Miundombinu ni nyenzo ya maendeleo ya Jiji la Dodoma

By Halmashauri ya Jiji la Dodoma

Na. Shahanazi Subeti, DODOMA

Ofisi ya Rais Tawala za Mikoa na Serikali za Mitaa (TAMISEMI) pamoja na  Halmashauri ya Jiji la Dodoma zilisaini mkataba wa TACTIC  wenye thamani ya shilingi Bilioni 14.2 kwa lengo la kuboresha miundombinu, kuimarisha usimamizi wa uendelezaji miji na kuboresha mazingira ya uwekezaji ili kukuza uchumi wa halmashauri ya jiji.






Hafla hiyo ya Utiaji saini ilifanyika bustani ya Chinangali Park jijini Dodoma katika hafla ya utiaji saini mkataba wa ujenzi wa soko kuu la majengo pamoja na ujenzi wa kituo cha daladala eneo la Mshikamano, Kizota na Nzuguni.

Akielezea tukio hilo Waziri wa Nchi Ofisi ya Rais Tawala za Mikoa na Serikali za Mitaa (TAMISEMI) Mohamed Mchengerwa alisema, mikataba hii itakwenda kuleta mapinduzi makubwa ya kiuchumi kwa watanzania wanaoishi Dodoma na aliwaomba wakandarasi kutekeleza majukumu yao kwa wakati. "Tunapoboresha miundombinu hii itawafanya watanzania na wafanyabiashara, kuweza kusogeza biashara zao karibu, kuweza kutumia vivuko, madaraja na barabara ambazo tumekwisha saini hapa, matarajio yetu usimamizi wa miradi hii kwa kila mmoja wetu anajukumu la kuitunza kwa sababu gharama inayotumika ni kubwa sana. Nina muelekeza Mkandarasi ambae tumesaini leo mkataba nenda kafanye kazi usiku na mchana ili kukamilisha muda uliopangwa na hakutakuwa na nyongeza ya muda" alisema Mchengerwa

Sambamba na hilo, alimpongeza Rais kwa kuweza kulijenga jiji "ameyafanya mengi ndani ya muda mfupi na sisi wasaidizi wake wa karibu kuna wakati tunajiuliza fedha hizi zinatoka wapi, miaka 10 iliyopita  hatukuwa na barabara za lami wala majengo makubwa makubwa, tulianza na ujenzi wa Ofisi za serikali lakini Rais akaamua kujenga maghorofa  katika mji wa serikali  na sasa  akaona upo umuhimu wa kwenda kuboresha majiji na miji, akatafuta fedha akatuelekeza wasaidizi wake kuhakikisha tunakwenda  kuzisimamia ili Dodoma iwe  makao makuu  ya nchi yetu" alisema Mchengerwa

Pia aliwataka wananchi wa Dodoma kumpongeza sana Mbunge wao kwa kazi kubwa anayoifanya kwa kutatua kero katika mitaa yao "kila mmoja unaemsikia hapa amezungumza Kwa kina na aliwazungumzia wananchi wake amegusa kila kata na amesema kuhusu changamoto kadhaa ambazo madiwani wa nchi wanakutana nazo hasa madiwani wa Dodoma na nimepokea changamoto hizi na kwakuwa kwenye wizara hii Rais mwenyewe nitaziwasilisha kwake" alisema Mchengerwa.




Kwa upande wake wakala wa Barabara za mijini na vijijini ( TARURA) mhandisi Victor Seif  alisema Halmashauri ya Jiji la Dodoma, awamu ya kwanza kazi zinazofanyika ni ujenzi wa Barabara za mijini katika ( Km 13.0) na ujenzi wa jengo la usimamizi na uratibu wa miradi pia katika  awamu ya pili kazi zinazofanyika katika mkataba ni pamoja na uboreshaji wa Soko Kuu la Majengo, kituo Cha daladala eneo la Mshikamano, uboreshaji wa stendi ya mabasi madogo eneo la Kizota, ujenzi wa stendi ya mabasi madogo eneo la Nzuguni, ujenzi wa vivuko maji(footbridges) katika maeneo ya Chaduru, Maili mbili na Ntyuka.

