Wapiga kura 795,000 Kugawanywa, Jimbo la Dodoma Mjini

By Halmashauri ya Jiji la Dodoma

Na. Faraja Mbise, DODOMA

Halmashauri ya Jiji la Dodoma yawasilisha mapendekezo ya kugawanya Jimbo la Uchaguzi la Dodoma Mjini lenye jumla ya wapiga kura 795,000 na kuwa majimbo mawili, Jimbo la Mtumba lenye jumla ya wapiga kura 412,000 na Jimbo la Dodoma Mjini lenye jumla ya wapiga kura 383,000 kwa lengo la kusogeza huduma karibu na wananchi.


Hayo yalisemwa na Afisa Uchaguzi wa Halmashauri hiyo, Albert Kasoga alipokuwa akiwasilisha taarifa kwa niaba ya Mkurugenzi wa Jiji la Dodoma, ya mapendekezo ya mgawanyo wa Jimbo la Dodoma Mjini, mbele ya Mkutano maalum wa Baraza la Madiwani uliofanyika katika Ukumbi wa Mikutano Halmashauri ya Jiji la Dodoma.

Akizungumza wakati wa kuwasilisha taarifa hiyo, alisema kuwa mgawanyo huo umezingatia hali ya kiuchumi ya jimbo husika hasa katika ukusanyaji wa mapato ya ndani sambamba na kuzingatia ukubwa wa eneo husika.

“Mgawanyo umezingatia hali ya kiuchumi ya jimbo hasa katika ukusanyaji wa mapato ya ndani ya jimbo husika. Lengo ni kuona kuwa maeneo yaliyo juu kiuchumi hayamezi kiuwakilishi maeneo yaliyo chini kiuchumi. Aidha, mgawanyo umezingatia ukubwa wa eneo ambapo, Jimbo la Dodoma Mjini lilikuwa na jumla ya Kilomita za mraba 2,478.5. Hivyo, mgawanyo katika majimbo mawili umezingatia eneo hilo ambapo Jimbo la Mtumba lina ukubwa wa kilomita za mraba 1,187.9 na Jimbo la Dodoma Mjini lina ukubwa wa kilomita za mraba 1,290.6” alisema Kasoga.

Kuhusu mpangilio wa maeneo ya makazi ya watu na huduma za kijamii zilizopo alisema mgawanyo umezingatia hilo kwa weledi mkubwa na ili kuhakikisha wananchi wanasogezewa huduma kwa urahisi.

“Mgawanyo huu umezingatia mpangilio wa maeneo ya makazi ya watu na huduma za kijamii zilizopo ndani ya kila jimbo, ambapo Jimbo la Mtumba lina jumla ya kata 20 na mitaa 99 na Jimbo la Dodoma Mjini lina jumla ya Kata 21 na mitaa 123, huduma za shule za msingi mgawanyo wake ni shule 59 kwa Jimbo la Mtumba na shule 49 kwa Jimbo La Dodoma Mjini. Shule za sekondari ni 25 kwa Jimbo la Mtumba na Shule 21 Jimbo la Dodoma Mjini. Vituo vya Afya na Zahanati kwa Jimbo la Mtumba ni Zahanati 20 na Vituo vya Afya vinne na Jimbo la Dodoma Mjini lina Zahanati 21 na Vituo vya Afya vitano” alisema Kasoga.

Kwa upande wake, Diwani wa Kata ya Chang’ombe, Bakari Fundikira, alimpongeza Mbunge wa Jimbo la Dodoma Mjini, Anthony Mavunde, kwa kazi kubwa anayoifanya katika Jimbo lake na kumtakia heri kwa Mwenyezi Mungu ili azidi kuwatumikia wanachi kwa moyo wote.


“Tunakupongeza kwa kazi kubwa unazozifanya kwenye jimbo letu, umefanya kazi kubwa sana mheshimiwa Anthony Mavunde, tunakuombea kwa Mungu akubariki na uweze kuwatumikia watanzania wenzetu” alishukuru Fundikira.

MWISHO

 

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more