Jiji la Dodoma latoa Kilo 790 za sukari kwa shule 150

By Halmashauri ya Jiji la Dodoma

Na. Faraja Mbise, DODOMA

HALMASHAURI ya Jiji la Dodoma imetoa kilo 790 za sukari kwa ajili ya walimu wa shule za msingi na sekondari ili kuwawezesha kupata uhakika wa chai wanapokuwa shuleni ikiwa ni kuunga mkono juhudi za Rais wa Tanzania na Mbunge wa Jimbo la Dodoma mjini za kuhakikisha nishati safi ya kupikia inatumika katika taasisi mbalimbali.




Kilo hizo zilitolewa na Naibu Meya wa Halmashauri ya Jiji la Dodoma, Fadhili Chibago wakati wa hafla ya ugawaji mitungi ya gesi na majiko 1,000 kwa shule, zahanati, vituo vya afya, vituo vya watoto yatima na mama na baba lishe tukio lililofanyika katika uwanja wa Nyerere square jijini Dodoma.

Naibu Meya Chibago alisema kuwa Halmashauri ya Jiji la Dodoma imechangia kilo 790 za sukari kwa shule za msingi na sekondari 150. Shule za msingi zilizopewa sukari hiyo ni 104 na shule za sekondari ni 46 ikiwa ni kuunga mkono juhudi za Rais wa Tanzania na mbunge wa jimbo la Dodoma mjini, aliongeza.

Akiongelea zoezi la utoaji wa majiko na mitungi 1,000 ya gesi kwa taasisi mbalimbali, alisema kuwa ni jambo la kizalendo. “Kwa niaba ya wananchi wa Halmashauri ya Jiji la Dodoma na kwa moyo wa unyenyekevu sana tunataka kukushukuru sana kwa moyo wako, bila kusukumwa na yeyote kwa nia yako ya dhati ya kulipenda Jimbo lako la Dodoma mjini.... Sisi Halmashauri ya Jiji la Dodoma tumepokea kwa mikono miwili maoni ya Mheshimiwa Rais, Dkt. Samia Suluhu Hassan ya kutamani watanzania wote tuondokane na matumizi ya kuni lakini pia tutumie sasa nishati mbadala” alisema Chibago.

Kwa upande wake Mwalimu Mkuu wa Shule ya Msingi Dodoma Mlimani, Mwl. Jenifa Mhavile aliishukuru Halmashauri ya Jiji la Dodoma kwa ugawaji wa sukari na mitungi ya gesi katika shule. Alisema kuwa itawasaidia kuokoa muda wakati wa kupika chai  ofisini na pia watatoa elimu kuhusu utumiaji wa nishati safi na   kuhamasisha utumiaji wa nishati safi ya kupikia katika vikao vya wanafunzi na wazazi. “Kutokana na kuwa tupo katika kampeni ya kupinga matumizi ya nishati chafu tutatumia elimu hii kuhamasisha juu ya matumizi sahihi ya gesi. Tutahakikisha kuwa kila mmoja anakuwa balozi katika masuala ya matumizi ya gesi” alisema Mwl. Mhavile.




Hafla ya ugawaji wa mitungi ya gesi na majiko 1,000 kwa shule, zahanati, vituo vya afya, vutuo vya makao ya watoto na mama na baba lishe ni kuunga mkono jitihada za Rais, Mhe. Dkt. Samia Suluhu Hassan kuhamasisha matumizi ya nishati safi ya kupikia. Halfa hiyo ni ya tatu kwa Mbunge Anthony Mavunde, ambapo awamu ya kwanza nay a pili alitoa jumla ya majiko 1,500 kwa lengo la kupunguza matumizi ya nishati chafu ya kupikia ambayo ina athari kubwa katika mazingira na kupelekea vifo vya watu wengi nchini.

MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more