Wananchi Matumbulu kufurahia ujenzi ofisi mpya ya Kata

By Halmashauri ya Jiji la Dodoma

Na. Nancy Kivuyo, MATUMBULU

SERIKALI ya awamu ya sita inalenga kuboresha mazingira bora ya kufanyia kazi kwa wafanyakazi wa serikali ili waweze kutoa huduma bora kwa wananchi kwa kujenga na kuboresha Ofisi ya Afisa Mtendaji wa Kata ya Matumbulu, Halmashauri ya Jiji la Dodoma.


 


Kauli hiyo ilitolewa na Afisa Mtendaji Kata ya Matumbulu, Zubery Mbawala alipokuwa akiongelea mafanikio ya serikali ya awamu ya sita kwa waandishi wa habari waliofanya ziara ya kutembelea miradi iliyotekelezwa na serikali katika Kata ya Matumbulu, jijini Dodoma.

 

Mbawala alisema kuwa ujenzi wa Ofisi ya Afisa Mtendaji wa Kata ya Matumbulu ulianza kwa michango ya nguvu za wananchi. “Wananchi walijitolea eneo na wakaanza ujenzi kwa nguvu zao, baadae serikali ndio ikawapokea, kuendeleza ujenzi huo kwa kutoa kiasi cha shilingi 67,000,000 ili kuhakikisha ujenzi huo unakamilika na wananchi wanapata huduma bora. Hata sasa ofisi hii inatumika japo ipo katika hatua za mwisho kukamilika” alisema Mbawala.

 


Aliongeza kuwa ofisi hiyo kwa miaka minne ya uongozi wa Rais, Dkt. Samia Suluhu Hassan imeboresha eneo la utawala bora. Huduma tunazotoa zimeendelea kuistawisha kata yetu hata sasa kuna utulivu, amani na shughuli za maendeleo zinafanywa kwa ufanisi mkubwa sana. Hivyo, tunaishukuru serikali kwa jitihada hizi kubwa za kuhakikisha wananchi wanasogezewa huduma muhimu kwenye maeneo yao” alimalizia Mbawala.

 

Nae Diwani wa Kata ya Matumbulu, Emmanuel Chibago alisema kuwa kuanzia mwaka 2020 hadi 2025 serikali imefanya kazi nzuri katika kuwapelekea maendeleo wananchi yanayochochea ushiriki katika uanzishwaji wa miradi ya maendeleo. “Tunawapongeza wananchi kwa kushiriki kikamilifu katika shughuli za maendeleo. Sio tu ofisi ya kata wameianzisha wao, miradi mingine mingi ni wao ndio waanzilishi, tunawapongeza kwa hilo” alisema Chibago.

MWISHO

 

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more