Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma

Na. Halima Majidi, DODOMA

Wafanyabiashara wa Soko Kuu la Majengo Jiji la Dodoma,  wameishukuru serikali kwa kuona umuhimu wa kukarabati miundombinu ya Soko hilo na kuomba  kuharakishwa uboreshaji wa soko ili waweze kuendelea na majukumu yao,  kwa sababu soko hilo ndio soko mama la chakula.




Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa  Soko Kuu  la Majengo, Rhoda Boyi, alipongeza juhudi za  Halmashauri ya Jiji la Dodoma kwa kuwashirikisha  katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi.

Kwa upande wake  Mohammedi,  alifafanua changamoto watakazokumbana nazo  katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishwa  katika sehemu zao za biashara pamoja na upungufu wa chakula kwasababu Majengo ni Soko linalotumika kama ghala kubwa la  chakula Dodoma" watu walikuwa wanaweka "stock" watu walikuwa wanaleta bidhaa kwa wingi hivyo  watapunguza,  mteja amezoea akitoka Chaduru, UDOM na Mipango  anaenda moja kwa moja Majengo hivyo,  kuhama sehemu moja kwenda nyingine kunatuathiri sana "  alisema Mohammed.

Nae, Kaimu Katibu wa Soko Kuu la Majengo, Emanuel Samwel, alisema kuwa wapo tayari na  wamepokea  maboresho ya Soko hilo, na  wameomba  serikali kutoenda kinyume na makubaliano ya kwenye vikao  mbalimbali vilivyokuwa vikiendelea. 

Hata hivyo, Samwel alisema kuwa Soko la Majengo limejengwa mwaka 1993 nakuanza kutumika mwaka 1996 likiwa na wafanyabiashara 400, hivyo ni uhakika kuwa miundombinu ya Soko kwa sasa imechakaa, kupitia mkataba huu utaenda kuleta mabadiliko makubwa, "soko letu sisi ni soko mama, lina muda mrefi na kwa sasa  lina watu 3200 -4000. Hivyo, ukiangalia idadi na muda soko lilipoanzishwa kiuhalisia tunashukuru serikali kwa kuona ukarabati huo" alisema Samwel.

Sambamba na hayo,  uongozi huo uliahidi kutunza miundombinu ya Soko hilo pindi tu utakapokamilika kwa kuhakikisha wanawaelimisha wafanyabiashara wenzao kuhusu utunzaji wa miundombinu na kuimarisha usafi wa mazingira ya soko kwa ujumla kwa lengo la kuendelea kulipa thamani na hadhi Soko Kuu la Majengo.

Kwa upande wake Waziri wa Nchi, Ofisi ya Rais – Tawala za Mikoa na Serikali za Mitaa, (TAMISEMI) Mohamed Mchengerwa (Mb), aliwahakikishia wafanyabiashara na wananchi kwa ujumla kuwa serikali imejipanga kuhakikisha miradi inatekelezwa kwa ufanisi na kwa wakati. "Tunaelewa changamoto mnazokabiliana nazo, na kupitia mradi huu, tunalenga kuboresha mazingira ya wafanyabiashara wanaojihusisha na shughuli mbalimbali ili kuinua uchumi wa nchi kwa ujumla "alisema Mchengerwa.

Mchengerwa aliwataka viongozi  wa ngazi zote wakiwemo  Wakurugenzi, Wakala wa Barabara Mijini na Vijijini( TARURA)  na Tawala za mikoa na Serikali za Mitaa (TAMISEMI) kusimamia kwa weledi utekelezaji wa miradi hiyo kwa sababu imegharimu kiasi  kikubwa cha fedha  na pia   imewalenga Watanzani "miradi hii inathamani  kubwa, thamani ya miradi ni zaidi ya tirioni 1.1,  ambapo mradi huu unaenda kuboresha miundombinu ya miji 45, niwaombe kwa pamoja muende mkasimamie miradi hii ambayo Rais wa Jamhuri ya Muungano wa Tanzania Dkt. Samia Suluhu Hassan amewakusudia  watanzania" alisema Mchengerwa.

Mradi wa uboreshaji wa Soko Kuu la Majengo unajumla ya Mita za mraba 9,273, ambapo utajumuisha maboresho ya mpangilio, mfumo wa umeme, mfumo wa maji na mzunguko wa hewa, wenye jumla ya makusanyo ya mapato milioni 204.7 na unatarajiwa kukamilika ndani ya miezi 12.

MWISHO

 

 

 

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more