Wenyeviti Serikali za Mitaa Hombolo Bwawani wapewa mafunzo huduma ndogo za kifedha

By Halmashauri ya Jiji la Dodoma

Na. Rehema Kiyumbi, HOMBOLO BWAWANI

Dawati la Uwezeshaji Wananchi Kiuchumi Halmashauri ya Jiji la Dodoma latoa elimu kwa wananchi wa Kata ya Hombolo Bwawani juu ya matumizi ya fedha na kuweka akiba kwa lengo la kujikwamua kiuchumi.

Akizungumza na wananchi wa kata hiyo, Mratibu wa Dawati la Uwezeshaji Wananchi Kiuchumi Halmashauri ya Jiji la Dodoma, Hidaya Abdallah alisema kuwa elimu ya huduma za kifedha ni muhimu kwa wananchi ili kuweza kufahamu namna ya kufanya matumizi na kuweka akiba.

Alisema kuwa kikao hicho kimewahusisha wenyeviti wa serikali za mitaa kwasababu ndio viongozi wa karibu na wananchi. “Hii elimu ya huduma za fedha, tunayowaletea ni mahsusi kwenu kwasababu itawasaidia kufanya maamuzi sahihi wakati wa matumizi. Lakini pia, katika kutunza na kuweka akiba. Huduma ndogo za mikopo ya fedha, mikopo ya vitu na vifaa mbalimbali, mikopo ya nyumba, elimu ya ujasiriamali pamoja na huduma za bima ya afya na bima ya mali ni muhimu kufahamu ili kuwa katika mazingira salama ya kupata au kutoa huduma bora muda wote” alisema Abdallah.

Aliendelea kusema kuwa katika eneo la sera, sheria na kanuni za huduma ndogo za fedha kuna umuhimu wa wananchi kuzifahamu huku akitaja kuwa benki, wakopeshaji binafsi, watoa huduma ndogo za fedha kwa njia ya kidigitali, vyama vya ushirika wa akiba na mikopo (SACCOS) na vikundi vya kijamii kama VSL, SILC na VICOBA ni moja ya watoa huduma ndogo za fedha wanaweza kuwatumia ili kukuza uchumi na biashara zao.


Akizungumza katika kikao hicho, alisema kuwa moja ya umuhimu wa sera hizo ni kumlinda mtumiaji na kuwawezesha wananchi kujiwekea akiba na kupata mikopo nafuu kwa ajili ya kuendesha shughuli mbalimbali za kiuchumi ili kujikwamua na umasikini.

Aliongeza kuwa pamoja na uwezeshaji bado kuna changamoto wanakutana nazo. “Hata hivyo, mbali na uwezeshaji na usajili kutoka kwa wawezeshaji, bado kumekuwa na changamoto katika usajili kwa wananchi kuwa na hofu ya kupoteza mapato hali inayopelekea kupotea kwa uhuru wa kujiendesha kwa baadhi ya vikundi kuona kuwa kusajiliwa kutawalazimisha kufuata masharti ya serikali na kupoteza uhuru wao wa ndani. Naendelea kuwaasa ninyi viongozi na maafisa maendeleo kuendelea kuwapa elimu wananchi na kuwasilisha chagamoto zao ili ziweze kutatuliwa” aliongeza Abdallah.

Mwenyekiti wa Mtaa wa Msisi, Yoram Magomba alieleza faida alizopata kwenye mafunzo hayo. “Nashukuru sana kupata mafunzo haya, nikitoka hapa nitaenda kuwaelimisha na wananchi wenzangu ili sote tuweze kuwa na nidhamu ya fedha. Faida ya kusajili vikundi itaenda kuwa chachu ya vikundi kufanya vizuri katika matumizi na kutunza fedha” alisema Magomba.

MWISHO

Imehaririwa na Nancy Kivuyo

 

 

 

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Vijana waalikwa kushiriki Kongamano S/M Mbwanga

By Halmashauri ya Jiji la Dodoma
Image
Na. Mwandishi Wetu Vijana wa Halmashauri ya Jiji la Dodoma wametakiwa kujitokeza na kushiriki kongamano la vijana la Mwenge wa Uhuru Mwaka 2025 lenye lengo la kutoa elimu kuhusiana na fursa mbalimbali za kiuchumi zilizopo nchini. Mwenyekiti wa Kamati ya Kongamano la Vijana katika mbio za Mwenge wa Uhuru Mwaka 2025, Abeid Msangi Kauli hiyo ilitolewa na Mwenyekiti wa Kamati ya Kongamano la Vijana katika mbio za Mwenge wa Uhuru Mwaka 2025, Abeid Msangi akiongelea maandalizi ya kongamano hilo litakalofanyika katika Shule ya Msingi Mbwanga iliyopo Halmashauri ya Jiji la Dodoma. Alisema kuwa kongamano hilo limeandaliwa kwa ajili ya vijana wa Halmashauri ya Jiji la Dodoma. “Nichukue nafasi hii kuwahamasisha vijana wa Jiji la Dodoma kujitokeza kwa wingi katika kushiriki kongamano hilo. Kongamano hilo linalenga kuwajenga vijana kuwa wazalendo, kuifahamu historian a falsafa ya Mwenge wa Uhuru. Pia tutatoa elimu kwa vijana kuhusiana na umuhimu wa kushiriki Uchaguzi Mkuu wa Mwaka 2025 kwa aman...
Read more