Gari la Darasa Tembezi latembelea Dodoma Media College

By Halmashauri ya Jiji la Dodoma

Na. Asteria Frank, DODOMA

Gari la Darasa Tembezi kutoka Halmashauri ya Jiji Dodoma limetembelea Dodoma Media College kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa.


Gari la Darasa Tembezi limewapa wanafunzi wa chuo hicho elimu ya kujiandikisha kwenye orodha wapiga kura zoezi liloanza tarehe 11 Oktoba, 2024 na kuendelea hadi tarehe 20 Oktoba, 2024 na kuwataka washiriki katika Uchaguzi wa Serikali za Mitaa kwasababu ni haki yao na ni muhimu kuchagua viongozi wa mitaa wanayoishi.

Mwenyekiti wa uelimishaji na uhamasishaji  wa Darasa Tembezi, Shadaiya  Hassan aliwaelimisha wanafunzi kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa wanatakiwa kujiandikisha kwenye orodha ya wapiga kura katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katika mitaa au vitongoji ili aweze kushiriki kuchagua mwenyeki pamoja na wajumbe wa kamati ya utekelezaji.

Alisema kuwa kuna utofauti kati ya kujiandikisha katika daftari la kudumu la mpiga kura ambalo linamfanya mwananchi kupata kadi ya kupigia kura mwaka 2025 kwenye kuchagua diwani, mbunge na raisi. Kujiandikisha kwenye orodha ya wapiga kura ni kwaajili ya kupata sifa ya kushiriki Uchaguzi wa Serikali za Mitaa na linabeba orodha ya wananchi wanaoishi katika eneo husika.

“Zoezi la kujiandikisha kwenye daftari la kudumu la mpiga kura halihusiani kabisa na Uchaguzi wa Serikaliza Mitaa. Kwahiyo, ili kupata sifa ya kushiriki Uchaguzi wa Serikari za Mitaa ni lazima ujiandikishe kwenye orodha ya wapiga kura katika mitaa tunayotoka” alisema Hassan.

Aliongeza kuwa kupata sifa ya kushiriki Uchaguzi wa Serikali za Mitaa ni lazima uwe Raia wa Tanzania, uwe na umri wa miaka 18 na kuendelea , ni mkazi wa mtaa ambao uchaguzi unafanyika, uwe na akili timamu na awe amejiandikisha kupigakura katika mitaa husika  na zoezi la kujiandikisha  ni la mda mfupi.

Mwanafuzi wa ngazi ya Cheti wa Dodoma Media College, Martin Tulo alisema kuwa Uchaguzi wa Serikali za Mitaa unatuhusu watu wote tofauti na dhana aliyokuwa nayo kuwa wagombea wa uchaguzi ni watu wenye umri mkubwa na wazee kumbe na vijana tunapaswa kushiriki sio tu kupiga kura hata kugombea.

“Kama vijana kuna faida nyingi za kushiriki Uchaguzi wa Serikali za Mitaa ikiwa moja wapo ni kupata haki yako ya msingi, kushiriki katika vikao vya maamuzi na pia kupata uzoefu wa uongozi kwa wale wanaotaka kuja kuwa wanasiasa hapo mbeleni” alisema Tulo.

MWISHO

 

 

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more