Wasimamizi wa Mikopo Halmashauri Wapewa Mafunzo

By Halmashauri ya Jiji la Dodoma

Na. Coletha Charles, DODOMA

Kamati ya huduma ya Mikopo ya Wanawake, Vijana na watu wenye Ulemavu ngazi ya halmashauri wamepewa mafunzo ya kuhakiki, kutathimini, sheria na kanuni za utoaji wa mkopo ili kuwajengea uwezo wa usimamizi wa mikopo hiyo.



Mafunzo hayo yalitolewa katika Ofisi ya Mkuu wa Divisheni ya Maendeleo ya Jamii, Halmashauri ya Jiji la Dodoma kwa lengo la kutoa muongozo wa utoaji na usimamizi wa mikopo kwa wasimamizi hao. Mkuu wa Divisheni ya Maendeleo ya Jamii, Charity Sichona alisema kulingana na kanuni mpya za mwaka 2024 wameweka ratiba ya kufanya tathimini ya maombi ya kikundi kwa kuweka kumbukumbu.

Alisema katika ngazi ya kata wasimamizi wameendelea kutoa mafunzo na kusajili vikundi. Alisema kuwa takribani vikundi 1,000 vimejisajili na hatua ya kuomba mkopo inaendelea kwa kuangalia tathimini ya miradi ya wanakikundi. “Mafunzo kama haya tulishatoa katika ngazi mbalimbali hasa kata ambapo wanajukumu kubwa la kuchakata maombi hayo na kuwapatia mafunzo wanakikundi hadi hatua ya kupata mikopo. Lakini pia mafunzo kama haya yanaweza kujenga uelewa mpana zaidi kwa viongozi ngazi ya halmashauri” alisema Sichona.

Mwezeshaji wa Mafunzo, Daniel Mpangwa alisema kuwa mikopo hiyo itatolewa kwa makundi ambapo wanawake kuanzia watu wa tano 40%, vijana kuanzia wa tano 40% na watu wenye ulemavu 20% kuanzia watu wawili au mmoja.

Alisema kuwa wasimamizi wanatakiwa kuzingatia mfumo jumuishi na mfumo wa serikali ulioboresha kwa maelekezo kama utoaji wa mikopo kwa utaratibu wa taasisi za fedha, majukumu ya taasisi ya fedha na mamlaka ya serikali za mitaa, tathimini na uboreshaji, mikopo ya vifaa, ushirikiano na wadau mbalimbali na kuepuka mgongano wa kimaslahi. “Naamini kamati hii ikitoka hapa itaenda kufanya kazi vizuri na kwa weledi. Lakini, mafunzo haya yameweza kutolewa ngazi nyingine za kamati za maendeleo za kata ambayo tayari yamekwishafanyika lakini pia kwa Afisa Maendeleo Kata ambapo sasa michakato ya mikopo bado inaendelea” alisema Mpangwa.

Mratibu wa Mikopo ya asilimia 10 Halmashauri ya Jiji la Dodoma, Hidaya Mizega alisema kwa mujibu wa sheria ya utengaji wa fedha za mikopo, Mamlaka za Serikali za Mitaa zitazingatia uwiano wa 4:4:2 wa waombaji wote wa mkopo bila ya kumpendelea yeyote.Serikali za Mitaa zitaruhusiwa kuhamisha fedha na kutumika katika kundi lingine lenye uhitaji kulingana na wingi wa watu kwa maelezo juu ya wajibu wa mamlaka ya utengaji, utoaji na urejeshaji wa mikopo, aliongeza.

Viwango vya ukomo wa utoaji wa mikopo midogo ni shilingi 500,000 kiwango cha chini na kiwango cha juu ni shilingi 9,999,999. Mkopo wa kati kiwango cha chini ni shilingi 10,000,000 na kiwango cha juu ni shilingi 49,999,999 na mkopo mkubwa kiwango cha chini ni shilingi 50,000,000 na kiwango cha juu ni shilingi 150,000,000.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more