TIMU YA WATUMISHI JIJI LA DODOMA YAIBUKA KIDEDEA KWA KUBEBA VIKOMBE 5 SHIMISEMITA TAIFA

By Halmashauri ya Jiji la Dodoma

Na. Dennis Gondwe, DODOMA

TIMU ya Watumishi ya Halmashauri ya Jiji la Dodoma iliyoshiriki michezo ya Shirikisho la Michezo Serikali za Mitaa (Shimisemita) ilikuwa tishio kwa kushinda michezo yote mpaka fainali na kuzoe vikombe vitano.


Katibu wa Timu ya Watumishi Jiji la Dodoma, Emma Ernest alipokuwa akisoma taarifa fupi ya michezo ya Shimisemita

Kauli hiyo ilitolewa na Katibu wa Timu ya Watumishi Jiji la Dodoma, Emma Ernest alipokuwa akisoma taarifa fupi ya michezo ya Shimisemita ngazi ya taifa mwaka 2023 kwa Mkurugenzi wa Jiji la Dodoma katika hafla fupi ya kukabidhi vikombe walivyoshinda katika mashindano ya michezo ya Shimisemita katika ukumbi wa mikutano wa jiji hilo.

Ernest alisema “katika michezo yote timu yetu ilikua ni tishio katika mashindano kwasababu michezo yote tuliyocheza hatukuwahi kufungwa hata mechi moja, tulishinda mechi zote kutoka hatua ya mzunguko mpaka fainali.  Timu ya mpira wa miguu ndiyo iliishia robo fainali kwa kutolewa na timu ya Halmashauri ya Wilaya ya Mlimba kutokana na wachezaji wengi kuwa majeruhi”.

Alisema kuwa katika mashindano hayo halmashauri hiyo iliweza kushiriki michezo yote pamoja na changamoto ya uchache wa wachezaji. “Wachezaji walijituma kwa moyo wote na kuweza kushinda michezo yote na Jiji la Dodoma kuibuka kidedea mshindi wa jumla kwenye michezo ya Shimisemita mwaka 2023 na kuipeperusha bendera ya Jiji la Dodoma ipasavyo. Pamoja na hayo Daktari Bora wa mashindano aliyeokoa maisha ya wachezaji wote alitoka katika halmashauri yetu ambae ni Dr. Baraka F. Edwin” alisema Ernest.

Timu ya watumishi wa Jiji la Dodoma ilishiriki michezo ya mpira wa miguu, mpira wa pete, mpira wa wavu, mpira wa mikono, pooltable, draft, darts, ngoma, karata na riadha. “Ikiwa na jumla ya wachezaji 40, Daktari 2, Kocha 2, Dereva, Timu Meneja, Katibu, Mwenyekiti, Afisa utumishi na Mlezi wa Timu. Tunamshukuru Mkurugenzi wa Jiji la Dodoma kwa juhudi na jitihada alizozionesha kwa wachezaji kwa kuwatia moyo na kuwawezesha kushiriki mashindano tukiwa na afya njema, tabasamu la ushindi lililopelekea kurudi na ushindi mnono huku tukiziangusha Halmashauri 69, tunakupongeza sana mwajiri wetu na tunaimani na wewe uzidi kututia moyo ili bendera ya Jiji la Dodoma ipepee kwa shagwe kwa kila sekta ndani na nje ya nchi yetu” alisema Ernest.

Mashindano ya Shimisemita yalianza tarehe 18-30 Oktoba, 2023 na timu ya watumishi wa Dodoma Jiji iliibuka mshindi wa jumla kwa kunyakua makombe matano, wanawake nafasi ya mshindi wa kwanza katika mpira wa pete, wavu, na mikono, huku wanaume wakishika nafasi ya pili mpira wa mikono na medali nne (mbili pooltable, moja draft na moja kurusha tufe) huku daktari bora wa mashindano aliyeokoa maisha ya wachezaji wote alitoka Jiji la Dodoma.



MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more