Wananchi Dodoma watakiwa kuzingatia vibali vya ujenzi

By Halmashauri ya Jiji la Dodoma

Na. Halima Majidi, VIWANDANI


Wananchi jijini Dodoma wametakiwa kuacha tabia ya ujenzi wa aina yoyote bila ya kufuatilia vibali kwa sababu ni kosa la kisheria na linaweza kusababisha ujenzi holela na migogoro ya Ardhi isiyo ya lazima.



Hayo yalisemwa na Msanifu Majengo wa Halmashauri ya Jiji la Dodoma, Paschal Mathew wakati akitoa elimu juu ya umuhimu wa vibali vya ujenzi kwa wananchi wanaotaka kujenga ikiwa ni muendelezo wa Kliniki ya Ardhi inayofanyika jijini hapo katika viwanja vya iliyokuwa Manispaa ya zamani.

Alisema kuwa vibali vya ujenzi wanatoa kwa mujibu wa sheria, na kwa viwanja vyote ambavyo vimeshafanyiwa vipimo na kumilikishwa ili mwananchi apewe huduma, lazima awe na nyaraka za umiliki pamoja na michoro ya majengo anayotaka kuendeleza yakizingatia matumizi na sheria ndogo za Halmashauri ya Jiji la Dodoma. “Tunakagua michoro kuangalia kama imekamilika na imekidhi vigezo vya kihandisi na kisanifu na kuwaandikia “invoice” kwaajili ya kufanya malipo ya kibali cha ujenzi. Baada ya kulipia wataalamu watapitia michoro na kibali chake kwa lengo la kujiridhisha” alisema Mathew.

Aidha, alifafanua kuwa muamko wa wananchi ni mkubwa ila kuna changamoto ya uelewa, kuna mwingine anakuja kuomba kibali akiwa na nyaraka ila hana michoro ya ujenzi. “Tunampa elimu kwanza ya namna gani afanye, awasiliane na wataalamu wa aina gani ili aweze kuandaliwa michoro yake kisha aje na michoro hiyo ili tuweze kumpa kibali. Mpaka leo tarehe 26 Februari tumepokea zaidi  ya maombi ya vibali vya uendelezaji ujenzi 20, ambapo bado tunaendelea na huduma hiyo” alifafanua Mathew.

Nae, Epimark Madole ambae ni mkazi wa eneo la Mipango alipongeza huduma za utoaji wa vibali, kwa sababu inasaidia kujenga katika sehemu husika na kuepusha migogoro na Halmashauri ya Jiji la Dodoma. “Tunapaswa kuzingatia taratibu zote za jiji kuhusiana na vibali vya ujenzi, usijenge kabla ya kuomba kibali cha ujenzi, unatakiwa ufuate taratibu ikiwemo kuwa na michoro iliyokaguliwa na kulipia ili kuepuka malumbano na Jiji la Dodoma” alisema Madole.  

Sanjari na hayo alisema kuwa mtu akijenga bila kupata kibali anaweza kujenga sehemu ambayo sio rasmi ikiwemo barabarani kwa sababu anakuwa hajazingatia mipaka. “Unaweza ukajenga eneo ambalo lilitakiwa kujengwa makazi wewe ukajenga ‘commercial’ au maduka. Kwa hiyo, lazima kuzingatia kwa kufuata sheria ili kuepusha usumbufu wa kubomolewa majengo yetu” alisema Madole.

Kwa upande wake Fausta Kusakala alisema kuwa changamoto yake ni kiwanja chake kilichopo Chinangali West ambapo kila akiingia kwenye mtandao anaambiwa kiwanja kimefutwa. “Kwa ujumla huduma ni nzuri, nimeambiwa niende kwa Kamishna kwaajili ya hitimisho” alisema Kusakala.

MWISHO

 

 

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Halmashauri ya Jiji la Dodoma Kuhudumia Majimbo Mawili ya Uchaguzi

By Halmashauri ya Jiji la Dodoma
Image
Na. Faraja Mbise, DODOMA Halmashauri ya Jiji la Dodoma imejipanga vema kutoa huduma kwa wananchi wote kwa kuzingatia mgawanyo wa Jimbo la Dodoma Mjini wenye mapendekezo ya kuligawa jimbo hilo kuwa Jimbo la Mtumba lenye jumla ya kata 20 na Jimbo la Dodoma Mjini lenye kata 21. Kauli hiyo ilitolewa na Mkurugenzi wa Jiji la Dodoma, Dkt. Frederick Sagamiko, mara baada ya majadiliano kutoka kwa Madiwani kuhusu taarifa iliyowasilishwa na Afisa Uchaguzi Halmashauri ya Jiji la Dodoma, Albert Kasoga ya kuwasilisha mapendekezo ya mgawanyo wa Jimbo la Dodoma Mjini, katika Mkutano maalum wa Baraza la Madiwani lililofanyika tarehe 12 Machi, 2025 katika Ukumbi wa Mikutano wa Halmashauri ya Jiji la Dodoma. Dkt. Sagamiko alisema “mgawanyo huu kwa sasa unalenga mgawanyo wa jimbo kuwa majimbo mawili, bado tutaendelea kuwa na halmashauri moja kwa maana ya utoaji huduma kwa ngazi ya Halmashauri ya Jiji la Dodoma. Jiji litaendelea kuwajibika katika utoaji wa huduma katika majimbo yote mawili”. Akizung...
Read more

DC Shekimweri apongeza Jiji la Dodoma kupandisha ufaulu

By Halmashauri ya Jiji la Dodoma
Image
Na. Aisha Ibrahim, DODOMA Mkuu wa Wilaya ya Dodoma, Alhaj Jabir Shekimweri, amewapongeza wadau na waratibu wa elimu kwa kazi nzuri wanayoifanya ya kuhakikisha ufaulu wa wanafunzi ngazi ya msingi na sekondari unazidi kupanda kila siku katika Jiji la Dodoma. Alitoa pongezi hizo katika kikao cha wadau wa elimu na kuutambulisha mfuko wa lishe shuleni wa mwaka 2025, kilichofanyika ukumbi wa Vijana uliopo Kata ya Kiwanja cha Ndege, jijini Dodoma. Akizungumza katika kikao hicho alisema kuwa, lengo la Rais wa awamu ya sita, Dkt. Samia Suluhu Hassan, kuanzisha mpango wa lishe bora shuleni ni kukuza ufaulu wa wanafunzi na kuenzi kauli za Baba wa Taifa, Mwalimu Julius Kambarage Nyerere, isemayo “Elimu tunayohitaji siyo tu ya kujua kusoma na kuandika bali ni elimu ya kujenga jamii yetu ya kufanya tuwe na uwezo wa kufanya kazi na kuleta maendeleo kwa wengine”. Aliongeza kuwa, chini ya utawala wa Rais wa awamu ya sita, Dkt. Samia Suluhu Hassan, serikali imejitahidi kuboresha na kutekeleza kw...
Read more