MEYA AKEMEA UZALISHAJI MIGOGO JIJI LA DODOMA

By Halmashauri ya Jiji la Dodoma

Na. Dennis Gondwe, DODOMA

MSTAHIKI Meya wa Halmashauri ya Jiji la Dodoma, Prof. Davis Mwamfupe amekemea tabia ya uzalishaji migogoro ya ardhi na kusema inarudisha nyuma maendeleo ya halmashauri.

Mstahiki Meya wa Halmashauri ya Jiji la Dodoma, Prof. Davis Mwamfupe


Prof. Mwamfupe alisema hayo alipokuwa akitoa muhtasari wa hoja zilizoibuliwa katika Mkutano wa Chama wa Mwaka wa Baraza la Madiwani uliofanyika katika ukumbi wa mikutano wa Halmashauri ya Jiji la Dodoma.

Alisema “tunakemea watu wote wanaojihusisha na kuzalisha migogoro katika Halmashauri ya Jiji la Dodoma. Na katika hili Mkurugenzi wa Jiji, watumishi wachukue nafasi zao na kwamba tutasimama kuhakikisha hatuibui migogoro mingine ya ardhi. Yapo maeneo madiwani wake wametuhumiwa kuhusika na migogoro ya ardhi. Rai ya kikao ilikuwa hawa wajitokeze tufanye nao mkutano wa Pamoja Meya, Mkurugenzi wa Jiji na Mkuu wa Divisheni ya Uendelezaji Makao Makuu. Mkutano huo ni wa kuwataka kutoa picha ya muelekeo wao na jinsi wanavyoifahamu hiyo migogoro na wengine watatupa muelekeo zaidi juu ya migogoro hiyo”.

Eneo lingine la msisitizo alilitaja kuwa ni kufungua barabara za mitaa ili ziweze kupitika kabla ya msimu wa mvua.

Mstahiki Meya alisema kuwa eneo lingine lililosisitizwa ni kusimamia mapato ya halmashauri. “Kuhakikisha tunaenda kusimamia mapato ya halmashauri kikamilifu ili tuweze kukamilisha miradi tuliyojipangia. Pia miradi viporo katika kata zote ikamilike kwa mujibu wa bajeti” alisema Prof. Mwamfupe.

Msisitizo mwingine ni kupunguza upungufu wa wafanyakazi wa kada za elimu na afya wa maeneo ya pembezoni na wananchi waliotwaliwa maeneo yao waweze kulipwa fidia. “Katika hili tunatambua baadhi ya malipo yanatoka serikali kuu, lakini yale malipo yanayotoka halmashauri yalipwe” alisema Prof. Mwamfupe.

MWISHO.

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more