DC Shekimweri awaasa viongozi kutokuchukulia mzaha suala la madada poa

By Halmashauri ya Jiji la Dodoma

Na. Shahanazi Subeti, DODOMA

Mkuu wa Wilaya ya Dodoma, Alhaji Jabir Shekimweri, alitoa maoni kwa Baraza la Madiwani la Halmashauri ya Jiji la Dodoma kufanya utafiti, kutoa elimu na kuweza kujua sababu zinazowafanya wanawake na vijana kufanya biashara ya ngono.



Aliyasema hayo wakati wa Mkutano wa Baraza la Madiwani kwa ajili ya kupokea na kujadili taarifa za utekelezaji wa kazi robo ya pili kwa kipindi cha Mwezi Oktoba hadi Desemba, 2025 uliofanyika katika ukumbi wa mikutano wa Halmashauri ya Jiji la Dodoma.

Alhaji Jabir Shekimweri alisema “Halmashauri ya Jiji la Dodoma ina mifuko mahsusi ya vijana na wanawake, hivyo uchunguzi ufanyike kujua kwanini matendo ya uzinifu yanaendelea. Katika kutafuta suluhisho pengine Mwenyekiti wa Baraza la Madiwani, ingawa taarifa ilipitishwa sioni kama vita ya biashara hiyo ya watu kujiuza katika shughuli za ngono haihitaji ‘cohesive force’ nguvu ya dola, nadhani inahitaji elimu zaidi na mikakati ya kuwafikia hao na pengine kuwabadilisha”.

Pia, aliwaasa viongozi kutokuchukulia rahisi suala hili “kwenye kamati ya usalama tumechukuwa hatua mfano Msikiti wa Gadafi tumewahi kufanya oparesheni pale kwenye ile ‘Guest’ inaitwa 'Msangi' na tumefanikiwa kukamata watu kwa mara moja karibu 14 ni jambo la kadhia sana. Fikiria unafanyika ufuska nyuma ya msikiti wengine wanaitwa wafanye ibada na wengine wanafanya uzinifu. Kwahiyo suala la kufanyiwa mzaha sio zuri, eneo la area 'C' na area 'A' pia tumefanya oparesheni na tumewakamata hao watu” alisema Alhaj Shekimweri.

Kwa upande wake Diwani wa Kata ya  Ihumwa,vEdward Magawa, alisema kuna mipango ambayo ni madhubuti iliyowekwa katika kata yake ili kutokomeza tabia mbaya inayoleta mmomonyoko wa maadili katika Jiji la Dodoma. “Biashara hii kwa Dodoma imeshamiri sana, sio katikati ya mji hata pembezoni mwa mji kwenye kata kama Ihumwa. Lakini pia Kuna mikakati mikubwa katika kata yangu ambayo tumeanza kuifanyia kazi na tumewatambua hao watu na kukaa nao kuona changamoto zao mpaka wanajiingiza kwenye hiyo biashara. Kwahiyo, katika mipango yetu tumewapa kipaumbele katika vikundi vya ujasiriamali, tunaona kwamba hawa ni watu ambao tunaweza kuwaweka na kuwakusanya ili kuanza biashara za ujasiriamali badala ya kuendelea na biashara hiyo. Kwakweli ni mmomonyoko wa maadili” alisema Magawa.

Nae Diwani wa Kata ya Makole, Omary Haji, aliwashauri kamati husika na viongozi wake kutokuchoka na kuweka mikakati mizuri katika kutokomeza suala hilo. “Kamati ya UKIMWI inapaswa kuweza kuona namna gani inaweza kuwatafuta wale watu kwa kukaa nao na kuwapa elimu ili kuondoa jambo hili. Katika vitendo hivi hawa wote wanaokuja kufanya hii biashara sio wenyeji wa Dodoma ni watu kutoka mikoa ya mbali na Dodoma” alisema Haji.

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Halmashauri ya Jiji la Dodoma Kuhudumia Majimbo Mawili ya Uchaguzi

By Halmashauri ya Jiji la Dodoma
Image
Na. Faraja Mbise, DODOMA Halmashauri ya Jiji la Dodoma imejipanga vema kutoa huduma kwa wananchi wote kwa kuzingatia mgawanyo wa Jimbo la Dodoma Mjini wenye mapendekezo ya kuligawa jimbo hilo kuwa Jimbo la Mtumba lenye jumla ya kata 20 na Jimbo la Dodoma Mjini lenye kata 21. Kauli hiyo ilitolewa na Mkurugenzi wa Jiji la Dodoma, Dkt. Frederick Sagamiko, mara baada ya majadiliano kutoka kwa Madiwani kuhusu taarifa iliyowasilishwa na Afisa Uchaguzi Halmashauri ya Jiji la Dodoma, Albert Kasoga ya kuwasilisha mapendekezo ya mgawanyo wa Jimbo la Dodoma Mjini, katika Mkutano maalum wa Baraza la Madiwani lililofanyika tarehe 12 Machi, 2025 katika Ukumbi wa Mikutano wa Halmashauri ya Jiji la Dodoma. Dkt. Sagamiko alisema “mgawanyo huu kwa sasa unalenga mgawanyo wa jimbo kuwa majimbo mawili, bado tutaendelea kuwa na halmashauri moja kwa maana ya utoaji huduma kwa ngazi ya Halmashauri ya Jiji la Dodoma. Jiji litaendelea kuwajibika katika utoaji wa huduma katika majimbo yote mawili”. Akizung...
Read more

DC Shekimweri apongeza Jiji la Dodoma kupandisha ufaulu

By Halmashauri ya Jiji la Dodoma
Image
Na. Aisha Ibrahim, DODOMA Mkuu wa Wilaya ya Dodoma, Alhaj Jabir Shekimweri, amewapongeza wadau na waratibu wa elimu kwa kazi nzuri wanayoifanya ya kuhakikisha ufaulu wa wanafunzi ngazi ya msingi na sekondari unazidi kupanda kila siku katika Jiji la Dodoma. Alitoa pongezi hizo katika kikao cha wadau wa elimu na kuutambulisha mfuko wa lishe shuleni wa mwaka 2025, kilichofanyika ukumbi wa Vijana uliopo Kata ya Kiwanja cha Ndege, jijini Dodoma. Akizungumza katika kikao hicho alisema kuwa, lengo la Rais wa awamu ya sita, Dkt. Samia Suluhu Hassan, kuanzisha mpango wa lishe bora shuleni ni kukuza ufaulu wa wanafunzi na kuenzi kauli za Baba wa Taifa, Mwalimu Julius Kambarage Nyerere, isemayo “Elimu tunayohitaji siyo tu ya kujua kusoma na kuandika bali ni elimu ya kujenga jamii yetu ya kufanya tuwe na uwezo wa kufanya kazi na kuleta maendeleo kwa wengine”. Aliongeza kuwa, chini ya utawala wa Rais wa awamu ya sita, Dkt. Samia Suluhu Hassan, serikali imejitahidi kuboresha na kutekeleza kw...
Read more