CD KAYOMBO AIPONGEZA TIMU YA SHIMISEMITA JIJI LA DODOMA KUZOA VIKOMBE 5 TAIFA

By Halmashauri ya Jiji la Dodoma

Na. Dennis Gondwe, DODOMA

MKURUGENZI wa Halmashauri ya Jiji la Dodoma, John Kayombo ameipongeza timu ya watumishi wa jiji hilo iliyoshiki michezo ya Shirikisho la Michezo Serikali za Mitaa (Shimisemita) kitaifa kwa kuibuka mshindi wa jumla ikizoa jumla ya vikombe vitano.

Mkurugenzi wa Jiji, John Kayombo akiinua juu kombe la ushindi wa jumla mashindano ya SHIMISEMITA. Kulia ni Mkuu wa Divisheni ya Utumishi na Rasilimali watu, Francis Kilawe akishuhudia tukio hilo


Kayombo alisema hayo katika hafla fupi ya kukabidhiwa makombe ya Shimisemita katika ukumbi wa mikutano wa Jalmashauri ya Jiji la Dodoma.

“Niseme machache, kwanza nawapongeza kwa hatua hii. Haya makombe matano siyo mchezo, kuna halmashauri zimekuja siku ya kwanza ya pili zikaondolewa. Mimi haya makombe matano ninatamba nayo mjini, maana yake kazi mliyofanya siyo ndogo, hongereni sana. Niwatie moyo mwakani tupo pamoja kwa utimamu zaidi” alisema Kayombo.

Aidha, aliitaka timu ya mpira wa miguu ya watumishi wa Jiji la Dodoma kufuata nyayo za timu ya mpira wa miguu ya Dodoma Jiji. “Wale wa mpira wa miguu, haya masuala ya kusema kulikuwa na majeruhi hapana, jipangeni vizuri msimu ujao mlete kikombe. Nyie mna ‘facility’ zote hapa mjini na mna timu ya Dodoma Jiji Football Club ambayo ipo nafasi ya nne ligi kuu. Lazima mfuate nyayo za timu ya mpira ya Dodoma Jiji” alisema Kayombo kwa msisitizo.

Mkurugenzi huyo aliitaka timu hiyo kuendelea kufanya mazoezi kujiwinda na michuano hiyo mwakani. “Niwashauri endeleeni kufanya mazoezi, msisubiri hadi mwakani mashindano yakikaribia ndiyo muanze kufanya mazoezi. Mwisho wa mashindano ndiyo mwanzo wa maandalizi ya mashindano yajayo” alisema Kayombo.

Akisoma taarifa fupi ya michezo ya Shimisemita ngazi ya Taifa mwaka 2023 Katibu wa Timu ya Watumishi Jiji la Dodoma, Emma Ernest alisema kuwa timu ya watumishi wa Jiji la Dodoma ni miongoni mwa halmashauri 70 zilizoshiriki mashindano hayo. “Timu ya watumishi ya Dodoma Jiji ilishiriki mchezo ifuatayo mpira wa miguu, pete, wavu, mikono pooltable, draft, darts, ngoma, karata na riadha. Katika mashindano hayo timu ya Jiji la Dodoma ilishiriki michezo yote na kuweza kushinda michezo yote ambapo ilipelekea Jiji la Dodoma kuibuka kidedea mshindi wa jumla kwenye michezo ya Shimisemita mwaka 2023 na kupeperusha bendera ya Jiji la Dodoma ipasavyo” alisema Ernest kwa furaha.



Mashindano ya Shimisemita yalianza tarehe 18-30 Oktoba, 2023 na timu ya watumishi wa Dodoma Jiji iliibika mshindi wa jumla kwa kunyakua makombe matano, wanawake nafasi ya mshindi wa kwanza katika mpira wa pete, wavu, na mikono, huku wanaume wakishika nafasi ya pili mpira wa mikono na medali nne (mbili pooltable, moja draft na moja kurusha tufe) huku daktari bora wa mashindano aliyeokoa maisha ya wachezaji wote alitoka Jiji la Dodoma.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more