Timu ya Veterani kutoka Zanzibar yaibuka mshindi katika Bonanza Dodoma

By Halmashauri ya Jiji la Dodoma

Na. Valeria Adam, DODOMA

Timu ya mpira wa miguu ya Veterani kutoka Chuo cha Mafunzo Zanzibar imefanikiwa kuibuka mshindi katika Bonanza la mpira wa miguu lililofanyika katika uwanja wa Magereza jijini Dodoma na kupewa kombe.

Mkuu wa Gereza kuu la Isanga, Zephania Neligwa (kulia) akimkabidhi kombe kepteni wa timu ya mpira wa miguu ya Veterani kutoka Chuo cha Mafunzo Zanzibar


Bonanza hilo lilifanyika tarehe 24 Agosti, 2024 kwa lengo la kuimarisha ushirikiano na uhusiano kati ya Tanzania Bara na Tanzania Visiwani na kuleta burudani kwa mashabiki.

Katika mchezo wa fainali, timu ya Veterani kutoka Chuo cha Mafunzo Zanzibar ilionesha kiwango cha juu, hasa katika eneo la ulinzi ambapo waliweza kuzuia mashambulizi mengi ya wapinzani wao.

Mchezaji wa timu ya Veterani kutoka Chuo cha Mafunzo Zanzibar, Haji Ramadhani alisema kuwa ushindi wao ulitokana na juhudi za pamoja na umakini wa kila mchezaji, huku wakionesha nidhamu ya hali ya juu ndani na nje ya uwanja. “Bonanza limekuwa zuri, kuanzia mwanzo mpaka hatua hii ya kumalizia katika mchezo wa fainali. Kusema kweli mechi zote zilikuwa na ushindani na hili bonanza ni la kihistoria katika Magereza haya”.

“Siri ya ushindi ni kujiandaa vizuri kwa ujumla na tulikuwa tunafanya mazoezi takribani kila wiki pia tulikuja huku kushindana na tunamshukuru Mungu katujalia tumepata ubingwa huu”, alisema Ramadhan.

Kwa upande wa Timu ya Magereza Veterani Makao Makuu ilishindwa katika bonanza hilo walilokabiliana na timu ya Veterani kutoka Zanzibar. Mchezo ulikuwa na ushindani mkubwa, ukionesha tofauti ya maandalizi kati ya timu hizo na Veterani kutoka Zanzibar wakionekana kuwa na uzoefu zaidi.

Akizungumzia matokeo hayo, Emmanuel Sahani, mchezaji wa timu ya Magereza Veterani Makao Makuu, alisema kutokana na ukosefu wa uzoefu kwa timu hiyo na kukosa maandalizi ya kutosha ni moja ya sababu ya timu yao kushindwa. "Wenzetu wako vizuri, walijipanga muda mrefu tofauti na sisi kwa sababu ndio tumeanza, lakini tunashukuru kwa kupata nafasi hii kushiriki na tunaamini kuwa mechi zitakazo kuja mbeleni tutakuwa vizuri zaidi", alisema Sahani.




Kwa upande wake, Mkuu wa Gereza kuu la Isanga, Zephania Neligwa alisema kuwa michezo hiyo itakuwa chachu ya maendeleo na ushirikiano kati ya Tanzania Bara na Tanzania Visiwani. Pia alimshukuru Mwenyekiti wa Kamati ya Usalama Wilaya ya Dodoma kwa kuonesha ushirikiano kuanzia mwanzo wa ziara mpaka mwisho wa ziara.

“Mchezo huu umekuwa ni mzuri, mchezo ambao umetuunganisha sisi Tanzania Bara na Tanzania Visiwani na hii itazidi kuweka historia nzuri kati ya Jeshi la Mafunzo la Tanzania Bara na Visiwani".

"Namshukuru sana Mwenyekiti wa Kamati ya Usalama Wilaya ya Dodoma kwa namna ambayo ameshiriki nasi katika tukio hili muhimu, ametuwezesha kuweza kutembelea sehemu mbalimbali za Dodoma", Neligwa alihitimisha.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more