JIJI LA DODOMA LAZINDUA ZOEZI LA UBAINISHAJI WATOTO WENYE MAHITAJI MAALUM

By Halmashauri ya Jiji la Dodoma

Na. Dennis Gondwe, HOMBOLO BWAWANI

Halmashauri ya Jiji la Dodoma imezindua zoezi la ubainishaji watoto wenye mahitaji maalum katika jamii ili waweze kupata haki yao ya elimu na matunzo kwa mujibu wa sheria.





Kauli hiyo ilitolewa na Mwakilishi wa Mkurugenzi wa Halmashauri ya Jiji la Dodoma, Issa Kambi alipokuwa akizindua zoezi la ubainishaji watoto wenye mahitaji maalum katika jamii uzinduzi uliofanyika katika Shule ya Msingi Hombolo Bwawani iliyopo Kata ya hombolo Bwawani jijini Dodoma.

Kambi ambae ni Afisa Elimu Maalum katika Halmashauri ya Jiji la Dodoma alisema “kwa niaba ya Mkurugenzi wa Halmashauri ya Jiji la Dodoma ambae alipenda sana kuwa nasi hapa leo napenda kuzindua rasmi zoezi la ubainishaji watoto wenye mahitaji maalum kwa maana ya kwenda kuwatafuta mtaani na kuwaleta kwenye vituo vyetu kama hiki na vitengo vingine. Zoezi litafanyika katika mitaa nane ya Itega, Salama, Lugala, Mnyakongo, Mtube, Nala, Chigongwe na Mbalawala”.

Alisema kuwa lengo la zoezi hilo ni kuwabaini watoto hao mahali walipo na kuwasogeza kwenye huduma na kuwapatia afua stahiki ikiwa ni pamoja na elimu na matunzo. “Tunafahamu kwamba baadhi ya familia zinaamini watoto hawa hawawezi kufanya mambo, lakini tunapokwenda kufanya ubainishaji tunawatia moyo na kuwashawishi kuwaleta watoto hawa shule. Kuanzia ngazi za familia tunapeleka elimu na baadae tunawaleta kwenye vituo kama hivi na kama mlivyoona watoto hawa wanafuraha” alisema Kambi.

Akiongelea umuhimu wa zoezi hilo, Mkazi wa Halmashauri ya Jiji la Dodoma Juliana Linus alisema kuwa zoezi hilo ni muhimu kwa sababu linakwenda kuwapatia haki ya msingi watoto wenye mahitaji maalum katika Jiji la Dodoma. “Ni kweli wapo baadhi ya wazazi ambao wamekuwa na tabia ya kuwaficha watoto wao wenye ulemavu jambo linalowanyika haki watoto hao kupata elimu, afya na malezi bora” alisema Linus.

Zoezi la uzinduzi wa ubainishaji watoto wenye mahitaji maalumu katika Halmashauri ya Jiji la Dodoma lilihudhuriwa na Jumuiya ya Shule ya Msingi Hombolo Bwawani ambayo ni shule jumuishi, Diwani wa Kata ya Hombolo Bwawani, maafisa waandamizi kutoka Halmashauri ya Jiji la Dodoma na wawakilishi wa Jumuiya ya Shule ya Msingi Feza tawi la Dodoma na wawakilishi wa serikali ya mtaa.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more