Kata ya Zuzu yajivunia mafanikio ya utekelezaji miradi ya maendeleo

By Halmashauri ya Jiji la Dodoma

Na. Valeria Adam, DODOMA

SERIKALI yapongezwa kwa utekelezaji wa miradi ya maendeleo inayolenga kuboresha maisha ya wananchi wa Kata ya Zuzu ikiwa na matokeo chanya.




Diwani wa Kata ya Zuzu, Awadh Abdallah

Pongezi hizo zilitolewa na Diwani wa Kata ya Zuzu, Awadh Abdallah nje ya ukumbi wa mikutano wa Halmashauri ya Jiji la Dodoma.

Diwani Abdallah alisema kuwa miradi ya ujenzi wa madarasa mapya, visima vya maji na barabara za lami inakwenda sambamba na malengo ya serikali ya kuhakikisha huduma bora kwa wananchi. Miradi hiyo imeanza kutoa matokeo chanya na wananchi wanaendelea kunufaika nayo.

"Kwanza tunatekeleza mradi mkubwa wa Kituo cha Afya Zuzu kitakachogharimu shilingi milioni 550 na mpaka sasa takribani shilingi millioni 320 tumeshazipokea na ujenzi unaendelea. Tumejenga madarasa nane, matundu 16 ya vyoo na ofisi za walimu kwa ajili ya kidato cha tano na sita ambao tunatarajia mwaka unaofuatia tutaanza kuwa na wanafunzi wa kidato cha tano na sita.

"Lakini pia tunajenga shule mpya ya msingi katika Mtaa wa Soweto, mpaka sasa madarasa matano yamekamilika na tunaanzisha Shule ya Sekondari Chididimo. Kwahiyo, kutakuwa na shule nyingine ya Sekondari katika mitaa miwili ambayo ni Sokoine na Chididimo. Tayari tumeshaweka kwenye bajeti ya mwaka 2024/2025 katika utekelezaji” alisema Abdallah.

Akiongelea mradi mkubwa wa maji, alisema kuwa mradi huo unasimamiwa na Mamlaka ya Maji safi na usafi wa Mazingira mjini Dodoma (DUWASA) ukitarajiwa kuchimba visima 13. Visima vitatu vimeshachimbwa na mradi utasaidia kusambaza maji hadi kata za jirani, aliongeza.

Aidha, Diwani huyo alitoa shukrani za dhati kwa Rais wa Jamhuri ya Muungano wa Tanzania kwa kuwapelekea mradi wa barabara ya lami katika kata hiyo. “Tunamshukuru sana Rais, Dkt. Samia Suluhu Hassan kwa kutuletea barabara ya lami yenye urefu wa kilomita 13 na utekelezaji umeshaanza kwa kilomita sita na nusu na umefikia asilimia 50 na mpaka mwezi wa Oktoba hizi kilomita zitakuwa zimeanza kutumika” alisema Abdallah.

Abdallah alizitaja fursa zinazopatikana kwenye kata yake kuwa ni bwawa la Zuzu ambalo hutumika kupata kitoweo na umwagiliaji. Vilevile, alisema kuwa kuna mashamba yanayofaa kwa kilimo cha mjini.

“Nitoe fursa ambazo zipo kwenye kata yetu. Kwanza ni karibu na mjini, tumeanza upimaji wa ardhi na sasa wananchi wananufaika na ardhi yao. Lakini pia tumepata wafadhili wa 'World Bank' ambao watakwenda kupima ardhi kwenye mitaa mitatu ambayo ni Sokoine, Soweto na Chididimo kwa gharama nafuu kwa ajili ya wananchi kuweza kumudu gharama za uendeshaji.

"Pia tuna bwawa kubwa unaweza kunufaika kwa samaki, kilimo cha mbogamboga na tuna viwanja ambavyo tunaviuza vya hoteli na mashamba. Kwahiyo, tunawakaribisha sana kwa hizi fursa zinazopatikana kwenye Kata ya Zuzu” alisema Abdallah.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more