Mavunde apongeza Baraza la madiwani kupendekeza kugawanywa Jimbo la Dodoma Mjini

By Halmashauri ya Jiji la Dodoma

 

Na. Nancy Kivuyo

Mbunge wa Jimbo la Dodoma mjini, Anthony Mavunde, ametoa pongezi kwa baraza la madiwani kwa kuridhia taarifa ya mapendekezo ya mgawanyo wa Jimbo la Uchaguzi la Dodoma Mjini kuwa majimbo mawili.




Katika salamu zake fupi aliishukuru serikali ya awamu ya sita inayoongozwa na Rais wa Jamhuri ya Muungano wa Tanzania, Dkt. Samia Suluhu Hassan kwa mabadiliko makubwa katika sekta mbalimbali.

Akizungumzia mgawanyo wa Jimbo la uchaguzi la Dodoma Mjini na kuwaeleza madiwani faida zitakazopatikana baada ya kugawanya kwa jimbo hilo. “Jimbo la Dodoma mjini ndilo jimbo kubwa kuliko majimbo yote hapa nchini likiwa na Tarafa nne, kata 41 na mitaa 222. Nipende kuwaambia, mgawanyo wa jimbo utaongeza fursa nyingi za kuhudumia wananchi. Mfuko wa jimbo utasogeza huduma kwa jamii kwa urahisi zaidi, kupitia uwepo wa majimbo mawili, fedha nzuri itapatikana kwa ajili ya kuboresha miundombinu” alisema Mavunde.

Aliongeza kuwa mipango ya kiserikali inasaidia huduma za kijimbo kupatikana. Hivyo, kwa majimbo yote mawili watapata faida kubwa ya kuwa na miradi mingi ya maendeleo katika Halmashauri ya Jiji la Dodoma. “Naomba niwaambie kuwa, majimbo haya mawili yatatupa faida kubwa sana na maendeleo ya Jiji la Dodoma yatakua katika viwango vya kipekee” alimaliza Mavunde.

Wakati akiwasilisha mapendekezo ya mgawanyo wa Jimbo la Dodoma Mjini, Afisa Uchaguzi wa Halmashauri ya Jiji la Dodoma, Albert Kasoga alisema “Jimbo la Dodoma Mjini lina jumla ya wapiga kura 795,000 na linatarajiwa kugawanywa katika majimbo mawili. Jimbo moja likiwa na jumla ya watu 412,000 yaani kata 21 na jimbo lingine lina jumla ya watu 383,000 yaani kata 20. Mgawanyo wa majimbo hayo unazingatia hali ya kichumi ya jimbo, ukubwa wa eneo, mpangilio wa maeneo ya makazi ya watu na huduma za kijamii zilizopo kama shule na huduma za afya na upatikanaji wa njia za mawasiliano kwa maana ya barabara, simu pamoja na vyombo vya habari”.

Katika hatua nyingine, Diwani wa Kata ya Chahwa, Sospeter Mazengo alisema “napenda kuipongeza Tume Huru ya Taifa ya Uchaguzi kwa kuweza kutoa fursa kwa majimbo yenye idadi kubwa ya watu kuweza kugawanywa. Kugawanywa kwa majimbo hayo ni kurahisisha huduma kwa wananchi. Kwa sisi Dodoma tuna idadi ya watu zaidi ya laki saba, leo tumetumia fursa hiyo na kugawa jimbo kuwa na majimbo mawili yaani Jimbo la Dodoma mjini litakalo kuwa na kata 21 na Jimbo la Mtumba litakuwa na kata 20 fursa hii itatusidia sisi wananchi wa Dodoma kunufaika kutokana na fedha za Mfuko wa Jimbo na kuongeza maendeleo. Hivyo, naipongeza sana serikali pamoja na Tume Huru ya Taifa ya Uchaguzi kwa ajili ya fursa hio” alisema Mazengo.




Mchakato wa mgawanyo wa Jimbo la Dodoma Mjini umezingatia masharti ya ibara ya 75 ya Katiba ya Jamhuri ya Muungano wa Tanzania ya Mwaka 1977 ambapo Tume Huru ya Taifa ya Uchaguzi ina mamlaka ya kuchunguza mipaka na kuigawa Jamhuri ya Muungano wa Tanzania katika majimbo ya uchaguzi na kwa kuzingatia masharti ya kanuni ya 18 (1) na (3) Kanuni za Tume Huru ya Taifa ya Uchaguzi za Mwaka 2024.

MWISHO

 

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more