Mtumba yapata madarasa mapya kwa kidato cha Tano na Sita

By Halmashauri ya Jiji la Dodoma

Na. Valeria Adam, DODOMA

Mkuu wa Wilaya ya Dodoma, Alhaj Jabir Shekimweri ametoa wito kwa wazazi na walezi kuhakikisha kuwa watoto wanapata elimu bora na kufuatiliwa kwa karibu ili wafaulu.



Mkuu wa Wilaya ya Dodoma, Alhaj Jabir Shekimweri akitoa wito kwa Jumuiya ya Shule ya Sekondari Mtumba




Aliyazungumza hayo katika ziara ya kutembelea mradi wa ujenzi wa madarasa nane na matundu 10 ya vyoo kwa ajili ya wanafunzi wa kidato cha tano na sita katika Shule ya Sekondari Mtumba jijini Dodoma.

Alhaj Shekimweri alisisitiza umuhimu wa kuwapeleka watoto shule na kusimamia maendeleo yao ili kuwawezesha kufaulu kwa kiwango cha juu. “Tupeleke watoto wetu shule na sio tu kuwapeleka shule, tuwasimamie pia wafaulu. Kama dhamira ni kufanya watoto wetu wasome hapahapa, ni vema waje na watoto wa nje wajichanganye na watoto wetu ili kufundishana tamaduni mbalimbali na tutajenga watanzania wenye umoja” alisema Alhaj Shekimweri.

Mkuu wa Wilaya alisisitiza pia umuhimu wa kuweka uzio kwenye shule hiyo ili kuhakikisha usalama na kudhibiti uvamizi. Aliongeza kuwa, ingawa ujenzi wa uzio wa matofali ni chaguo zuri, mbinu rahisi kama matumizi ya miti au michongoma inaweza kuwa hatua ya awali ya kufanikisha lengo hilo. “Nihimize kuhusu suala la kuanza kufikiria uzio na kwenye uzio viongozi msijibane sana kwenye mawazo ya kujenga uzio wa matofali japokuwa ni kitu kizuri, lakini kwa kuanzia tutaweka hata miti au michongoma” aliongeza Alhaj Shekimweri.

Aidha, alitoa wito kwa taasisi za umma kuhakikisha maeneo yao yamepimwa na kuwa na hati ili kuepusha uvamizi na migogoro ya ardhi. Alieleza kuwa na mipaka rasmi kutasaidia kudhibiti changamoto hizo na kuweka mazingira salama kwa shule na taasisi nyingine. “Niendelee kusisitiza umuhimu wa taasisi za umma kuwa zimepimwa na zina hati, itasaidia sana uvamizi kutokuendelea kwa sababu kutakuwa kumepimwa kwa kila eneo na kuna mipaka. Kwa hiyo, niombe Afisa Elimu usimamie hili kwa niaba ya mkurugenzi kuhakikisha kwamba shule yetu na shule nyingine zinakuwa zimepimwa” alisisitiza Alhaj Shekimweri.

Nae Mkuu wa Shule ya Sekondari Mtumba, Mwl. Stephen Mwenda alisema kuwa katika kukamilika kwa mradi huo kulikuwa na changamoto ambazo zilijitokeza ikiwemo kubadilika kwa bei za vifaa vya ujenzi. Changamoto nyingine ni ucheleweshaji wa upatikanaji wa saruji na upatikanaji wa maji kwa wakati wa ujenzi. “Kubadilika kwa bei za vifaa vya ujenzi katika masoko, ucheleweshaji wa upatikanaji wa saruji kulingana na maelekezo ya kitengo cha Manunuzi. Vilevile, upatikanaji wa maji umekuwa changamoto kutokana na kuwa na chanzo kimoja tu cha maji (Mfuko wa Maji Mtumba-RUWASA)” alisema Mwl. Mwenda.


Mkuu wa Shule ya Sekondari Mtumba, Mwl. Stephen Mwenda akisoma taarifa ya mradi, kushoto ni Diwani wa Kata ya Mtumba


Licha ya changamoto hizo Mkuu wa Shule ya Sekondari Mtumba aliainisha mafanikio makubwa yanayotarajiwa kutokana na mradi huo. “Mradi huu umetoa ajira kwa wananchi wa Jiji la Dodoma na kuwapa mafunzo ya kazi, pamoja na kuwezesha mazingira mazuri ya kujifunza kwa wanafunzi. Pia, shule hii itakuwa ni kiungo muhimu katika kuwaunganisha wanafunzi wa kidato cha tano kutoka mikoa mbalimbali ya Tanzania” alisema Mwl. Mwenda.

Jumuiya ya Shule ya Sekondari Mtumba ilitoa shukrani kwa Serikali ya Jamhuri ya Muungano wa Tanzania, inayoongozwa na Rais, Dkt. Samia Suluhu Hassan kwa kutoa fedha zinazosaidia kuboresha mazingira ya kujifunza kwa watanzania.





MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more