Wizara yatakiwa kutoa msaada wa kisheria kwa wananchi

By Halmashauri ya Jiji la Dodoma

Na. Josephina Kayugwa, DODOMA

Wizara ya Katiba na Sheria yatakiwa kutekeleza kikamilifu msaada wa kisheria kwa wananchi kwa lengo la kutenda haki.

Rais wa Jamhuri ya Muungano wa Tanzania, Dkt. Samia Suluhu Hassan akiongea na mamia ya wanasheria na wananchi


Hayo yalisemwa na Rais wa Jamhuri ya Muungano wa Tanzania, Dkt. Samia Suluhu Hassan katika maadhimisho ya Siku ya Sheria nchini yaliyofanyika katika bustani ya mapumziko ya Chinangali yakiongozwa na kaulimbiu inayosema ‘Umuhimu wa dhana ya haki kwa ustawi wa Taifa, Nafasi ya Mahakama na wadau katika kuboresha Mfumo Jumuishi wa Haki Jinai’.

Rais, Dkt. Samia Suluhu Hassan alisema taasisi zote za kisheria zinatakiwa kushirikiana katika jambo la kutenda haki kwa jamii na kuimarisha mfumo wa haki hii ni kutokana na kucheleweshwa na mashauri ambayo yanatakiwa kutekelezwa mapema.

“Muda wa mashauri ya kimahakama unatakiwa kupunguzwa ili kuwapa nafasi wananchi kwaajili ya kuendelea kutekeleza mambo mengine ya kimaendeleo na majaji wote mnatakiwa kutokutoa hukumu za dhuluma. Na niwapongeza kwa kuwa na kuanza mwaka mpya wa Mahakama na kuwa na mfumo sahihi utakaowezesha kupunguza mashauri ya kesi mahakamani” alisema Rais, Dkt. Samia Suluhu Hassan.

Kwa upande wake Mwanasheria Mkuu wa Serikali, Jaji. Dkt. Eliezer Feleshi alisema viongozi wa serikali wanatakiwa kuzingatia miongozo ya kisheria iliyotolewa katika kutatua migogogro mbalimbali inayowakumba wananchi.

“Ofisi yangu kama Mwanasheria Mkuu wa Serikali ipo wazi kwa viongozi na wananchi kwaajili ya kupata masaada wa kisheria pamoja na elimu juu ya sheria na haki” alisema Jaji. Dkt. Feleshi.

Sambamba na hilo Rais wa Chama cha Wanasheria Tanganyika, Aloyce Sungusia alimpongeza Rais, Dkt. Samia Suluhu Hassan kwa kuweka kipaumbele katika mfumo wa haki jinai.

Alisema lengo la maadhimisho ya Siku ya Sheria ni kuboresha mahusiano mazuri kwa wadau wa sheria, kutoa huduma ya msaada wa kisheria kwa wananchi kutoa elimu ya haki jinai kwa umma.

“Tutaendelea kuhimiza utendaji haki kwa kila mwananchi ikiwemo kuwapa elimu kuhusu sheria na haki jinai na kuisaidia Serikali, Bunge na Mahakama” alisema Sungusia.

Maadhimisho ya Siku ya Sheria hufanyika Februari 1 ya kila mwaka.



MWISHO

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more