wa kuandaa Sheria ndogo za halmashauri yake ilizingatia miongozo inayoelekeza uandaaji wa sheria hizo kwa maslahi ya wananchi wa Dodoma.


Naibu Meya wa Halmashauri ya Jiji la Dodoma, Fadhili Chibago, akifafanua jambo 

Alitoa kauli hiyo katika Mkutano Maalum wa Baraza la Madiwani kwa ajili ya kupitia rasimu za Sheria ndogo za Halmashauri ya Jiji la Dodoma uliofanyika katika ukumbi wa mikutano wa halmashauri.

Naibu Meya Chibago alisema kuwa baraza lake limejiridhisha kuwa kila hatua imepitiwa vizuri ya mchakato wa kuandaa Sheria ndogo za halmashauri. Mchakato ulikuwa shirikishi na ulianzia hatua za mwanzo kwa mujibu wa miongozo. Kamati za Maendeleo za Kata hadi vikao vya juu vya halmashauri. “Tumejadiliana kwa kina na kuheshimu maoni ya kila mtu. Nawahakikishia kuwa yale tuliyojadili leo, vielelezo vyote vipo kwa mujibu wa miongozo kutokana na umakini wa baraza hili” alisema Chibago.

Awali akiwasilisha Rasimu ya Sheria ndogo za Halmashauri ya Jiji la Dodoma kwa niaba ya Mkurugenzi wa Jiji, Mkuu wa Kitengo cha Huduma za Sheria, Wakili Cosmas Nsemwa alisema kuwa serikali za mitaa zimepewa mamlaka ya kutunga Sheria ndogo chini ya kifungu cha 88 cha Sheria ya Serikali za Mitaa (Mamlaka za Miji) Sura ya 288. “Utaratibu wa kutunga Sheria ndogo kwa Halmashauri ya Jiji la Dodoma umeainishwa kwenye kanuni ya 75 ya kanuni za kudumu za Halmashauri ya Jiji la Dodoma, Tangazo la Serikali Na. 478 la tarehe 1 Julai, 2022” alisema Wakili Nsemwa.


Mkuu wa Kitengo cha Huduma za Sheria, Wakili Cosmas Nsemwa aliwasilisha rasimu ya Sheria ndogo


Aidha, alisema kuwa Halmashauri ya Jiji la Dodoma inakusudia kutunga Sheria ndogo tano kwa ajili ya udhibiti wa shughuli mbalimbali pamoja na kuanzisha vyanzo vipya vya mapato. “Rasimu zote za Sheria ndogo zimeandaliwa kwa kuzingatia mambo yafuatayo;- Sheria ya Fedha ya Serikali za Mitaa, Sura 290 Kifungu 16 (1) Sheria ya Serikali za Mitaa (Mamlaka za Miji) Sura ya 288 Kifungu cha 88,89 na 90. Mwongozo wa Uandishi wa Sheria ndogo wa Mwaka 2022 uliotolewa na Mwandishi Mkuu wa Sheria, Kanuni ya 75 ya Kanuni za Kudumu za Halmashauri ya Jiji la Dodoma Tangazo la Serikali Na. 478 la tarehe 1 Julai, 2022, mapendekezo ya idara tumizi, maoni ya Kamati ya Maendeleo ya Kata (WDC), kata zote na maoni ya wadau mbalimbali” alisema Wakili Nsemwa.

Kwa upande wake Mkuu wa Wilaya ya Dodoma, Jabir Shekimweri aliipongeza halmashauri kwa kuandaa rasimu ya Sheria ndogo vizuri. “Moja ya mambo ya msingi kuacha alama ni kutungwa kwa Sheria ndogo ili mapato ya serikali yapatikane. Baraza lazima kujihoji mara mbili kwa nini kuanzisha Sheria ndogo hizi” alisema Shekimweri.


Mkuu wa Wilaya ya Dodoma, Jabir Shekimweri 

Aidha, alielezea sababu za kushindwa kutekelezeka kwa Sheria ndogo kuwa ni uzembe wa kuzisimamia Sheria hizo. “Kama kusipokuwepo na uwezeshwaji vitendea kazi na rasilimali fedha, mfumo wa ufuatiliaji, elimu na uhamasishaji wananchi kuzingatia Sheria ndogo, hizi sheria hazitatekelezeka na itakuwa kazi bure kuandaa mipango isiyotekelezeka” alisema.

Sheria ndogo tano zilizopitishwa na Mkutano wa Baraza la madiwani ni Sheria Ndogo ya (Ada na Ushuru) ya Halmashauri ya Jiji la Dodoma ya Mwaka 2024; Sheria Ndogo ya (Ushuru wa Madini ya Ujenzi) ya Halmashauri ya Jiji la Dodoma ya Mwaka 2024; Sheria Ndogo ya (Ushuru wa Usimamizi na Uendeshaji wa Masoko), Minada na Magulio) ya Halmashauri ya Jiji la Dodoma ya Mwaka 2024; Sheria Ndogo ya (Maegesho na Udhibiti wa Vyombo vya Usafiri) ya Halmashauri ya Jiji ya Mwaka 2024; Sheria Ndogo ya (Ada na vibali vya shughuli za kiutamaduni) ya Halmashauri ya Jiji la Dodoma ya Mwaka 2024



MWISHO

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

RC Senyamule azipongeza Club za Jogging Dodoma

By Halmashauri ya Jiji la Dodoma
Image
Na. John Masanja   Vikundi vya 'Jogging C lub s ' Mkoa wa Dodoma vimepongezwa kwa kuendelea kuwa na mshikamano na kuwa vinara wa kuhamasisha watu kufanya mazoezi kwa kuboresha afya zao na kuepukana na magonjwa yasiyoambukiza, pamoja na kuelimisha jamii kupitia kampeni mbalimbali.    Pongezi hizo zilitolewa na Mkuu wa Mkoa wa Dodoma, Rosemary Senyamule baada ya kumalizika kwa mazoezi na mbio fupi zilizofanyika kwa kuratibiwa na Ofisi ya Mkuu wa Mkoa wa Dodoma k wa kushirikiana na “ Friends of Mavunde ” na “ Dodoma City L egends Family” .    “ Katika makundi tuliyonayo kwa mkoa wetu hivi vilabu vya Jogging wamekuwa kinara wa kuimarisha m shikamano wao wenyewe na wafuasi sisi tunaoungana nao kufanya mazoezi, ni makundi ambayo hayana uvivu wa kufuatilia jambo lao wakiamua nawapongeza sana.    " Kupitia mchango wao wa kuhamasisha unatupa sisi fursa ya kufikisha ujumbee mbalimbali . Kwa jamii, jambo kubwa nimefurahi leo k wa sababu mazoezi haya...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more