VYOMBO VYA HABARI JIJI LA DODOMA VYAPONGEZWA KUJALI WENYE MAHITAJI MAALUM

By Halmashauri ya Jiji la Dodoma

 

Na. Dennis Gondwe, HOMBOLO BWAWANI

VYOMBO vya habari katika Halmashauri ya Jiji la Dodoma vimepongezwa kwa utayari wao kutangaza mafanikio na changamoto wanazopitia watoto wenye mahitaji maalum katika Shule ya Msingi Hombolo Bwawani.

Diwani wa Kata ya Hombolo Bwawani, Ased Ndajilo akikabidhi zawadi kwa watoto wenye mahitaji maalum

Diwani wa Kata ya Hombolo Bwawani, Ased Ndajilo akihamasisha jamii kuchangia watoto wenye mahitaji maalum


Pongezi hizo zilitolewa na Diwani wa Kata ya Hombolo Bwawani, Ased Ndajilo alipokuwa akitoa shukrani kwa Jumuiya ya Shule ya Msingi Feza tawi la Dodoma walipotembelea Shule ya Msingi Hombolo Bwawani kutoa zawadi ya viti mwendo nane na vifaa vya elimu kwa watoto wenye mahitaji maalumu wa Shule ya Msingi Hombolo Bwawani.

Ndajilo alisema “napenda kumshukuru sana Mwenyezi Mungu, Mheshimiwa Rais, mama yetu Samia Suluhu Hassan, Mbunge na Waziri wa Madini, Anthony Mavunde kwa kazi nzuri wanayofanya katika Kata ya Hombolo Bwawani. Sina budi kushukuru Shule ya Msingi Feza kwa kutuletea msaada wa viti mwendo nane na vifaa vitakavyowasaidia watoto kwenye mwendo na kwenye masomo yao, kama mnavyowaona wengine kunyanyuka ni shida. Hii ni faraja sana kwetu Halmashauri ya Jiji la Dodoma, tunapenda kutoa pongezi na shukurani kwa Shule ya Msingi Feza”.

Aidha, alivishukuru vyombo vyote vya habari ambavyo vimekuwa vikitangaza mafanikio na changamoto za shule hiyo na kuwavuta wanajamii kutoa msaada. “Nisisitize pia kwa yeyote anayewiwa akiwa na uwezo na nguvu, hawa ni watu wanaohitaji mahitaji ya faraja, fedha, nguo na afya na mambo mengine ambayo mtu ataguswa nayo. Kwa hiyo mimi mwenye kata nina wakaribisha wote wenye kuguswa wanaweza kuja na kuchangia kadri wanavyo weza” alisisitiza Ndajilo.

Kwa upande wake Mwalimu Mkuu wa Shule ya Msingi Hombolo Bwawani, Mwl. Pascal Ngoda aliwakaribisha wageni hao na kuwashukuru kwa zawadi.

Aliwataarifu kuwa serikali inatambua haki na usawa kwa watoto wenye mahitaji maalum. “Mpaka sasa tuna watoto wenye mahitaji maalum ya aina tano tofauti. Tuna watoto wenye ulemavu wa viungo, ambao tunashukuru wageni wetu wametuletea viti mwendo kwa ajili ya kuwasaidia kutembea kutoka bwenini hadi shuleni. Lakini pia watoto wenye ulemavu wa ngozi yaani albino, lakini tuna watoto wenye changamoto ya akili. Tuna watoto wenye uono afifu na watoto wasioona kabisa. Msisite kututembelea nyie ni sehemu ya faraja kwetu sisi mnapokuja mara kwa mara hata bila chochote sisi tunawakaribisha na tunawapokea tunatamani na tunajiona sisi ni sehemu ya jamii” alisema Mwl. Ngoda.

Akishukuru kwa niaba ya watoto wenye mahitaji maalum, Dickson Frank alisema kuwa Mungu awabariki wageni hao. “Kwa niaba ya wanafunzi wenzangu napenda niwashukuru wageni wetu mliokuja kututembelea leo Mungu awabariki na awaongezee pale mlipopunguza. Kwenu mnaona ni kidogo lakini kwetu tunaona ni kikubwa sana. Mwenyezi Mungu atembee nanyi awape mkono katika safari yenu. Sisi hatukutarajia tutaletewa kitu kama hiki ila tunashukuru sana Shule ya Feza. Wengine walikuwa hawana viti mwendo sasa tumepata kwa ajili ya kuwatembeza wenzetu” alisema kwa sauti ya shukrani.

Jumuiya ya Shule ya Msingi Feza tawi la Dodoma ilifanya Charity Marathon na kukusanya fedha na kuchangia viti mwendo nane na vifaa vingine vya elimu kwa ajili ya wanafunzi wenye mahitaji maalum wa Shule ya Msingi Hombolo Bwawani jijini Dodoma.

MWISHO

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more