Shekimweri awaita mashabiki wa Dodoma Jiji FC, Ally Hassan Mwinyi

By Halmashauri ya Jiji la Dodoma

Na. Nancy Kivuyo, DODOMA

Mkuu wa Wilaya ya Dodoma, Jabir Shekimweri ameitakia kila la kheri timu ya Dodoma Jiji FC katika mchezo wao ujao dhidi ya Tabora United FC, utakaopigwa katika dimba la Ally Hassan Mwinyi mjini Tabora.


Mkuu wa Wilaya ya Dodoma, Jabir Shekimweri akielezea jambo


Alizungumza hayo wakati akitoa salamu katika Mkutano wa Baraza la Madiwani uliofanyika katika ukumbi wa mikutano wa halmashauri.

“Licha ya changamoto timu yetu iliyopitia, timu imeweza kufanya vizuri katika michezo miwili mtawalia. Timu hii ni fahari ya nchi ikiiwakilisha makao makuu ya nchi. Hivyo, tunawatakia kila la kheri katika mchezo wao dhidi ya Tabora United FC watakaocheza ijumaa. Tunawasisitiza wadau na wana Dodoma kwenda kuipa nguvu timu yetu ili matokeo yawe mazuri” alisema Shekimweri.

Naye, Elice Kitendya alisema “kwakua mimi ni mdau mkubwa wa timu yetu ya Dodoma Jiji, nina matumaini makubwa na timu yetu, mashabiki tunawahimiza wenye nafasi ya kwenda Tabora tujumuike pamoja kwenda kuisapoti timu yetu ili wapate morali ya kutosha. Niseme tu kwamba, ninaamini watafanya vizuri ili kuendeleza ushindi ambao tumeuanza”.

Timu ya Dodoma Jiji FC itaondoka kesho kuelekea mkoani Tabora kwaajili ya mechi yao dhidi ya Tabora United FC, mchezo utakaopigwa katika dimba la Ally Hassan Mwinyi siku ya Ijumaa majira ya saa nane mchana, katika mechi ya mzunguko wa kwanza Dodoma Jiji FC iliibuka kidedea kwa ushindi wa jumla ya mabao 3-0. Katika michezo mitatu ya mwisho ya ligi Dodoma Jiji FC imekusanya alama saba kibindoni.

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more