Msimamizi wa Uchaguzi wa Serikali za Mitaa Jiji la Dodoma atoa hakikisho ofisi kufunguliwa na kufungwa kwa wakati siku ya mwisho kuchukua na kurudisha fomu

By Halmashauri ya Jiji la Dodoma

Na. Dennis Gondwe, DODOMA

MSIMAMIZI wa Uchaguzi wa Serikali za Mitaa mwaka 2024 Halmashauri ya Jiji la Dodoma Dkt. Frederick Sagamiko amewataka viongozi wa vyama 19 vya siasa kuwahamasisha wananchi kuchukua na kurejesha fomu akiwahakikishia kuwa ofisi zitafunguliwa na kufungwa kwa muda uliopangwa.


Msimamizi wa Uchaguzi wa Serikali za Mitaa mwaka 2024 Halmashauri ya Jiji la Dodoma Dkt. Frederick Sagamiko akiongea na waandishi wa habari ofisini kwake leo asubuhi


Dkt. Sagamiko alitoa kauli hiyo alipokuwa akiongea na waandishi wa habari ofisini kwake leo asubuhi kuwakumbusha wananchi kuwa ni siku ya mwisho ya kuchukua na kurejesha fomu za kugombea nafasi za uongozi wa serikali za mitaa.

“Leo tarehe 1 Novemba, 2024 ni siku ya mwisho ya kuchukua na kurejesha fomu za kugombea nafasi za uongozi wa serikali za mitaa. Ofisi zimefunguliwa mapema zaidi ili saa 2:00 asubuhi kuanza kutoa huduma hadi saa 10:00 jioni. Hakuna ofisi itakayochelewa kufunguliwa wala itakayowahi kufungwa. Hivyo, viongozi wa vyama vyote 19 niwaombe kuwahimiza wanachama wenu kuchukua na kurejesha fomu za kugombea nafasi za uongozi wa serikali za mitaa. Puuzeni taarifa zozote za kuelezea kuwa ofisi zitakuwa zimefungwa” alisema kwa msisitizo Dkt. Sagamiko.

Msimamizi wa Uchaguzi wa Serikali za Mitaa mwaka 2024 Halmashauri ya Jiji la Dodoma Dkt. Frederick Sagamiko


Ikumbukwe kuwa Halmashauri ya Jiji la Dodoma ina vituo 222, wakati zoezi la kuchukua na kurejesha fomu za kugombea nafasi za uongozi lilianza tarehe 26 Oktoba, 2024 na kuendelea hadi leo tarehe 1 Novemba, 2024.

MWISHO

Comments

Post a Comment

Popular Posts

Global Affairs Canada yafurahishwa na utekelezaji wa Mradi wa AHADI katika Kata ya Chamwino

By Halmashauri ya Jiji la Dodoma
Image
  Kata ya Chamwino, imepokea ugeni kutoka Global Affairs Canada ukiongozwa na Mary Harasym aliyeambatana na Zahra Popatia ambao ni wafadhili wa mradi wa AHADI na kueleza kuridhishwa na utekelezaji wa mradi huo. Lengo la ziara hiyo ni kufanya tathimini na kujionea kwa macho namna mradi unavyotekelezwa hususan utoaji wa elimu kuhusu maswala ya Afya ya uzazi kwa vijana wa Kata ya Chamwino. Kwa upande ‘Promoter’ wa mradi, Khadija Ally alitoa maelezo ya kina kuhusu shughuli zinazofanyika na mafanikio yaliyopatikana kwa vijana kushiriki kwenye mafunzo yenye lengo la kuwajengea uwezo wa kufanya maamuzi sahihi kuhusu maswala Afya ya uzazi, kujikinga dhidi ya mimba zisizotarajiwa na kuwa na mipango bora ya maisha ya baadae pamoja na kuwajengea uwezo wa kuwa na shughuli za kuingiza kipato. Afisa Mtendaji wa Kata ya Chamwino, kwa niaba ya Diwani aliwashukuru wageni hao kwa kuitembelea Kata ya Chamwino na kusema kuwa mradi wa AHADI ni kielelezo kizuri cha ushirikiano baina ya kata yake...
Read more

Umeme wa REA chachu ya viwanda vidogo vidogo Kata ya Ipala

By Halmashauri ya Jiji la Dodoma
Image
Na. John Masanja, IPALA Awamu ya kwanza ya umeme wa Wakala wa Nishati Vijijini (REA) umechochea shughuli za maendeleo na kuinua uchumi wa wananchi katika Kata ya Ipala, Halmashauri ya Jiji la Dodoma. Kauli hiyo ilitolewa na Diwani wa Kata ya Ipala, George Magawa wakati akizungumza na waandishi wa habari waliofanya ‘media tour’ kutembelea miradi ya maendeleo iliyotekelezwa na serikali katika kata hiyo kuanzia mwaka 2021 hadi 2025. Alisema kuwa serikali ya awamu ya sita imepeleka huduma ya umeme katika Kata ya Ipala. “Kata yetu imefikiwa na awamu ya kwanza ambayo ina faida nyingi sana. Wananchi wanafanya shughuli mbalimbali zinazojumuisha matumizi ya umeme kwa kiwango kikubwa na naamini kwa siku za usoni hapa kwetu kutakuwa mtaa wa viwanda vya aina tofauti” alisema Magawa. Nae mkazi wa Kata ya Ipala, Mathias Masita aliishukuru serikali kwa kuwapelekea umeme kwasababu maisha yao yamebadilika na wanafanya shughuli zinazohusisha umeme kwa kiwango kikubwa. “Mradi wa REA umetunufaisha s...
Read more

Kata ya Ipala ipo mstari wa mbele katika Michezo

By Halmashauri ya Jiji la Dodoma
Image
Na. Nancy Kivuyo, IPALA Hamasa ya serikali katika michezo nchini ni kichocheo cha wananchi wa Kata ya Ipala kupenda kushiriki michezo ya aina mbalimbali kwa ajili ya kujenga na kuboresha afya zao ili waweze kushiriki katika shughuli za maendeleo. Diwani wa Kata ya Ipala, George Magawa Kauli hiyo ilitolewa na Diwani wa Kata ya Ipala, George Magawa alipokuwa akiongea na waandishi wa habari kuhusu nafasi ya michezo katika Kata ya Ipala walipotembelea kata hiyo. Diwani Magawa alisema kuwa serikali imekuwa inafanya hamasa kubwa katika michezo hali iliyopelekea kata yao kuwa na mwamko mkubwa katika kushiriki mashindano mbalimbali yanayoandaliwa katani hapo. “Kwakweli, mambo ya michezo tunaenda nayo vizuri, kila mwaka tunafanya mashindano yanayoitwa ‘Magawa Cup’ ambayo diwani ndiye mimi na kwa kushirikiana na mheshimiwa mbunge tuna ‘Mavunde Cup’, tunaandaa mashindano hayo ili kuwasogeza wananchi karibu zaidi na michezo. Wakati mwingine tunaunganisha michezo na kampeni za kijamii za serika...
Read more