Wanasheria watakiwa kufuata misingi ya Uadilifu

By Halmashauri ya Jiji la Dodoma

Na. Arafa Waziri, DODOMA

Rais wa Jamhuri ya Muungano wa Tanzania, Dkt. Samia Suluhu Hassan aliwataka wanasheria nchini kufanya kazi kwa kufuata misingi ya uadilifu na kutenda haki.

 

Dkt. Samia Suluhu Hassan akiongea katika maadhimisho ya Siku ya Sheria nchini

Aliyasema hayo katika kilele cha maadhimisho ya Siku ya Sheria nchini yaliyofanyika jijini Dodoma na kuwataka wanasheria wote nchini kufanya kazi kwa uadilifu mkubwa na kutenda haki kwa wananchi. “Mnalazimika kusimama katika misingi ya dini pamoja na Katiba ya Tanzania. Mna dhima mbinguni na Duniani kwahiyo, mna wajibu wa kutenda haki ili kuweka amanikwa wananchi” alisema Dkt. Hassan

Lakini pia aliwapongeza wanasheria kuendelea kufanya kazi ya kusaidia wananchi kupata haki na kuwasisitiza kuwa na ushirikiano baina yao ili kubaini mapungufu yaliyopo na kuchukua hatua kwa pamoja. “Niwapongeze kwa namna mnavyoendelea kutimiza

majukumu yenu na hii ni ushahidi tosha kwamba mnafanya kazi kubwa na kwamba Mahakama inakwenda na mabadiliko kutoka hatua moja kwenda nyingine” alisema Dkt. Hassan.  

Pia alisema kuwa katika kuendelea kutekeleza Ilani ya Uchaguzi ya Chama Cha Mapinduzi serikali imeeendelea kuweka mazingira mazuri kwa kushirikiana na Mahakama ili kuongeza ufanisi katika kutoa haki kwa wananchi.

“Serikali kwa upande wetu tunaendelea na mkakati wa namna ya kuteleza Ilani ya CCM kwa kuongeza wigo mpana katika kutatua sheria lengo likiwa ni kuongeza ufanisi kwa kuongeza idadi ya watenda kazi wa Mahakama ili kupunguza mrundikano wa kesi” alisema.

Nae Jaji Mkuu wa Tanzania, Prof. Ibrahim Juma alimshukuru Rais, Dkt. Samia Suluhu Hassan kwa kuendelea kutoa mchango mkubwa katika Mahakama, huku akiahidi kuwa wataendelea kutoa mchango mkubwa katika kuweka haki na uadilifu. Vilevile, alitoa wito kwa wadau wa sheria kuendelea kuungana kutoa ushirikiano lengo ni kuwa na haki katika jamii. “Maboresho ya miundombinu katika Tehama yamesaidia kupunguza mrundikano wa kesi na tuhaahidi kuwa tutaendelea kufanya kazi kwa ufanisi mkubwa na tunaomba wadau wengine wa sheria waendelee kujitokeza na kutoa ushirikiano ili kuhakikisha utendaji wa Mahakama unakuwa na matokeo kwa jamii” alisema Prof. Juma.

 


Siku ya Sheria nchini ilihitimishwa jijini Dodoma ikiwa na kaulimbiu isemayo ‘Umuhimu wa dhana ya haki kwa ustawi wa taifa, nafasi ya Mahakama na wadaau katika kuboresha Mfumo Jumuishi wa Haki Jinai’

 

                                    MWISHO

 

 

 

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Vijana waalikwa kushiriki Kongamano S/M Mbwanga

By Halmashauri ya Jiji la Dodoma
Image
Na. Mwandishi Wetu Vijana wa Halmashauri ya Jiji la Dodoma wametakiwa kujitokeza na kushiriki kongamano la vijana la Mwenge wa Uhuru Mwaka 2025 lenye lengo la kutoa elimu kuhusiana na fursa mbalimbali za kiuchumi zilizopo nchini. Mwenyekiti wa Kamati ya Kongamano la Vijana katika mbio za Mwenge wa Uhuru Mwaka 2025, Abeid Msangi Kauli hiyo ilitolewa na Mwenyekiti wa Kamati ya Kongamano la Vijana katika mbio za Mwenge wa Uhuru Mwaka 2025, Abeid Msangi akiongelea maandalizi ya kongamano hilo litakalofanyika katika Shule ya Msingi Mbwanga iliyopo Halmashauri ya Jiji la Dodoma. Alisema kuwa kongamano hilo limeandaliwa kwa ajili ya vijana wa Halmashauri ya Jiji la Dodoma. “Nichukue nafasi hii kuwahamasisha vijana wa Jiji la Dodoma kujitokeza kwa wingi katika kushiriki kongamano hilo. Kongamano hilo linalenga kuwajenga vijana kuwa wazalendo, kuifahamu historian a falsafa ya Mwenge wa Uhuru. Pia tutatoa elimu kwa vijana kuhusiana na umuhimu wa kushiriki Uchaguzi Mkuu wa Mwaka 2025 kwa aman...
Read more