Mkuu wa Wilaya Apongeza Ujenzi wa Madarasa Mtumba

By Halmashauri ya Jiji la Dodoma

Na. Valeria Adam, DODOMA

Mkuu wa Wilaya ya Dodoma, Alhaj Jabir Shekimweri, ametembelea miradi ya serikali iliyopo Kata ya Mtumba na kusisitiza elimu kuwa agenda ya kudumu.




Akizungumza na walimu na wanafunzi wa Shule ya Msingi Mtumba alitoa wito kwa jamii kufuatilia kwa karibu maendeleo ya kitaaluma, ufundishaji na ujifunzaji ili kuhakikisha majengo mazuri yaliyojengwa yanaakisi ubora wa elimu.

Alisema kuwa ni muhimu katika kuhakikisha kuwa wanafunzi wanapata elimu bora na yenye tija, na kwamba walimu wana nafasi kubwa katika kufanikisha hilo. “Nisisitize agenda hii ya elimu iwe ni ya kudumu, fuatilieni kwa karibu maendeleo ya kitaaluma, ufundishaji ili kusudi majengo haya mazuri tuliyojengewa yaakisi katika ubora wa elimu” alisema Alhaj Shekimweri.

Aidha, aliwapongeza walimu kwa kazi nzuri wanayoifanya na kuwataka waendelee kuwafundisha watoto kwa upendo na kwa kuwajali ili kuwasaidia watoto kujifunza vizuri bila kuhofia chochote. “Walimu muwafundishe watoto kwa upendo, muwaelekeze kwa kuwajali, muwasimamie katika maendeleo yao ya kitaaluma. Pia muwashirikishe wazazi ili waweze kujua tabia na mienendo ya watoto wao katika taaluma” alisisitiza Alhaj Shekimweri.

Kwa upande wake Mwalimu Mkuu wa Shule ya Msingi Mtumba, Mwl. Kepha Kitutu alisema kuwa mradi wa ujenzi wa vyumba saba vya madarasa umesaidia katika kutatua changamoto ya upungufu wa madarasa. Alisema kuwa mradi umekamilika kwa asilimia 100 bila kuwa na deni lolote kutoka kwa wazabuni au mafundi ujenzi wa shule hiyo.

“Shule hii ina jumla ya wanafunzi 1,438 (wavulana 699 na wasichana 739), kabla ya mradi ilikuwa na vyumba 31 vya madarasa pekee. Hali ya madarasa ilikuwa mbaya sana, na baadhi yalikuwa chakavu na kuhatarisha usalama wa wanafunzi na walimu. Hivyo, kusababisha mrundikano mkubwa wa wanafunzi.

“Ujenzi wa vyumba viwili vya madarasa na madawati 30 kutoka mradi wa EP4R umekamilika kwa asilimia 100. Ujenzi wa vyumba viwili vya madarasa kutoka mapato ya ndani umekamilika kwa asilimia 100. Ujenzi na utekelezaji wa mradi huu umekamilika kwa asilimia 100 bila ya kubaki na deni lolote kutoka kwa wazabuni au mafundi ujenzi” alihitimisha Mwl. Kitutu.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more