Wanasheria waanza mwaka mpya wa Mahakama

By Halmashauri ya Jiji la Dodoma

Na. Leah Mabalwe, DODOMA

Rais wa Jamhuri ya Muungano wa Tanzania, Dkt. Samia Suluhu Hassan alizindua rasmi mwaka mpya wa Mahakama 2024 na kuwatakia wanasheria wote kheri ya mwaka mpya wa mahakama ulioanza Februari 1, 2024.

Rais wa Jamhuri ya Muungano wa Tanzania, Dkt. Samia Suluhu Hassan akiwa katika picha ya pamoja na majaji wa Mahakama ya Rufaa

Kauli hiyo aliitoa katika kilele cha maadhimisho ya Siku ya Sheria nchini yaliyofanyika katika bustani ya mapumziko Chinangali jijini Dodoma.

“Tunaanza rasmi mwaka wa Mahakama na tunawakumbusha kuwa na mchango katika utendaji kazi kwa wadau wote wa Mahakama nchini, na nawakumbusha kufanya kazi kwa kuzingatia viapo vyenu vya utendaji kazi mlivyo viapa wakati wa kuanza kazi hii” alisema Dkt. Samia Suluhu Hassan.

Aidha, aliongezea kwa kuwapongeza watumishi wote wa Mahakama kwa kufanya kazi nzuri kwa kuendelea kutekeleza majukumu yao. “Nawapongeza sana waheshimiwa Mahakimu, wasajili wa mahakama kuu, majaji wa mahakama za rufaa na watumishi wote wa mahakama kwa namna ambavyo mnavyoendelea kutekeleza majukumu yenu, nawapongeza sana,” alisema Dkt. Samia Suluhu Hassan.

Kwa upande wake Jaji Mkuu wa Tanzania, Prof. Ibrahimu Juma ampongeza Rais wa Jamhuri ya Muungano wa Tanzania kwa kuendelea kudumisha mfumo wa utoaji haki jinai. “Jitihada zako za kuijenga Tanzania ya maendeleo na haki kwa jamii inayozingatia misingi ya uhuru, haki na undugu na amani, hata hivyo utashi wako umedhihirika pale ulipounda Tume ya Haki Jinai kuanzisha kwa kampeni ya msaada wa kisheria ni miongoni mwa jitihada zako za utashi wa kiserikali na kuimarisha mfumo wa utoaji haki” alisema Prof. Juma.

Maadhimisho ya Siku ya Sheria nchini hufanyika kila mwaka tarehe 1 Februari na kwa mwaka 2024 maadhimisho yalifanyika jijini Dodoma yakiongozwa na kaulimbiu ‘Umuhimu wa dhana ya haki kwa ustawi wa Taifa, nafasi ya Mahakama na wadau katika kuboresha Mfumo Jumuishi wa Haki Jinai’.

 

MWISHO

Comments

Post a Comment

Popular Posts

Mfumo wa Ufuatiliaji na Tathmini ni nyenzo ya utendaji kazi serikalini – Dkt. Biteko

By Halmashauri ya Jiji la Dodoma
Image
Na. Mwandishi Wetu, Naibu Waziri Mkuu na Waziri wa Nishati, Dkt. Doto Biteko, amehitimisha Kongamano la Nne la Kitaifa la Ufuatiliaji, Tathmini na Kujifunza lililofanyika jijini Mwanza akiweka mkazo kuwa mfumo wa ufuatiliaji na tathmini ni nyenzo muhimu katika kuhakikisha kuwa kila taasisi inatimiza wajibu wake kwa ufanisi na hivyo kufikisha huduma bora kwa wananchi. Kutokana na hilo, Dkt. Biteko amewataka Wataalam wa Ufuatiliaji na Tathmini nchini kufanya kazi kwa uaminifu na uadilifu bila kuogopa kuchukiwa kwani taifa linawategemea ili kuweza kutoa huduma bora kwa wananchi. “Hakuna mtu au taasisi inayoweza kufanikisha majukumu yake bila kufanya tathmini, ninyi ndio mnaoweza kutambua changamoto mapema na kuzitafutia suluhisho kabla hazijawa kubwa, taasisi yoyote inayokosa mfumo huu inafanana na timu inayoingia uwanjani bila refa..” alisema Dkt. Biteko. Alitoa mfano kuwa katika sekta ya umeme, kabla ya kupeleka huduma hiyo eneo lolote lazima tathmni ifanyike ili kuepuka kurudia...
Read more

JIJI LA DODOMA KUPELEKA MIL 50 ZAHANATI YA KIKUYU

By Halmashauri ya Jiji la Dodoma
Image
Na. Dennis Gondwe, KIKUYU KASKAZINI SERIKALI kupeleka shilingi milioni 50 kukamilisha jengo la wodi ya wazazi katika Zahanati ya Kikuyu iliyopo Halmashauri ya Jiji la Dodoma kwa lengo la kuwafikishia huduma za afya wananchi. Mbunge Anthony Mavunde Kauli hiyo ilitolewa Mbunge wa Jimbo la Dodoma mjini, Anthony Mavunde alipokuwa akiongea na mamia ya wananchi wa Kata ya Kikuyu Kaskazini waliojitokeza kushiriki zoezi la usafi wa mazingira na upandaji miti kuzunguka Zahanati ya Kikuyu. Mavunde alisema “Mheshimiwa Mkuu wa Wilaya ya Dodoma jengo unaloliona kushoto kwako ni jitihada zangu mimi na diwani wa hapa. Habari njema ni kwamba kabla ya Jumatano wiki ijayo tunaingiza shilingi milioni 50 ambazo zitakwenda kukamilisha jengo hilo. Na nategemea mwezi Oktoba mwaka huu kina mama wataanza kuhudumiwa katika wodi ya wazazi”. Akiongelea historia ya jengo hilo, alisema kuwa mwaka 2020 aliwaahidi wananchi wa kata hiyo kujengewa wodi ya wazazi. “Nilikuja hapa nikiwa na Diwani Mwansasu nikakut...
Read more

Waziri Mkuu Mgeni Rasmi NBC Dodoma Marathon 2023

By Halmashauri ya Jiji la Dodoma
Image
  Dodoma, Julai 19, 2023 – Waziri Mkuu wa Jamuhuri ya Muungano wa Tanzania mheshimiwa Kassim Majaliwa, anatarajiwa kuwa Mgeni Rasmi katika mbio za NBC Dodoma Marathon 2023 zinazotarajiwa kufanyika siku ya Jumapili tarehe 23 Julai 2023. Mbio za mwaka huu zinalenga kukusanya jumla ya shilingi milioni 500. Fedha hizo zitatumika kusaidia kupambana na kansa ya shingo ya kizazi pamoja na kutoa ufadhili wa masomo kwa wakunga ikiwa ni sehemu ya kusaidia kuongeza wataalamu ili kupunguza vifo vya uzazi. Akizungumza na waandishi wa habari ofisini kwake jijini Dodoma kuhusu maandalizi ya mbio hizo zilizojizolea umaarufu mkubwa na ambazo zinafanyika kwa mara ya nne mfululizo mwaka huu, mkuu wa mkoa wa Dodoma Rosemary Senyamule alisema mkoa umejipanga vyema kuwapokea wakiambiaji na wageni wote wataoshiriki. “Kwanza kabisa napenda kuishukuru benki ya NBC kwa kuandaa mbio hizi zenye faida kubwa kwetu kama nchi. Pili niwahakikishie washiriki wote kuwa sisi kama mkoa wa Dodoma tumejipanga vy...
Read more