Elimu ya Lishe inapatikana Banda la Nanenane Jiji la Dodoma

By Halmashauri ya Jiji la Dodoma

Na. Mwanaidi Masudi, DODOMA

Mjasiriamali kutoka Halmashauri ya Jiji la Dodoma, Agnes Kinyaii, ametoa elimu ya kina kuhusu umuhimu wa lishe bora kwa wananchi waliojitokeza kwenye maonesho ya Nanenane kitaifa yanayofanyika jijini Dodoma.

 

Akizungumza katika banda la Halmashauri ya Jiji la Dodoma, Kinyaii aliwasisitiza wananchi kuzingatia ulaji wa lishe bora kama utumiaji wa viazi vya ‘bitreat’ vinavyosaidia mambo makuu manne kuongeza damu, kukinga maradhi ya damu na afya ya mifupa ya meno.

 

Aliendelea kuelezea kuwa upo unga wa lishe uliotengenezwa katika utaratibu ambao unampatia mtu virutubisho zaidi ya kushiba. “Kwamba tumechanganya vitu vikuu vinne, tumeweka mahindi lishe na viazi lishe, mbegu nyeusi za maboga. Lakini pia tumeweka ‘Almond’ na ngano isiyo kobolewa. Kwahiyo, huu unga anatumia mtoto mdogo anayeanza kula mpaka mzee na ukila hauwezi kukuzidi nguvu kwasababu hatujazidisha wanga. Tumeweka vitu viwili vinavyotoa wanga yaani viazi na mahindi lishe ambayo yana viwango vikubwa vya Vitamin A zaidi hata ya wanga. Kwahiyo, mtu anayetumia huu unga anakuwa na Vitamin A pamoja na wanga ndio maana tunasema hiki ni chakula anatumia mtoto mpaka mtu mzima” alieleza Kinyaii.

 

Wakati huohuo, alielezea zao la mwani kuwa ni zao la baharini ambalo hupatikana maeneo ya fukwe za bahari kama Tanga, Bagamoyo, Dar es Salaam na Pwani kwa sababu linapenda maji ya chumvi. Ni moja ya zao lenye virutubisho vingi vinavyohitajika kwenye mwili wa binadamu wenye madini 72.

 

Vilevile, aliendelea kuonesha wananchi bidhaa mbalimbali wanazotengeneza za lishe hususani unga wa lishe ambao unawasaidia mama wanaonyonyesha kuongeza kiwango cha maziwa. “Uji huu tumeweka mbegu nyeusi za maboga, mbegu hizo zimetengenezwa mahususi kwa ajili ya kuchochea utengenezaji wa maziwa kwa kina mama. Kwahiyo, yule anayenyonyesha akitumia huu uji anakuwa anapata maziwa mengi sana, wamama wengi wanapata changamoto za kunyonyesha watoto wao kwa sababu unakuta akishamnyonyesha mtoto wake anakaukiwa maziwa. Lengo ni kuhakikisha hakuna mtoto ambaye anaanzishwa kula kabla hajafikisha miezi sita, mama anayenyonyesha akitumia huu uji wetu anakuwa anapata maziwa mengi na ya uhakika wa kumnyonyesha mtoto wake miezi sita mfululizo bila kumpa chakula chochote. Ninawasihi sana kina mama wanaonyonyesha watoto walioko katika Jiji la Dodoma wafike katika banda la Halmashauri ya Jiji la Dodoma waweze kujipatia uji huu, tunasema mtoto akinyonya maziwa ya mama anakuwa na akili” alisema Kinyaii.

MWISHO

 

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more