Alisema kuwa  miradi hiyo  kwa awamu zote mbili unasimamiwa  na mshauri elekezi ambae ni M/S Hong- IK Engineering consultants CO.ltd in association with gauge pro consult(T) ltd.and G and Y engineering  consult PLC, kwa gharama ya mkataba wa usimamizi ni Milioni 667,100,000.00 "katika hatua ya utekelezaji  awamu ya kwanza mradi umefikia asilimia 37.7 ya utekelezaji ( malengo ya utekelezaji ni kufikia asilimia 88.6 Mpaka mwisho wa mwezi Desemba, 2024 hivyo mkandarasi wa ‘package 1’ yupo nyuma kwa asilimia 59.9. Kwa awamu ya pili ni kuanza utekelezaji tarehe 1/2/2025 kwa mkataba wa miezi 12. Pia utekelezaji unafuata mpango wa manunuzi ulioidhinishwa katika andiko la mradi ‘project appraisal document’ pamoja na makubaliano ya utekelezaji ‘financing agreement’ kati ya serikali kuu na Benki ya Dunia" alisema Seif.

Kwa upande wake, Mbunge wa Dodoma, Anthony Mavunde, alisema kuwa miradi hii imeleta mageuzi na mapinduzi sana  kwa kuleta maendeleo katika Halmashauri ya Jiji la Dodoma" naishukuru sana serikali kwa mradi ambao leo tunakwenda kutia saini mradi ambao una thamani  zaidi ya shilingi Bilioni 24.0 ukiwa ni awamu ya kwanza ya mradi wa kundi la kwanza ‘tier 1’ ambapo tunaamini kabisa  kupitia miradi huu tutakwenda kuleta mapinduzi makubwa  ya kusaidia kutatua changamoto za  miundombinu ndani ya Jiji letu la Dodoma  na hii ni awamu ya pili ambayo tunasaini leo una thamani ya Bilioni 14.2 mradi huu unaenda kufanya yafuatayo kuboresha Soko Kuu la Majengo pamoja na kituo cha daladala  eneo la Mshikamano, uboreshaji wa stendi ya mabasi madogo eneo la Kizota, ujenzi wa stendi ya mabasi madogo eneo la Nzuguni na ujenzi wa vivuko maji (footbridges) katika maeneo ya Chaduru, Mailimbili na Ntyuka" alisema Mavunde.

Pia aliongezea Kwa kumshukuru Raisi  wa jamhuri ya muungano wa Tanzania Dkt. Samia Suluhu Hassan Kwa kuwezesha Dodoma kuwa na miradi mikubwa ya kimaendeleo na kufanya iendelee kunga'ra zaidi "Dodoma tumepata upendeleo wa kipekee  wa kuwa na miradi mingi ,miaka 20 iliyopita Dodoma katikati eneo ambalo lilikuwa na kiwango cha lami ilikuwa ni ‘full street’ kuna wakati kulikuwa na shida kidogo leo ukizunguka katika Jiji la Dodoma  katikati, eneo kubwa limezungukwa na Barabara yenye kiwango cha lami katika halmashauri zote nchi nzima, Jiji la Dodoma ndio linaongoza kwa mtandao mrefu wa Barabara za kiwango cha lami, sisi tuna Kilomita 249.12 hivyo Jiji la Dodoma ndio kinara kwa Tanzania nzima, nashukuru sana kwa kazi kubwa iliyofanyika kupitia miradi mbalimbali" alisema Mavunde

Nae Mkuu wa Mkoa wa Dodoma Rosemary Senyamule, alisema kuwa amefurahishwa sana na utiaji saini huo kwasababu ni jambo ambalo sio la kawaida na husaidia kutatua changamoto za wananchi wa Jiji la Dodoma."Nipo hapa kushudia mkataba kwa ajili ya ujenzi wa miradi mikubwa ya kimkakati kwa Jiji la Dodoma haya mambo ni ya kushangaza lakini Rais, Dkt. Samia Suluhu Hassan ndiye Rais anaeyafanya haya" alisema Senyamule.

MWISHO.

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more