DC Shekimweri ahimiza usafi kudhibiti magonjwa Dodoma

By Halmashauri ya Jiji la Dodoma

 Na. Shahanazi Subeti, DODOMA

Mkuu wa Wilaya ya Dodoma, Alhaj Jabir Shekimweri aliitaka jamii kuzingatia suala la usafi wa mazingira katika maeneo yao ili kujikinga na magonjwa na kufanya mji kuwa safi na salama katika kipindi hiki cha maandalizi ya bajeti ya halmashauri ili wananchi wawe na afya bora.





Aliyasema hayo katika Kikao cha Kamati ya Ushauri ya Wilaya ya Dodoma kilichofanyika katika ukumbi wa mikutano wa Halmashauri ya Jiji la Dodoma kwa ajili ya kupokea na kujadili mapendekezo ya rasimu ya Mpango na Bajeti ya Halmashauri kwa Mwaka wa fedha 2025/2026.

Alhaji Shekimweri alisema “wenzetu maafisa afya, watendaji wa kata, changamoto za uchafu wa mji wetu ni usimamizi kwa sehemu fulani, yapo maeneo ya kampuni za usafi, yapo maeneo yanavikundi vya usafi, lakini ni wajibu wa mwananchi mmoja mmoja kufanya usafi wa eneo lake. Kwahiyo, tuimarishe usimamizi, na kuna makampuni na vikundi na vinalipwa kwa kufanya kazi hizo”.

Akiongelea suala la usalama katika Halmashauri ya Jiji la Dodoma alisema kuwa kamera za usalama (CCTV) ni muhimu katika kuimarisha usalama. “Tunachokimaanisha tunapoelekea utaona askari wachache barabarani wanapita kwenye doria, kwasababu kutakuwa na Kamera zinazofanya kazi, badala ya kutuma askari, watakuwa wanaona tukio, lakini katika baadhi ya maeneo ya “observation points” watakaa na pikipiki zao ili kukamata watu wanaofanya matukio ya wizi. Tunataka tuelekee katika mazingira ambayo hakuna ‘panyaroad’ Dodoma, kwasababu muda wote mji unaangaliwa na mitambo ya kisasa kupitia Jeshi la Polisi na vyombo vyetu vya ulinzi na usalama” alisema Alhaj Shekimweri.




Mkuu wa Wilaya ya Dodoma alisema kuwa amepokea mchango unaohusu mkakati wa dharura na majanga.  “Mfano jana kulikuwa na tukio la moto, wengi mmeona fremu takribani 12 na stoo mbili ziliungua kwa moto lakini tukabaini Jiji letu lina 'fire hydrant’ (mitambo ya kuunganisha kwa ajili ya kuzimia moto) 74 mji mzima, lakini ambazo zinafanya kazi hazizidi 40. Kwahiyo, Jiji limepokea hiyo rai kwa haraka kulisaidia Jeshi la Zimamoto na Uokoaji kwasababu wananchi ni wa halmashauri. Hivyo, ni wa kamati hii ya ushauri wa maendeleo ya wilaya na ndio walipa kodi. Kwahiyo, ni jambo la wananchi wetu tufanye huduma ya mitambo hiyo” alisema Alhaj Shekimweri.

Aliwataarifu wajumbe kuwa bajeti ya halmashauri inategemea ukusanyaji wa kodi na kuwataka kudai risiti kwa kila malipo wanayofanya. “Ndugu zangu wafanyabiashara, wanataka kuongeza faida, anaweza kukuuzia na asikupatie risiti yeye atapata faida lakini wewe utakuwa umeidhulumu serikali na umejidhulumu wewe mwenyewe. Maendeleo yote haya hayawezi kufanyika kama haukusanyi kodi” alisema Alhaj Shekimweri.

Nae, Katibu wa AAFP, Zuhura Mganga, aliishauri serikali kuhusu Soko la wazi la Machinga kufungwe CCTV kamera za kutosha ili kuzuia vitendo vya wizi. “Nashauri kuhusu usalama wa Soko la wazi la Machinga pale kumekuwa na wizi, hakuna kamera za kutosha na hata kamera zilizopo hazioneshi pande zote” alisema Mganga.

Kwa upande wake Mjumbe wa Halmashauri Kuu Bakwata, Kakongwe Misambano, alichangia katika suala la afya na usalama barabarani. “Kwa upande wa afya, ukiangalia tunaongelea bajeti sana lakini utendaji wake unakuwa hauko sahihi. Mfano, mitaro ya barabara ya Nkuhungu ambayo imetengenezwa kwa ajili ya bwawa, na linahamisha watu kila mwaka wakati wa mvua, usalama kwa watoto hakuna kwasababau maji hayaendi badala yake yanatuwama. Kwahiyo, …bajeti ambazo zinatengwa zinafanya nini?. Kwasababu, hiyo mitaro inarudisha nyuma, badala ya kupeleka mbele ili maji yaishe” alisema Misambano.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more