Kilimo cha Zabibu ni ajira kwa vijana kujikwamua kiuchumi

By Halmashauri ya Jiji la Dodoma

Na. Nancy Kivuyo,  MATUMBULU

Vijana wa Kata ya Matumbulu wameendelea kunufaika na fursa za mikopo ya asilimia 10 inayotolewa na Halmashauri ya Jiji la Dodoma kwa vikundi vya wanawake, vijana na watu wenye ulemavu na kuweza kujikwamua kiuchumi.

 


Kauli hiyo ilitolewa na Mwenyekiti wa Kikundi cha Kaunda kinachojishughulisha na kilimo cha zabibu, Isack Benjamin alipokuwa akiongea na waandishi wa habari waliofanya media tour kufuatilia wanufaika wa mikopo hiyo katika kata ya matumbulu.

 

Benjamin alisema kuwa mikopo ya asilimia nne inayotolewa na  halmashauri imekua mkombozi kwa vijana wanaopenda kujishughulisha na kuingiza kipato ili kuboresha maisha yao. “Kikundi chetu kilipata mkopo wa shilingi milioni 20, ambapo tupo vijana watano. Tuliwekeza kwenye kilimo cha zabibu kwasababu tuna maeneo makubwa huku na kilimo cha zabibu kinakubali sana. Kiukweli, faida tuliiona, tunasomesha watoto, tunapata mahitaji muhimu na kubwa zaidi tumeweza kuongeza tena ekari tano ambazo kama mnavyoona tunalima tena zabibu” alisema Benjamin.

Nae Afisa Kilimo Kata ya Matumbulu, Aneth Mnana   alisema kuwa kata hiyo ina ardhi nzuri kwa ajili ya kilimo. “Kata ina maji ya kumwagilia mboga mboga na mazao mengine ya muda mfupi. Hawa wakulima tunawapa elimu ya kutosha ili kufanya kilimo chenye tija. Ndio maana mnaona kwasasa wanatoa mazao mazuri sana. Nashauri wataalam wenzangu kuendelea kuwahudumia wananchi kwa weledi ili kilimo kiwe na tija kwa jamii zote kwa siku za usoni” alisema Mnana.

 

Kwa upande wake mkulima Mussa Mlilima aliishukuru serikali kwa elimu ya kilimo kutoka kwa wataalam ambao wameletwa katika Kata ya Matumbulu na kuahidi kuendelea kufanya kilimo chenye tija ili kupata mazao bora. “Namshukuru sana Mheshimiwa Rais wa Jamhuri ya Muungano wa Tanzania, Dkt. Samia Suluhu Hassan kwa kuongeza watumishi wa kila kada mpaka kwenye kata zetu. Namshukuru pia Mbunge wetu, Anthony Mavunde na Diwani, Emmanuel Chibago kwa jitihada zao katika kuhakikisha kata yetu inakua sehemu ya kilimo bora kwa zabibu na mazao mengine” alisema Mlilima.

MWISHO

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

RC Senyamule azipongeza Club za Jogging Dodoma

By Halmashauri ya Jiji la Dodoma
Image
Na. John Masanja   Vikundi vya 'Jogging C lub s ' Mkoa wa Dodoma vimepongezwa kwa kuendelea kuwa na mshikamano na kuwa vinara wa kuhamasisha watu kufanya mazoezi kwa kuboresha afya zao na kuepukana na magonjwa yasiyoambukiza, pamoja na kuelimisha jamii kupitia kampeni mbalimbali.    Pongezi hizo zilitolewa na Mkuu wa Mkoa wa Dodoma, Rosemary Senyamule baada ya kumalizika kwa mazoezi na mbio fupi zilizofanyika kwa kuratibiwa na Ofisi ya Mkuu wa Mkoa wa Dodoma k wa kushirikiana na “ Friends of Mavunde ” na “ Dodoma City L egends Family” .    “ Katika makundi tuliyonayo kwa mkoa wetu hivi vilabu vya Jogging wamekuwa kinara wa kuimarisha m shikamano wao wenyewe na wafuasi sisi tunaoungana nao kufanya mazoezi, ni makundi ambayo hayana uvivu wa kufuatilia jambo lao wakiamua nawapongeza sana.    " Kupitia mchango wao wa kuhamasisha unatupa sisi fursa ya kufikisha ujumbee mbalimbali . Kwa jamii, jambo kubwa nimefurahi leo k wa sababu mazoezi haya...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more