TEHAMA chachu ya ukusanyaji mapato Jiji la Dodoma

By Halmashauri ya Jiji la Dodoma

Na. Dennis Gondwe, DODOMA

Matumzi ya Teknolojia ya Habari na Mawasiliano katika Halmashauri ya Jiji la Dodoma yamerahisisha shughuli za kutoa huduma kwa wananchi na kuongeza ukusanyaji wa mapato yakiziba mianya ya upotevu wa mapato.


Mkuu wa Kitengo cha Teknolojia ya Habari na Mawasiliano wa Halmashauri ya Jiji la Dodoma, Joseph Fungo akifafanua jambo


Kauli hiyo ilitolewa na Mkuu wa Kitengo cha Teknolojia ya Habari na Mawasiliano wa Halmashauri ya Jiji la Dodoma, Joseph Fungo alipokuwa akiongelea mafanikio ya serikali ya awamu ya sita katika ukumbi wa mikutano wa Halmashauri ya Jiji la Dodoma.

Fungo alisema “matumizi ya TEHAMA yamerahisisha sana shughuli za serikali za kutoa huduma kwa wakati na kwa urahisi kwa wananchi. Serikali ya awamu ya Sita chini ya uongozi wa Rais, Dkt. Samia Suluhu Hassan imeiwezesha Halmashauri ya Jiji la Dodoma upatikanaji wa fedha kwenye ujenzi na uboreshaji wa mifumo ya TEHAMA ikiwemo mafunzo ya kuwajengea uwezo wataalam ili wawe na uelewa wa kutosha kuweza kufanyia kazi mifumo, miundombinu na vifaa vya TEHAMA kwa wakati”.

Akiongelea mafanikio katika matumizi ya mifumo ya TEHAMA, alisema kuwa mifumo imeleta mapinduzi makubwa. “Mfumo wa kukusanya mapato Tausi umesaidia katika ukusanyaji wa mapato. Halmashauri ya Jiji vyanzo vyake vyote vya mapato vimeingizwa katika mfumo wa Tausi na kukusanywa kieletroniki na hivyo, kuondoa mianya ya upotevu fedha za Serikali. Kupitia TEHAMA tunaweza kufahamu mapato halisi ambayo halmashauri inayapata na kuthibiti upotevu wa fedha na kuwafanya watumishi kuwa makini katika maeneo yao ya ukusanyaji wa mapato. Kupitia mfumo wa Tausi mwananchi anaweza kukata leseni ya biashara, vileo na leseni mbalimbali kwenye mfumo akiwa nyumbani au sehemu yake ya biashara kwa kupitia simu yake ya mkononi” alisema Fungo.

Akiongelea mfumo wa huduma za Afya GOTHOMIS, alisema kuwa unatumika katika vituo vya Afya na zahanati za serikali katika Halmashauri ya Jiji la Dodoma. “Mfumo umesaidia kuongeza usiri wa taarifa za mgonjwa, kuweka kumbukumbu sahihi za taarifa za mgonjwa, kuongeza kiwango cha ukusanyaji mapato, kupunguza foleni na usumbufu usio wa lazima. Kwa mfano, katika Kituo cha Afya Makole tangu tumeanza kutumia mfumo wa GOTHOMIS kituo kilikuwa kinakusanya shilingi 12,000,000 kwa mwezi. Baada ya kuanza kutumia mfumo mapato yalipanda hadi shilingi 36,000,000 kwa mwezi. Hivyo, mfumo ulitusaidia sana kudhibiti upotevu mapato na kutoa huduma kwa wagonjwa wengi zaidi kwa sababu ya urahisi wa kutumia mfumo huu” alisema Fungo.

Wakati huohuo, alisema kuwa halmashauri imejipambanua sana kwenye matumizi ya TEHAMA kufikisha habari kwa wananchi. “Tunahakikisha sisi wenyewe tunakuwa mstari wa mbele kutoa elimu kwa wananchi kupitia mitandao ya kijamii. Mfano tovuti ya Halmashauri ya Jiji la Dodoma www.dodomacc.go.tz tumekuwa tukiweka habari na taarifa mbalimbali za maendeleo na utekelezaji wa miradi ya maendeleo iliyotekelezwa na inayoendelea kutekelezwa na mrejesho kutoka kwa wananchi. Pia tunazo kurasa za mitandao ya kijamii kama Instagram, Facebook na Youtube channel inayofahamika kama Dodoma City Tv” aliongeza.

Kitengo cha TEHAMA kina jukumu la kusimamia mifumo, miundombinu, data na vifaa vya TEHAMA katika uendeshaji wa shughuli za kila siku za Halmashauri ya Jiji la Dodoma.



MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more