Wananchi washuhudia utiaji saini mkataba wa mradi wa TACTIC

By Halmashauri ya Jiji la Dodoma

Na. Coletha Charles, DODOMA

Wananchi wa Jiji la Dodoma wamejitokeza kwa wingi kushuhudia hafla ya utiaji saini mkataba wa Mradi wa “Tanzania Cities Transforming Infrastructure and Competitiveness” (TACTIC), unaolenga kuboresha na kujenga miundombinu muhimu katika jiji hilo ikiwa ni pamoja na Uboreshaji wa Ujenzi wa Soko, Vituo vya daladala pamoja na vivuko.




Hafla hiyo, iliyofanyika katika viwanja vya Chinangali, inahusisha uboreshaji wa Soko Kuu la Majengo, Kituo cha Daladala Mshikamano, Stendi ya mabasi madogo eneo la Kizota, ujenzi wa stendi ya mabasi madogo eneo la Nzuguni, pamoja na ujenzi wa vivuko katika maeneo ya Chadulu, Mailimbili, na Ntyuka.

Akizungumza wakati wa hafla hiyo, Mgeni Rasmi ambaye ni Waziri wa Nchi, Ofisi ya Rais – TAMISEMI, Mohamed Mchengerwa (Mb), aliwaomba watanzania kuitunza miradi hiyo inayotekelezwa kwenye majiji na miji zaidi ya 45 kwasababu ina thamani kubwa zaidi ya Trilioni 1.1.

Alisema kuwa mkataba huo wa bilioni 14.2 wa kuboresha na kujenga miradi ni matarajio ya kila mwanadodoma kuwa utaleta mapinduzi makubwa kiuchumi kwa watanzania na kuitunza miundombinu. “Ninawaomba watanzania simamieni miradi hii, ilikusudi iweze kuwasaidia watanzania wa karne hii na karne zinazokuja. Mnapoona wakandarasi wanalegalega tupeni taarifa, tuchukue hatua kwasababu miradi hii, Dkt. Samia Suluhu Hassan amewakusudia watanzania, sasa haiwezekani fedha hizi zote zitolewe na miradi itekelezwe kwa kiwango cha chini. Tumeshuhudia tukio la utiajia saini wa sehemu ya pili ya utekelezaji wa miradi, matarajio yetu usimamizi uwe wa kina” alisema Mchengerwa.

 


Aidha, Mchengerwa aliwaelekeza watendaji wa serikali chini ya TAMISEMI wasimamie miradi hiyo, wakipita sehemu wakakuta kuna changamoto ambazo watendaji hao walikuwa na uwezo wa kuzitatua watachukua hatua kwasababu jukumu kubwa ni kuitunza miundombinu inayojengwa.

 

Kwa upande wake, mfanyabiashara na  mkazi wa Nzuguni, Kuruthum Musse, alieleza furaha yake kubwa baada ya serikali kuwapelekea mradi wa ujenzi wa kituo cha daladala katika eneo lao kwa kuwa ujenzi huo ni hatua muhimu katika kuboresha huduma za usafiri na kupunguza changamoto kwa wananchi, kushushwa sehemu ambayo mazingira siyo rafiki. “Miundombinu tunayoenda kutengenezewa tunatakiwa tuitunze, tuiangalie, pia tuilinde hata ukiona mtu anataka kufanya chochote kwenye huo mradi lazima ukemee na unajua serikali ni mimi na wewe. Kituo hiki kitawasaidia abiria kupata usafiri kwa urahisi na kwa wakati. Naona matumaini makubwa kuwa mradi huu utaleta mabadiliko chanya katika maisha ya watu.” alisema Musse.

 

Nae, Mwanafunzi anayesoma stashahada ya Utendaji katika Chuo cha Serikali za Mitaa Dodoma, Kampasi ya Dodoma Mjini, Jafar Jamal, aliipongeza serikali kwa hatua waliyoichukua ya kusaini mkataba kwa sababu wananchi watanufaika na miradi hiyo itaondoa changamoto nyingi za usafiri kwenye maeneo yenye wingi wa abiria. “Binafsi kama mwananchi nitajitahidi kulinda miundombinu inayotekelezwa na serikali ili ilete manufaa kwetu. Lakini pia hii ni hatua muhimu kwa sisi wakazi wa Dodoma kwasababu tunahitaji miundombinu bora ili kuboresha maisha. Kwangu mimi natarajia kuona mabadiliko makubwa kwenye huduma za usafiri” alisema Jamal.

 


Mradi wa TACTIC ni mojawapo ya miradi inayofadhiliwa na serikali kuu kupitia mkopo wa Benki ya Dunia wenye thamani ya Dola za Kimarekani Milioni 410 (Bila VAT). Malengo ya mradi huu ni kuboresha miundombinu ya Tanzania Pamoja na kuzijengea uwezo taasisi (Halmashauri) ili ziweze kujiimarisha katika usimamizi wa uendeshaji miji pamoja na ukusanyaji wa mapato.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more