Mradi wa Maji ya Mvua uliofadhiliwa na TASAF wasaidia wanafunzi Shule ya Msingi Ipala

By Halmashauri ya Jiji la Dodoma

Na. Emanuel Charles, IPALA

 

Mwenyekiti wa Kamati ya TASAF Taifa, Peter Ilomo ameupongeza uongozi wa Kata ya Ipala kwa kuendelea kutunza miradi iliyofadhiliwa na Mfuko wa Maendeleo ya Jamii (TASAF) ukiwemo mradi wa ukusanyaji maji ya mvua unaopatikana katika Shule ya Sekondari Ipala wenye lengo la kuondoa adha ya upatikanaji wa maji kwa wanafunzi shuleni hapo.

 



Akizungumza katika ziara ya kukagua miradi iliyotekelezwa na TASAF, Ilomo alisema kuwa lengo la kwenda kukagua mradi huo ni kuangalia kama unafanya kazi na kusaidia wanafunzi kama ilivyokusudiwa. “Tunashukuru mradi ulianza 2022 na kumalizika 2023, kwakuwa tayari mradi umeshakamilika na jamii inayozunguka mradi huu kwa maana ya wanafunzi na waalimu wananufaika tunasema asante sana. Lengo lakuja hapa ni kukagua kama mradi unafanya kazi kwasababu mara nyingi miradi unaweza kukamilika lakini usifanye kazi, nipongeze uongozi wa hapa Ipala, ninyi mmekuwa wa tofauti” alisema Ilomo.

 

Pia aliongeza kwa kusema kuwa uongozi wa Kata ya Ipala unapaswa kuendelea kufuatilia kwa ukaribu changamoto za wanufaika wa TASAF na kuwasaidia kutatua changamoto zao. “Kama kuna mnufaika ana changamoto awasilishe ili aweze kutatuliwa. Lakini pia viongozi fuatilieni kwa makini kwasababu kuna baadhi ya wazee hawasemi. Tumebakiza miezi tisa ili kumaliza mwaka, miezi hii si mingi. Hivyo, basi fedha mtakazo zipata katika kipindi hiki cha miezi tisa zitumike vizuri” aliongeza Ilomo.

 

Nae mmoja wa wanufaika wa TASAF, Christina Fande aliipongeza Serikali ya Jamhuri ya Jamhuri ya Muungano wa Tanzania inayoongozwa na Rais, Dkt. Samia Suluhu Hassan kwa kuleta mpango huo kwasababu umeweza kumsaidia kununua ng’ombe wa kulimia, jembe la kulimia pamoja na ujenzi wa nyumba ya kuishi. “Katika mpango huu wa kunusuru watu masikini nilianza kupokea shilingi 40,000 ambayo nilikuwa naiwekeza sehemu na baadae nikaweza kununua ng’ombe wa kulima, jembe la kulimia pamoja na ujenzi wa nyumba yenye vyumba vitatu na sebule. Nawaasa wenzangu ambao ni wanufaika wa TASAF, watumie vizuri fedha wanazopata ili kuweza kufanya maendeleo” alisema Fande.







MWISHO

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

RC Senyamule azipongeza Club za Jogging Dodoma

By Halmashauri ya Jiji la Dodoma
Image
Na. John Masanja   Vikundi vya 'Jogging C lub s ' Mkoa wa Dodoma vimepongezwa kwa kuendelea kuwa na mshikamano na kuwa vinara wa kuhamasisha watu kufanya mazoezi kwa kuboresha afya zao na kuepukana na magonjwa yasiyoambukiza, pamoja na kuelimisha jamii kupitia kampeni mbalimbali.    Pongezi hizo zilitolewa na Mkuu wa Mkoa wa Dodoma, Rosemary Senyamule baada ya kumalizika kwa mazoezi na mbio fupi zilizofanyika kwa kuratibiwa na Ofisi ya Mkuu wa Mkoa wa Dodoma k wa kushirikiana na “ Friends of Mavunde ” na “ Dodoma City L egends Family” .    “ Katika makundi tuliyonayo kwa mkoa wetu hivi vilabu vya Jogging wamekuwa kinara wa kuimarisha m shikamano wao wenyewe na wafuasi sisi tunaoungana nao kufanya mazoezi, ni makundi ambayo hayana uvivu wa kufuatilia jambo lao wakiamua nawapongeza sana.    " Kupitia mchango wao wa kuhamasisha unatupa sisi fursa ya kufikisha ujumbee mbalimbali . Kwa jamii, jambo kubwa nimefurahi leo k wa sababu mazoezi haya...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more