RAIS, DKT. SAMIA ATOA FIDIA YA BILIONI 4.5 KWA WAKAZI DODOMA

By Halmashauri ya Jiji la Dodoma

Na. Queen Peter, DODOMA

WAZIRI wa Ardhi, Nyumba na Maendeleo ya Makazi, Jerry Silaa amesema wananchi takribani 496 wa Jiji la Dodoma watapatiwa fidia ya kiasi cha Tsh. Bil. 4.5 ambazo tayari zimetolewa na Rais, Dkt. Rais, Dkt. Samia Suluhu ili  kulipa wananchi waliotwaliwa maeneo yao kwa ajili ya uendelezaji wa Jiji hilo.

Waziri wa Ardhi, Nyumba na Maendeleo ya Makazi, Jerry Silaa (kushoto) akiongea na Waziri wa Madini, Anthony Mavunde (kulia) katika Kliniki ya Ardhi jijini Dodoma


Waziri Silaa alisema hayo wakati wa zoezi la utatuzi wa migogoro ya Ardhi linaloendelea  katika uwanja wa Ofisi ya Ardhi Mkoa wa Dodoma alipofika hapo kwa lengo la kuongea na wananchi ikiwemo kukabidhi hati kwa baadhi ya wananchi.

Waziri Silaa ameongeza kuwa wananchi watakao lipwa fidia hiyo ni wale ambao viwanja vyao vilitwaliwa kimakosa na kuzua malalamiko mengi hivyo hiyo ni hatua muhimu ya kutatua kero ya muda mrefu kwa wananchi hao.

Aidha, aliwataka watumishi wa Wizara ya Ardhi, Nyumba na Maendeleo ya Makazi na Ofisi ya Mkurugenzi wa Halmashauri ya Jiji la Dodoma wanaoshiriki katika Kliniki ya Ardhi kuhakikisha wanatatua migogoro yote ya Ardhi inayowakabili wananchi.

“Mheshimiwa Rais, ameelekeza tutatue changamoto za Ardhi zinazowakabili wananchi hivyo, hii ni kazi muhimu muifanye kwa uadilifu”. Alisema Waziri Silaa.

Kwa upande wake Mbunge wa Jimbo la Dodoma mjini na Waziri wa Madini, Anthony Mavunde alitoa pongezi kwa Wizara ya Ardhi, Nyumba na Maendeleo ya Makazi na Jiji la Dodoma kwa kutoa huduma nzuri kwa wananchi wa Dodoma.

Aidha Mavunde, alishauri kuwa baada ya kufanikiwa kwa kliniki hiyo watumishi watoke ofisini na kutembelea kata kwa kata kutatua migogoro ya Ardhi wakiwa uwandani.

Kliniki ya Ardhi ilianza tarehe 4 na itaendelea hadi tarehe 20 Novemba, 2023 itahudumia kata zote 41 za Halmashauri ya Jiji la Dodoma na kutatua migogoro ya Ardhi, kutoa hati milki na elimu ya masuala ya sheria ya Ardhi.

MWISHO

Comments

Post a Comment

Popular Posts

Global Affairs Canada yafurahishwa na utekelezaji wa Mradi wa AHADI katika Kata ya Chamwino

By Halmashauri ya Jiji la Dodoma
Image
  Kata ya Chamwino, imepokea ugeni kutoka Global Affairs Canada ukiongozwa na Mary Harasym aliyeambatana na Zahra Popatia ambao ni wafadhili wa mradi wa AHADI na kueleza kuridhishwa na utekelezaji wa mradi huo. Lengo la ziara hiyo ni kufanya tathimini na kujionea kwa macho namna mradi unavyotekelezwa hususan utoaji wa elimu kuhusu maswala ya Afya ya uzazi kwa vijana wa Kata ya Chamwino. Kwa upande ‘Promoter’ wa mradi, Khadija Ally alitoa maelezo ya kina kuhusu shughuli zinazofanyika na mafanikio yaliyopatikana kwa vijana kushiriki kwenye mafunzo yenye lengo la kuwajengea uwezo wa kufanya maamuzi sahihi kuhusu maswala Afya ya uzazi, kujikinga dhidi ya mimba zisizotarajiwa na kuwa na mipango bora ya maisha ya baadae pamoja na kuwajengea uwezo wa kuwa na shughuli za kuingiza kipato. Afisa Mtendaji wa Kata ya Chamwino, kwa niaba ya Diwani aliwashukuru wageni hao kwa kuitembelea Kata ya Chamwino na kusema kuwa mradi wa AHADI ni kielelezo kizuri cha ushirikiano baina ya kata yake...
Read more

Umeme wa REA chachu ya viwanda vidogo vidogo Kata ya Ipala

By Halmashauri ya Jiji la Dodoma
Image
Na. John Masanja, IPALA Awamu ya kwanza ya umeme wa Wakala wa Nishati Vijijini (REA) umechochea shughuli za maendeleo na kuinua uchumi wa wananchi katika Kata ya Ipala, Halmashauri ya Jiji la Dodoma. Kauli hiyo ilitolewa na Diwani wa Kata ya Ipala, George Magawa wakati akizungumza na waandishi wa habari waliofanya ‘media tour’ kutembelea miradi ya maendeleo iliyotekelezwa na serikali katika kata hiyo kuanzia mwaka 2021 hadi 2025. Alisema kuwa serikali ya awamu ya sita imepeleka huduma ya umeme katika Kata ya Ipala. “Kata yetu imefikiwa na awamu ya kwanza ambayo ina faida nyingi sana. Wananchi wanafanya shughuli mbalimbali zinazojumuisha matumizi ya umeme kwa kiwango kikubwa na naamini kwa siku za usoni hapa kwetu kutakuwa mtaa wa viwanda vya aina tofauti” alisema Magawa. Nae mkazi wa Kata ya Ipala, Mathias Masita aliishukuru serikali kwa kuwapelekea umeme kwasababu maisha yao yamebadilika na wanafanya shughuli zinazohusisha umeme kwa kiwango kikubwa. “Mradi wa REA umetunufaisha s...
Read more

Shilingi Bilioni 7 zatekeleza miradi ya maendeleo Kata ya Miyuji

By Halmashauri ya Jiji la Dodoma
Image
Na. Coletha Charles, MIYUJI Diwani wa Kata ya Miyuji, Beatrice Ngerangera, ameipongeza serikali ya awamu ya sita inayoongozwa na Rais, Dkt. Samia Suluhu Hassan kwa kutoa zaidi ya shilingi bilioni saba kutekeleza miradi ya maendeleo katika kata yake na kusema kuwa miradi hiyo imebadilisha maisha ya wananchi na kuyafanya kuwa bora zaidi. Kauli hiyo aliitoa alipokuwa akiongea na waandishi wa habari baada ya kutembelea miradi ya maendeleo iliyotekelezwa katika Kata ya Miyuji kwa kipindi cha mwaka 2021-2025 na serikali. Alisema kuwa serikali imetoa kipaumbele kwa miradi ya Kata ya Miyuji kwa ajili ya kuboresha maisha ya wananchi. “Katika kipindi cha miaka minne, kata yetu ya Miyuji imenufaika na miradi yenye thamani ya zaidi ya shilingi bilioni 7. Hii ni pamoja na ujenzi wa shule ya sekondari yenye miundombinu kamili kuanzia ‘O-Level’ hadi ‘A-Level’, ikiwa na mabweni na nyumba za walimu. Gharama yake ni shilingi 544,000,000 kutoka serikali kuu kupitia SEQUIP” alisema Diwani Ngerangera. ...
Read more