Dodoma Jiji U20 FC yakamiwa na Maafande wa Gunners FC

By Halmashauri ya Jiji la Dodoma

Na. Mussa Richard, DODOMA

Timu ya soka ya Dodoma Jiji chini ya umri wa miaka 20 imechezea kichapo cha bao 1-0 kutoka kwa Timu ya Gunners FC, katika mchezo wa kirafiki uliovurumishwa katika uwanja wa Shell Complex jijini Dodoma hii leo.




Akizungumza baada ya kutamatika kwa dakika tisini Kocha Mkuu wa Timu ya Dodoma Jiji U20, Jeremiah Chido alisema “mchezo umeisha salama, tumepoteza mchezo kwasababu tumekutana na timu nzuri na yenye daraja la juu. Kwetu sisi alikuwa ni mshindani sahihi kutokana na maandalizi yetu tunayoyafanya kwaajili ya michezo inayofuata ya ligi ya vijana michezo ambayo tutakuwa ugenini ndiyo maana leo tumewapa nafasi wachezaji wote ili kuwatengenezea utimamu wa mwili kwaajili ya kurudi kwenye michezo ya ligi’’.

Katika hatua nyingine Chido akazungumzia hali ya majeruhi kwenye timu yake na kuwaaminisha mashabiki kuwa wachezaji hao watarejea uwanjani na kuendelea kuipambania timu. “Katika mchezo wa leo wachezaji wawili wamepata majeraha, lakini siyo majeraha makubwa ya kuwaweka nje kwa muda mrefu ni majeraha ya kawaida, tutashirikiana na madaktari kuhakikisha afya zao zinaimarika haraka na wanarudi uwanjani kuja kuipambania nembo ya timu’’ alisema Chido.

Kwa upande wake Nahodha wa Dodoma Jiji U20, Bakari Mondwe baada ya mchezo kuisha alisema “tumekutana na timu yenye uwezo mzuri wa kiuchezaji kitimu na kwa mchezaji mmoja mmoja na ndiyo lilikuwa lengo letu kupata timu yenye ushindani unaokaribiana na wapinzani tunaoenda kukabiriana nao katika michezo inayofuata ya ligi tukiwa ugenini” alisema Mondwe.

Dodoma Jiji U2O FC, itajitupa tena dimbani Februari 12 katika uwanja wa Azam Complex itakapoikabiri Azam FC U20 katika mzunguko wa kumi wa ligi kuu ya vijana ya NBC Youth League Tanzania bara.





MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more