RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma

Na. Veronica John, DODOMA

Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti.



Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa.

Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” alisema Senyamule.

Alimalizia kwa kusema kuwa idadi ya mifugo imeongezeka kwa kiwango cha kuridhisha. “Katika juhudi hizo, tumeshuhudia kuongezeka kwa idadi ya mifugo nchini kwa kipindi cha mwaka 2023/2024 mpaka mwaka 2025 idadi ya mifugo imeongezeka. Kwa maana hiyo, wizara imeweka vipaumbele katika kuimarisha upatikanaji wa maji, malisho, vyakula vya mifugo na elimu ya kisasa ya ufugaji.” alimaliza Senyamule.

Nae, Naibu Katibu Mkuu Wizara ya Mifugo na Uvuvi, Dkt. Edwin Mhede alikuwa na machache ya kusema kupitia sekta ya ufugaji kwenye mashindano hayo. “Maonesho hayo ya Paredi ya Mifugo ni fursa kwa wafugaji kubadilishana taarifa na teknolojia za ufugaji. Lakini pia kusanyiko hili linawaunganisha wafugaji pamoja na wataalam wetu ambao wanatoa huduma za mafunzo ya ugani kwenye maeneo mbalimbali kote nchini. Yote hii ni katika kueneza ujuzi na namna ya kuendeleza ufugaji katika taifa letu la Tanzania” alisema Dkt. Mhede.

Alimalizia kwa kuwashukuru wafugaji kwa kujitokeza kwa wingi katika paredi hilo. “Nawashukuru sana wafugaji kwa kujitokeza kwa wingi na kuleta mifugo yenu ya aina mbalimbali katika Paredi ya Mifugo hapa ili kuwahamasisha wananchi wengine wanaotarajia kupata elimu pia kuwa wafugaji bora wa baadae. Hatua hii itaongeza tija ya uzalishaji kwa kutumia vizuri teknolojia mpya,” alisema Dkt. Mhende.





Imehaririwa na Nancy Kivuyo

Comments

Post a Comment

Popular Posts

Mfumo wa Ufuatiliaji na Tathmini ni nyenzo ya utendaji kazi serikalini – Dkt. Biteko

By Halmashauri ya Jiji la Dodoma
Image
Na. Mwandishi Wetu, Naibu Waziri Mkuu na Waziri wa Nishati, Dkt. Doto Biteko, amehitimisha Kongamano la Nne la Kitaifa la Ufuatiliaji, Tathmini na Kujifunza lililofanyika jijini Mwanza akiweka mkazo kuwa mfumo wa ufuatiliaji na tathmini ni nyenzo muhimu katika kuhakikisha kuwa kila taasisi inatimiza wajibu wake kwa ufanisi na hivyo kufikisha huduma bora kwa wananchi. Kutokana na hilo, Dkt. Biteko amewataka Wataalam wa Ufuatiliaji na Tathmini nchini kufanya kazi kwa uaminifu na uadilifu bila kuogopa kuchukiwa kwani taifa linawategemea ili kuweza kutoa huduma bora kwa wananchi. “Hakuna mtu au taasisi inayoweza kufanikisha majukumu yake bila kufanya tathmini, ninyi ndio mnaoweza kutambua changamoto mapema na kuzitafutia suluhisho kabla hazijawa kubwa, taasisi yoyote inayokosa mfumo huu inafanana na timu inayoingia uwanjani bila refa..” alisema Dkt. Biteko. Alitoa mfano kuwa katika sekta ya umeme, kabla ya kupeleka huduma hiyo eneo lolote lazima tathmni ifanyike ili kuepuka kurudia...
Read more

Waziri Mkuu Mgeni Rasmi NBC Dodoma Marathon 2023

By Halmashauri ya Jiji la Dodoma
Image
  Dodoma, Julai 19, 2023 – Waziri Mkuu wa Jamuhuri ya Muungano wa Tanzania mheshimiwa Kassim Majaliwa, anatarajiwa kuwa Mgeni Rasmi katika mbio za NBC Dodoma Marathon 2023 zinazotarajiwa kufanyika siku ya Jumapili tarehe 23 Julai 2023. Mbio za mwaka huu zinalenga kukusanya jumla ya shilingi milioni 500. Fedha hizo zitatumika kusaidia kupambana na kansa ya shingo ya kizazi pamoja na kutoa ufadhili wa masomo kwa wakunga ikiwa ni sehemu ya kusaidia kuongeza wataalamu ili kupunguza vifo vya uzazi. Akizungumza na waandishi wa habari ofisini kwake jijini Dodoma kuhusu maandalizi ya mbio hizo zilizojizolea umaarufu mkubwa na ambazo zinafanyika kwa mara ya nne mfululizo mwaka huu, mkuu wa mkoa wa Dodoma Rosemary Senyamule alisema mkoa umejipanga vyema kuwapokea wakiambiaji na wageni wote wataoshiriki. “Kwanza kabisa napenda kuishukuru benki ya NBC kwa kuandaa mbio hizi zenye faida kubwa kwetu kama nchi. Pili niwahakikishie washiriki wote kuwa sisi kama mkoa wa Dodoma tumejipanga vy...
Read more

Dodoma Sec kuongeza ufaulu kula mwaka

By Halmashauri ya Jiji la Dodoma
Image
  Na. Dennis Gondwe, DODOMA SHULE ya Sekondari Dodoma imekuwa ikiongeza ufaulu kila mwaka ikifikisha zaidi ya asilimia 97 ya ufaulu wa jumla kutokana na ushirikiano uliopo baina ya wanafunzi, uongozi wa shule na serikali. Mkuu wa Shule ya Sekondari Dodoma, Mwl. Francis Tumaini alipokuwa akielezea mwenendo wa shule yake katika ufaulu Kauli hiyo ilitolewa na Mkuu wa Shule ya Sekondari Dodoma, Mwl. Francis Tumaini alipokuwa akielezea mwenendo wa shule yake kwa wageni kutoka Wizara ya Elimu na Mafunzo ya Amali wa Serikali ya Mapinduzi Zanzibar waliotembelea shule hiyo kwa lengo la kujifunza. Mwl. Tumaini alisema “kwa hali ya ufaulu, tunaongeza ufaulu kila mwaka. Kwa mwaka juzi ufaulu kwa daraja la kwanza hadi la tatu, lengo la serikali tufikie asilimia 50. Sisi tulikuwa na asilimia 65. Mwaka jana tukawa na asilimia 67 na mwaka huu tuna asilimia 68. Kwa ufaulu wa jumla kwa mwaka huu tuna asilimia zaidi ya 97. Kwa matokeo ya kidato cha Nne, tulikuwa na wanafunzi 308 tuliowasajili, ...
Read more