Jiji la Dodoma lasaini mkataba ujenzi wa barabara ya lami kwenda Hospitali ya Jiji

By Halmashauri ya Jiji la Dodoma

Na. John Malima, DODOMA

Halmashauri ya Jiji la Dodoma imesaini mkataba wa makubaliano ya ujenzi wa barabara kutoka Hospitali ya Halmashauri ya Jiji la Dodoma hadi barabara kuu ya Singida yenye urefu wa Kilomita 1.6 kwa kiwango cha lami.


Mstahiki Meya wa Jiji la Dodoma, Prof. Davis Mwamfupe (kustoto) na Mkurugenzi wa Jiji, Dkt. Frederick Sagamiko wakisaini mkataba wa ujenzi wa barabara kwa kiwango cha lami


Mkataba huo ulisainiwa tarehe 20 Novemba, 2024 katika Ofisi ya Mstahiki Meya wa Halmashauri ya Jiji la Dodoma baina ya Halmashauri ya Jiji la Dodoma na Kampuni ya ujenzi ya Kings Builders Limited ukiwa na thamani ya shilingi 2,431,050,561.63 (Bilioni Mbili na Milioni Mia Nne Thelathini na Moja Laki Tano na Mia Tatu Sitini na Moja na senti Sitini na Tatu).

Katika zoezi la kusaini mkataba huo Mstahiki Meya wa Halmashauri ya Jiji la Dodoma, Prof. Davis Mwamfupe alimshukuru Mkandarasi kwa kuunga juhudi za serikali na alimtaka kufanya kazi kwa viwango vinavyotakiwa. “Kwanza nawapongeza sana, mmetimiza adhma ya serikali kwamba katika miradi iliyo mingi tunasisitiza sekta binafsi, lakini tungependa msiwe vikwazo katika utekelezaji wa miradi yenu kwasababu Dodoma ni makao makuu ya nchi. Kama utendaji kazi wenu utakuwa wa viwango, mtakua mnaunga mkono juhudi za serikali. Kwahiyo, lazima tuhakikishe ubora wa miundombinu ili kuifanya sekta ya afya istawi zaidi” alisema Prof. Mwamfupe.

Kutokana na changamoto mbalimbali za wakandarasi kutokumaliza miradi yao kwa wakati, Mstahiki Meya alimtaka mkandarasi kutokuwa kero katika utekelezaji wa mradi huo kwa visingizio mbalimbali. “Tungependa ninyi msije mkawa kero, kwa maana kwamba kazi zenu haziishi kwa visingizio visivyoisha kama vifaa, bei na vingine vingi, hatutegemei kujuta kutokana na kazi hii kwasababu ubora wa kazi hii ni namna ya kuomba kazi nyingine tena” alisisitiza Prof. Mwamfupe.


Mkandarasi Eng. Joseph Tarimo (kulia) akisaini mkataba wa ujenzi wa barabara kwa kiwango cha lami


Kwa upande wake, Mkandarasi wa Kampuni ya Ujenzi ya Kings Builders Limited, Mhandisi Joseph Tarimo, aliyesaini mkataba huo amesema watajitahidi kufanya kazi kwa muda walioahidi wakizingatia ubora katika mradi huo.

“Sisi kama kampuni, tunaunga mkono yale aliyosema Mstahiki Meya, kampuni tutafanya kazi usiku na mchana kuhakikisha kuwa tunakamilisha kazi ndani ya muda wa mwaka mmoja lakini ni mategemeo yetu tutafanya kazi hii kwa pungufu ya muda uliopo katika mkataba wetu” alisema” Mhandisi Tarimo.

Ukarabati wa barabara hiyo kwa kiwango cha lami utakuwa na manufaa kwa wakazi wote wa Jiji la Dodoma kwasababu itarahisisha upatikanaji wa huduma ya Afya na shughuli za uchukuzi.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more