MENEJIMENTI YA TANESCO YARIDHISHWA NA UJENZI WA MRADI WA BWAWA LA KUFUA UMEME WA JULIUS NYERERE (JNHPP)

By Halmashauri ya Jiji la Dodoma

 

Na Neema Mbuja, Rufiji

Timu ya Menejimenti ya Shirika la Umeme Tanzania (Tanesco) imetembelea mradi wa Bwawa la Julius Nyerere JNHPP huku ikieleza madhumuni ya ziara hiyo ikiwemo kufanya tathimini ya mwenendo wa ujenzi wa mradi unaokaribia asilimia 91 ifikapo Agosti mwishoni.

Lengo jingine la ziara hiyo ni kuangalia mwenendo wa ujenzi wa mradi na tathimini ya hali ya mvua za vuli zinazotarajiwa kunyesha kati ya Oktoba hadi Disemba kama ilivyotangazwa na Mamlaka ya Utabiri wa Hali ya Hewa Tanzania (TMA).Timu hiyo imeongozwa na Mkurugenzi mkuu wa Tanesco Maharage Chande.

Akizungumza na waandishi wa habari, Chande amesema maendeleo ni mazuri hadi Julai tulifikia asilimia 90 na tunatarajia mwishoni mwa Agosti tutafikia asilimia 91 huku akiwapongeza wahandisi na wafanyakazi wa shirika hilo wanaosimamia mradi huo.



 

Amesema ukamilikaji wa mradi huu utatuwezesha kushinda mashindano haya kwa kuwa na umeme wa uhakika utakaokidhi mahitaji ya uchumi. Amesema timu ya menejimenti ya Tanesco imani kukamilika mradi huo utakuwa na mchango mkubwa wa kuondoa cngamoto ya upungufu wa umeme unaojitokeza katika miezi ya Oktoba na Desemba.

“Mambo yanakwenda na huenda upungufu wa umeme ukawa historia huko tunakokwenda, tutaongeza umakini katika utekelezaji wake,” amesema Maharage.

Kwa mujibu wa Chande kumekuwa na ongezeko la mahitaji ya umeme hafi kufikia megawati 1,482.7 mwezi huu kutoka megawati 1,354 za mwaka 2022.

Ameifananisha hatua hiyo na mashindano makubwa ya kutumia umeme kutokana na mahitaji huku Tanesco ikiongeza uzalishaji ili kukidhi mahitaji kwa Watanzania.

Hali kadhalika pia Chande amesema timu ya menejimenti ya Tanesco imetembelea mradi huo kwa ajili ya kufanya tathimini kuhusu mvua zitakazonyesha miezi inayokuja.

” Endapo utabiri huo utakwenda kama ulivyopangwa basi bwawa hilo litajaa kwa haraka zaidi.Zikinyesha kama ilivyotarajiwa itakuwa heri, lakini zikiongezeka tumejiandaa kwa kuweka mipango itakayohakikisha kazi za mradi zinaendelea pasipo kupata changamoto,

Katika kuwaanda mapema wataalamu watakaoendesha mradi huo, Maharage amesema tayari wameshaongeza wafanyakazi zaidi ya 24 kwa ajili ya kujiandaa kuendesha mchakato huo utakapokamilika.

Amefafanua kuwa ili mradi huo uanze kufanya kazi unahitaji wafanyakazi 221 watakaouendesha pindi utakaokamilika, akisema kwa sasa jumla wapo zaidi ya 90 na watakuwa na wakiwapeleka kwa awamu kulingana na mradi utakapofikia.

Chande amesema jumla watumishi 221 wanahitajika kuendesha mradi huo, lakini hawatapelekwa kwa wakati mmoja, bali kwa makundi yatakayoenda kwa wakati husika

.Amesema kundi lililopo sasa hivi linahusika na utalaamu wa uhandisi mitambo ya umeme.

“Kutakuwa na wafanyakazi madaktari, walimu wa shule za awali, wahasibu. Tutaendelea kuongeza wafanyakazi kwa makundi kulingana na hatua ya ujenzi wa mradi utakapofikia,

Mkurugenzi wa Fedha wa shirika hilo, Renatha Ndege amesema menejimenti ya shirika hilo imeamua kutembelea mradi huo ili kuangalia mwenendo wa utekelezaji wake, akisema ukikamilika Juni mwakani utakuwa mkombozi mkubwa kwa Watanzania.

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more