Wazazi Chamwino washauriwa kutenga muda kuzungumza na watoto

By Halmashauri ya Jiji la Dodoma

 Na. Dennis Gondwe, CHAMWINO

WAZAZI na walezi katika Wilaya ya Dodoma wameshauriwa kutenga muda wa kukaa na kuongea na watoto wao ili waweze kubaini changamoto zinazowakabili ikiwemo kufanyiwa vitendo vya ukatili wa kijinsia.

Cpl. Edith Siwango kutoka Dawati la Jinsia na Watoto wa Jeshi la Polisi Wilaya ya Dodoma alipokuwa akiongea na wanafunzi, walimu na wadau wa Lishe katika Shule ya Msingi Chamwino


Ushauri huo ulitolewa na Cpl. Edith Siwango kutoka Dawati la Jinsia na Watoto wa Jeshi la Polisi Wilaya ya Dodoma alipokuwa akiongea na wanafunzi, walimu na wadau wa masuala ya Lishe katika Shule ya Msingi Chamwino iliyopo Kata ya Chamwino Halmashauri ya Jiji la Dodoma.

Cpl. Siwango alisema “tupo hapa kwa ajili ya kuwalinda watoto wetu. Wazazi na walezi mlio hapa nawaomba mtenge muda wa kuzungumza na watoto wenu. Mazungumzo hayo yatawasaidia kuwaelewa watoto wenu. Watoto wamekuwa wakipitia changamoto mbalimbali zinazohusisha ukatili wa kijinsia na kushindwa kuwaeleza wazazi na walezi kwa sababu hawana muda wa kukaa na kuwasilikiza watoto. Matokeo yake mtoto anafanyiwa vitendo vya ukatili wa kijinsia kwa muda mrefu na kumsababishia madhara. Baadhi ya wazazi wamekuwa na tabia ya kuwachapa watoto kupitiliza. Kuwachapa watoto siyo suluhisho, kuongea nao na kuwaelimisha ndiyo suluhu. Kumuelekeza mtoto ndiyo suluhu kwa maisha ya sasa. Kama unataka mtoto wako awe msikivu ongea nae, tusiwaachie walimu peke yao, tukiongea nao watatueleza changamoto zao hasa masuala ya vitendo vya ukatili wa kijinsia” alisema Cpl. Siwango.

Aidha, aliwataka watoto kuwa wasikivu na kufuata yale wanayoelekezwa na wazazi na walimu ili waweze kuwa raia wema. “Napenda kuongea nanyi wanafunzi, mnatakiwa kuwa wasikivu na wenye adabu kwa walimu, wazazi na jamii inayowazunguka. Mnapoelekezwa au kukatazwa jambo kwa manufaa yenu mnatakiwa kusikiliza. Watoto wenye adabu na heshima hata kwenye masomo yao hufanya vizuri na kufaulu na kila mtu anampenda mtoto mwenye adabu na heshima” alisema Cpl. Siwango.

Akiongelea suala la Lishe, aliwashauri wanafunzi kuzingatia mafundisho ya lishe wanayopewa shuleni. “Leo tupo hapa kwa ajili ya kuhamasisha mazoezi na lishe bora, ni vizuri mkazingatia masuala ya lishe hasa kilimo cha bustani ya mbogamboga ili zitumike kwa ajili ya mboga na kuboresha hali ya lishe katika jamii. Nendeni mkalime bustani za mbogamboga nyumbani ili kujihakikishia lishe bora” alisema Cpl. Siwango.

Zoezi la kusia mbegu za mboga katika Shule ya Msingi Chamwino lilitanguliwa na mbio za baiskeli zilizolenga kuhamaisha afya bora dhidi ya magonjwa yasiyo ya kuambuza na kuchochea masuala ya lishe bora kwa jamii.



MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more