Sepesha Rushwa, Acha Rushwa ya Ngono

By Halmashauri ya Jiji la Dodoma

Na. Coletha Charles, DODOMA

Mkuu wa Wilaya ya Kongwa, Mayeka Simion Mayeka ametoa wito kwa vijana wa Wilaya ya Dodoma kushiriki kikamilifu katika mapambano dhidi ya rushwa kwa kujihusisha na kampeni mbalimbali za kuleta tija na mabadiliko katika nchi kwa sababu ni nguzo ya taifa na mchango muhimu katika kufanikisha ndoto za maendeleo.

 





Mayeka alisema hayo wakati akisoma hotuba kwa niaba ya Mgeni Rasmi, Patrobas Katambi, Naibu Waziri, Ofisi ya Waziri Mkuu (Kazi, Vijana,  Ajira na wenye Ulemavu) kwenye kilele cha mbio ndefu na fupi za Taasisi ya Anti-Corruption Voices Foundation yenye kauli mbiu ya Badili tabia Shepesha Rushwa  katika shule ya msingi makole.

 

Alisema kuwa kupitia mbio hizo wamepeleka ujumbe kwa jamii kama nguzo ya maendeleo na kutoa pongezi kwa Ant-Corruption Voices Foundation kwa juhudi za kuimalisha maadili na uwajibikaji kwa sababu ni mfano bora kwa taasisi zisizo za kiserikali kwa kushirikiana na Serikali kuimalisha maendeleo ya jamii. “Mbio za Sepesha Rushwa Marathon ni mfano wa ubunifu na jinsi michezo inaweza kuwa jukwaa la kuhamasisha jamii kuhusu maadili, uwazi na uwajibikaji, tukio hili siyotu linanatufundisha umuhimu wa kuzingatia afya zetu, bali linatufundisha mshikamano wa kitaifa zidi ya changamoto zinazotukabili, mbio hizi zinaweza kuwa chachu ya mabadiliko chanya na kuibua mijadala mbalimbali muhimu kama mapambano zidi ya rushwa ya ngono na kuhamasisha uwajibikaji katika sekta zote za maisha” alisema Mayeka.

 

Mayeka aliongeza kwa kusema kuwa Tanzania imeshika nafasi ya Pili Ukanda wa Afrika Mashariki katika mapambano ya Rushwa ikitanguliwa na nchi ya Rwanda, “Ripoti mbalimbali zinaonyesha rushwa ya ngono ni changamoto kwa wanawake na vijana madhara ya rushwa ya ngono kazini ni pamoja na kutoa ajira  kwa wanawake, kupandishwa cheo, nyongeza za mishahara, kupewa siku za kupumzika na wanawake wengi wanafanya rushwa ya ngono kwa kutishiwa kupoteza kazi zao, madhara mengine ya rushwa ya ngono ni kuchochea maambukizi ya VVU na UKIMWI na inafanyika katika mazingira yasiyo salama na kuongeza magonjwa ya zinaa” alisema.

 


Naye, Mkuu wa Wilaya ya Dodoma, Alhaj Jabir Shekimweri alisema wananchi wanalo jukumu la kuzuia na kukemea rushwa ya ngono, mapambano zidi ya madawa ya kulevya Ukimwi na mmonyoko wa maadili kwa vitendo kulingana na maslahi ya Taifa na ukubwa wa tatizo hili katika jamii kuongezeka hasa kwa vijana na wanawake. “Viongozi Anti-Corruption Voices Foundation ninawahakikishia ushirikiano na ulezi, tumewapatia ofisi tunawawezesha kwa vitu mbalimbali, kadili tulivyo jaliwa na mwenyezi mungu tuendelee kuwaunga mkono lakini pia kuwaunganisha na wadau wengine ili kusudi mapambano haya dhidi ya rushwa yaweze kuleta matokea katika nchi yetu, ofisi ya mkuu wa wilaya na wadau wengine tutaendelea kutoa msukumo katika mapambano haya, mnafahamu sisi tunamipango mingi ya kupambana na rushwa tuna midahalo ya wanafunzi na wanavyuo pia tunazungumzia na UKIMWI, mmonyoko wa maadili na mapambano dhidi ya madawa ya kulevya” alisema Alhaj Shekimweri.

 

Kwa upande wake, Balozi wa kupinga Rushwa Shule za Msingi anayesoma Darasa la Nne, Genesnai Katawa, alisema kuwa rushwa inamuumiza kila mtu ambapo tumekimbia katika mbio za Sepesha Rushwa Marathon kuwahamasisha wananchi kutojihusisha na rushwa kwa kufanya mambo yasiyo ya haki. “Rais wetu mpendwa Dkt. Samia Suluhu Hassan anahakikisha Tanzania inakuwa nchi yenye haki na usawa, kila mtu anapinga rushwa kwa nguvu sana pia anatufundisha kuwa waaminifu na kufanya kazi kwa bidii na lakini pia tuungane kama Taifa, tukimbie kwa matumaini  katika haki na kuna baadhi ya madhala ya rushwa katika nchi yetu ni Pamoja na watu kukosa haki zao, kuhamasisha uhalifu ili kupambana ni kuhamasisha taasisi mbalimbali zina kemea’’ alisema Katawa.

 


Sepesha Rushwa Marathon ni Kauli mbiu ya Taasisi ya Ant-Corruption Voices Foundation yenye ujumbe wa Acha Rushwa ya Ngono, imekuwa ikifanya mbio hizi kwa mda wa miaka mitatu tangu 2022, kwa lengo la kupinga rushwa ya ngono kazini, shuleni na vyuoni.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more