Shule ya kwanza ya Sekondari yajengwa Matumbulu tangu Uhuru

By Halmashauri ya Jiji la Dodoma

Na. Nancy Kivuyo, MATUMBULU

Diwani wa Kata ya Matumbulu, Emmanuel Chibago aishukuru serikali ya awamu ya sita inayoongozwa na Rais wa Jamhuri ya Muungano wa Tanzania, Dkt. Samia Suluhu Hassan kwa kuboresha miundombinu katika sekta ya elimu katani hapo.


Diwani wa Kata ya Matumbulu, Emmanuel Chibago, akitoa shukrani kwa rais

Alitoa shukrani hizo wakati alipokuwa mwenyeji wa waandishi wa habari waliotembelea miradi ya maendeleo iliyotekelezwa na serikali kuanzia mwaka 2020 hadi 2025 katika Kata ya Matumbulu.

 

Chibago alisema kuwa ni historia kwa Kata ya Matumbulu kuwa na shule ya sekondari na kusema kuwa haijawahi kutokea tangu kupatikana kwa uhuru. “Kiukweli, nampongeza sana Rais wetu pamoja na Mbunge Mavunde, wamehakikisha wananchi tunaoishi hadi pembezoni mwa mji tunapata shule ili watoto wetu wapate elimu nzuri. Ukitazama ndugu mwandishi, haya majengo ni ya kisasa kabisa, wanafunzi watasoma katika mazingira mazuri na italeta chachu ya ufaulu kwasababu kule msingi walipo sasa hivi watasoma kwa bidii ili wafaulu waje sekondari” alisema Chibago.

“Serikali yetu ni sikivu, tuliomba tujengewe shule hapa na tumeletewa kiasi cha shilingi 544,000,000 kupitia mradi wa SEQUIP, ndio matunda yake haya tunaiona shule ipo mbioni kukamilika. Tuna kila sababu ya kujivunia sekondari hii na tutaitunza kwa namna ya kipekee kuhakikisha kwamba inafaa kwa vizazi vyetu na hata vya baadae” alisisitiza Chibago.




Nae Afisa Elimu Kata ya Matumbulu, Ally Mgoo aliishukuru serikali kwa kujenga shule katani hapo kwasababu itasaidia wanafunzi waliokua wanaenda kata jirani kusoma kubaki hapo na kupata elimu. “Serikali yetu kupitia rais, mbunge na diwani wamefanya jambo la msingi kuipa kipaumbele sekta ya elimu katika kata yetu. Watoto walikua wanatembea mbali kwenda kusoma, kuna ambao walikatiza masomo sababu ya umbali, wapo waliokumbana na vishawishi wakapata mimba na kuacha masomo. Hivyo, ujio wa shule hii utaboresha elimu katika eneo hili na tunategemea kupata wasomi wengi” alishukuru Mgoo.

 

Katika hatua nyingine Vicent Yohana aliipongeza serikali kwa kufanya maboresho katika sekta ya elimu na kuiwezesha kata kupata shule ya sekondari. “kwakweli, tunaipongeza serikali kwa kutuletea maendeleo katika elimu, watoto wetu sasa watasoma katika mazingira mazuri na ninaamini watafaulu. Hii shule ni mfano mzuri wa maendeleo mengine katika kata yetu. Tunashukuru sana kwa hili” alishukuru Yohana.




MWISHO

 

 

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

RC Senyamule azipongeza Club za Jogging Dodoma

By Halmashauri ya Jiji la Dodoma
Image
Na. John Masanja   Vikundi vya 'Jogging C lub s ' Mkoa wa Dodoma vimepongezwa kwa kuendelea kuwa na mshikamano na kuwa vinara wa kuhamasisha watu kufanya mazoezi kwa kuboresha afya zao na kuepukana na magonjwa yasiyoambukiza, pamoja na kuelimisha jamii kupitia kampeni mbalimbali.    Pongezi hizo zilitolewa na Mkuu wa Mkoa wa Dodoma, Rosemary Senyamule baada ya kumalizika kwa mazoezi na mbio fupi zilizofanyika kwa kuratibiwa na Ofisi ya Mkuu wa Mkoa wa Dodoma k wa kushirikiana na “ Friends of Mavunde ” na “ Dodoma City L egends Family” .    “ Katika makundi tuliyonayo kwa mkoa wetu hivi vilabu vya Jogging wamekuwa kinara wa kuimarisha m shikamano wao wenyewe na wafuasi sisi tunaoungana nao kufanya mazoezi, ni makundi ambayo hayana uvivu wa kufuatilia jambo lao wakiamua nawapongeza sana.    " Kupitia mchango wao wa kuhamasisha unatupa sisi fursa ya kufikisha ujumbee mbalimbali . Kwa jamii, jambo kubwa nimefurahi leo k wa sababu mazoezi haya...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more