Kura Yako Maendeleo ya Mtaa

By Halmashauri ya Jiji la Dodoma

Na. Coletha Charles, DODOMA

Timu hamasa ya Halmashauri ya Jiji la Dodoma, imeendelea na zoezi la kuwahamasisha wananchi kushiriki kikamilifu katika Uchaguzi wa Serikali za Mitaa katika maeneo mbalimbali ya halmashauri hiyo.

 



Zoezi hilo lilifanyika katika eneo la Soko la wazi la Machinga hadi Ihumwa kwa lengo la kuwakumbusha na kuwasisitiza wananchi umuhimu wa kupiga kura kwasababu ni msingi mzuri wa kuleta maendeleo katika mitaa yao.

 

Muelimishaji wa katika gari maalum lijulikanalo kama darasa tembezi, Isabella Bruno alisema kuwa kupitia Ofisi ya Mkuu wa Wilaya ya Dodoma kwa kushirikiana na Mkurugenzi wa Jiji la Dodoma, wametoa gari la darasa tembezi kwa lengo la kuhamasisha wananchi kushiriki Uchaguzi wa Serikali za Mitaa mwaka huu.

 

Alisema kuwa wananchi wanatakiwa kuchagua viongozi wenye sifa kwa kusikiliza sera zao kipindi ambacho kampeni zitakapoanza tarehe 20 Novemba, 2024 na kuangalia kiongozi wa kuwaongoza kwa muda wa miaka mitano ya uongozi.

 

“Tunafanya hivi kukupa uelewa wewe mwananchi na kukukumbusha kuwa ni wajibu wako kupiga kura, kama tunavyofahamu wananchi wengi tumekuwa na kasumba ya kutokushiriki masuala ya uchaguzi kwa sababu mbalimbali na wengine wanakuwa hawaoni umuhimu wa kushiriki” alisema Bruno.

 

Kuhusu suala la rushwa, wananchi wametakiwa kutojishughulisha na kutoa au kupokea rushwa kwa lengo la kumchangua kiongozi asiye sahihi kwasababu uchanguzi huu ni wa amani na wakuleta tija katika nyanja tofauti tofauti.

 

Uchaguzi huu unatarajiwa kufanyika tarehe 27 Novemba, 2024 na kila mwananchi mwenye sifa na vigezo vya kushiriki atatakiwa kupiga kura akiwa ni mtanzania halisi, mwenye umri kuanzia miaka 18 na kuendelea, mwenye akili timamu, mkazi wa mtaa husika na awe amejiandikisha kwenye orodha ya daftari la wapiga kura.

MWISHO

 

 

 

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more